HEBRANIK 7:26 - BUKUIT NE TILIIL Sireet ne Dutero Kanon

²⁶ Amu nyoljinech tisiindet ne oo ne uu ni, ne tiliil, ne ma tinyei keniisyet, ama tinyei murwoonindo, ne itabaanat eng' kiptengegiinik, ak ki kitoroor kosiir kipsengwet;

Bukuit Ne Tilil

²⁶ Amu nyoljinech tisiindet ne oo ne uu ni, ne tiliil, ne ma tinyei keniisyet, ama tinyei murwoonindo, ne itabaanat eng' kiptengegiinik, ak ki kitoroor kosiir kipsengwet;

BUKUIT NE TILIL

²⁶ Amu nyoljinech tisiindet ne o ne u ni, ne tilil, ne matinyei kenisiet, ama tinyei muruonindo, ne itabanat eng’ kiptengeginik, ak kigitoror kosiir kipsengwetisiek;

HEBRANIK 7:26 ပူးပေါင်းရင်းမြစ်များ

TIENWOGIKAL 68:18

Ki itogoste parak, ki imut luulenik che ki iluul; Ki itaach piik koek kagoochinoik, Ee, agot ngelelik ak icheek, si kobiit komeng'iis Kamuktaindet ne Toroor.

KOMONG'U 28:36

“Itaany kora thahabu che tiliileen kolebelitu ak iwai eng' paragunnywa waet ne uu ne po ng'ookset, ile, Tiliil eng' Kamuktaindet ne Toroor.

ISAIAH 53:9

Ak ki yachi ineendet kererit kobooto kiptengegiinik, ago ki kitup eng' meennyi kobooto mogoreek; nganda ki ma yai koroomnateet age tugul, ama mang'une kutinnyi ng'aalseet age tugul.

EZEKIEL 44:27

Ak eng' peetuut ne wendi ole-tiliil, seremut ne po oriit, kwo kobois eng' ole-tiliil, kogoito kagoochinennyi ne po tengekto, mwaei Kiptaiyat Kamuktaindet ne Toroor.

KAITOSYEK 29:26

“Eng' peetuut ne po muut ogoitoi kiruugik sogool, mengichik aeng' ak aarek taman ak ang'wan che mengichik che libwoben che ma siirei kenyiit agenge.

MATAYO 27:18

Ki ingen kole kagigoito ineendet eng' ng'etkonda.

MARIKO 16:19

Ye kingo kagong'alaal ak icheeget `Kiptaiyat Jeso, kimut anyun ineendet kwo kipsengwet, ak kotebee eutap tai ne po Kamuktaindet.

LUKA 1:35

Ak ki wolji malaikaiyat koleenji, “Nyonjinin Kabuuset ne Tiliil ak kouurin kamuktaetap Ineendet Ne Toroor Miising'; nooto anyun kiguure ne tiliil, Weeriitap Kamuktaindet, ineendet ne tuun kisichei.

LUKA 23:22

Ak ki mwachi icheek ne po somok, koleenji, “Kalya, nee yaityet ne ki yai chiichi? Ma anyoorchi ng'olyoot ineendet ne nyoljin kome: nooto anyun abire ineendet si atyach.”

LUKA 23:41

Ago po iman nenyo; amu kagigoonech ko uu poisyonikyok: ago ma yai chiichi kiy ne ma nyolu.”

LUKA 23:47

Ak kingo keer chemogetap kiplugotinik pogol tuguuk che kayaagiis, kolas Kamuktaindet kole, “Koga po iman chiichi.”

LUKA 24:26

Ki ma nyoljin Kristo konyalil eng' tuguuchu, si komong'ji toroornatennyi?”

LUKA 24:46

ak ki leenji icheek, Ki kisir ko uu nooto, keele, nyoljin Kristo konyalil, ak kong'eet kogeny eng' che ki kobek eng' peetuutap somok;

JOHANA 14:30

Ma ng'alaalwok miising', amu nyoonei ne oo ne po ng'wony: ama tinyei kiy eng' anee;

JOHANA 8:29

Ak kimi tuwai ak ineendet ne ki iyookwo; ma pagaakta aneege; amu ayae kotugul tuguuchooto chamaksei eng' ineendet.

POISYONIGAP CHE KIYOKTOI 3:14

Ago ki otiiye okweek Ineendet ne Tiliil ak ko po Imanda, ak osom ole kegonok rumiindet,

POISYONIGAP CHE KIYOKTOI 4:27

Amu iman kituitos eng' nganasani Herod ak Pontio Pilato agine kobooto Pororyosyek ak piigap Israel, kole kogirinda Kiboityondeng'ung' ne Tiliil Jeso, ne ki iil,

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 2:10

Amu kinyolji ineendet, ne mi tuguuk tugul amu ineendet ak kobunu ineendet tuguuk tugul, ye imutyin weeriik che chaang' toroornatet, si koyai taunindetap yetunennywa koek ne ititaat eng' nyalilwogik.

HEBRANIK 2:17

Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik.

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

HEBRANIK 7:11

Ak nda ki mi kagesunatetapkei eng' tiseinatetap Lawiik (amu ki nyoorunee yooto piik Ng'atuutyet), ko kita kimage nee kobiit tisiindet age ne uu kiit ne ki uu Melkisedek, ama kiititoi kiit ne ki uu Aron?

HEBRANIK 8:1

Nguno anyun, eng' tuguuk che kimwae, kiit ne oo ko ni: ki tinyei tisiindet ne oo ne uu ni, ne kitebee komostap euut ne po tai ne po ng'echereetap Laitornatet ne po Etunateet eng' kipsengwet,

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

1 PETERO 1:19

ago eng' korotiik che po kamanuutyet ne oo, ko uu che po aarwet ne ma tinyei peruut ak ne ma tinyei tisya, chooto ko korotiigap Kristo:

1 PETERO 2:22

ineendet ne ki ma yai tengek, ama ki nyoorchi kutinnyi ng'aalseet:

1 PETERO 3:22

ne kikwa kipsengwet ak komi eutap tai ne po Kamuktaindet; ak ki kiyai malaikaisyek ak pounatosyek ak kimnatosyek kogas iit ineendet.

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

1 JOHANA 3:5

Ak ongen ole ki king'aany ineendet si kobiit koip tengekwogik; ama mi tengek eng' ineendet.

NG'ANG'UTYET 3:7

“Ak isirchi malaikaiyatap kaniset ne mi eng' Philadephia, ileenji: Mwaei tuguuchu ineendet ne tiliil, ineendet ne po iman, ineendet ne tinyei yaateiwotap Daudi, ineendet ne yaatei, ama kerei chii, ak ne kerei, ama yaatei chii.