HEBRANIK 7:25 - BUKUIT NE TILIIL Sireet ne Dutero Kanon

²⁵ Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

Bukuit Ne Tilil

²⁵ Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

BUKUIT NE TILIL

²⁵ Eng’ noto anyun komuchi kogeny kosor agoi kasuldaet ichek che bwanjin Jehovah eng’ inendet, amu sobei inendet koigeny si kobiit kosaei agobo ichek.

HEBRANIK 7:25 ပူးပေါင်းရင်းမြစ်များ

Kitabuutap JOB 22:17

Che ki leenji Kamuktaindet, Istoeneige; Ak, Nee ne imuuchi koyaiywech Ineendet Ne po Kamuktaet?

Kitabuutap JOB 23:3

Kata myee nda kangen ole anyoorchini ineendet, si kobiit ait ole mi ng'echerennyi!

ISAIAH 45:22

Onyala, si kesorwok, okweek tabanwek tugul che po ng'wony: amu aa Kamuktaindet, ama mi age.

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

ISAIAH 53:12

Apchechini anyun ineendet kebeberta kobooto piik che eecheen, ak kopchei parunenik kobooto piik che kiimeen; amu ki igoito saboondanyi agoi meet, ak ki kiitito pistoik: ago kigesen tengekwogigap piik che chaang', ak ki sa agobo pistoik.

ISAIAH 59:16

Ak ki keer kole ma mi chii age tugul, ak ki kwong' amu ki ma komi ne sachin age: ki ipchigei anyun yetunet eng' eunnyi; ak kiti imandanyi ineendet.

ISAIAH 63:1

Ng'oo ne punu Edom, ne tinyei ngoroik che ki kisal kobiriritu, eng' Bosra: ne tinyei ngoroik che po toroornatet, kowendi eng' ooindap kimnateennyi? Aneendet ne ang'alaali eng' imanda, ne atinye kamuget asar.

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JOHANA 14:13

Ak kiit age tugul ne osoome eng' kainennyu, ayae, si kegonyit Kwanda eng' Weeriit.

JOHANA 14:16

Ak asoom Kwanda, ak kogoonok kagaigaindet age, si kotebi kobootok koigeny,

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

ROMANIK 5:10

Amu ye kita ko ki puunik, ko ki kituiyech ak Kamuktaindet eng' meetap Weeriinnyi, ne siirei miising' anyun, koga kituiyech, kesarwech eng' saboondanyi.

ROMANIK 5:2

ak ki kenyooru eng' ineendet agine kemong'ji eng' kayaneet myeinooto kitonone; ak ongeboiboitu eng' kamang'unetap toroornatetap Kamuktaindet.

ROMANIK 8:34

ng'oo ineendet ne igikyin? Kristo Jeso ne kime, ee, ineendet ne ki king'eet komang'une che ki pek, ne mi eutap tai ne po Kamuktaindet, ne saiywech agine.

1 KORINTOEK 1:21

Amu eng' utaatyet ne po Kamuktaindet koma nai ng'wony Kamuktaindet eng' utotyennyi, ki cham Kamuktaindet kosar icheeget che iyani, eng' perberyo ne po ng'olyoot ne ki amdoi.

EPESOEK 2:18

amu kinyooru acheek tuwai eng' ineendet ooreennyo eng' Kabuuset ne Tiliil agenge, ne ki itee ole mi Kwanda.

EPESOEK 3:12

ki tinyei eng' ineendet nyiganateet ak kamang'unet ne kiriikyine ineendet amu kiyani ineendet.

EPESOEK 3:20

Ingobunji anyun ineendet ne imuuchi koyai miising' inne kosiir tugul che kisoome anan che kibwaati ko uu kamuktaet ne poisyei eng' acheek,

PILIPIK 3:21

ne tuun walei kileelit poortanyo ne po nyeraatyet, si kobiit kogergeit ak poortanyi ne po liilindo, eng' kamugonooto imuuchi koyai tuguuk tugul kogas iit ineendet.

1 TIMOTEO 2:5

Amu miitei Kamuktaindet agenge, katuiyoindet agenge agine kwenutap Kamuktaindet ak piik, nooto chiito, Kristo Jeso,

2 TIMOTEO 1:12

Anyooru anyun nyalilwogichu ak icheek agobo nooto: ago ma lilani; amu angen ineendet ne ki ayan, ak ayani komyee ale imuuchi koriip nooto ne ki agoochi ineendet agoi peetuunooto.

HEBRANIK 11:6

ak ngo ma mi kayaneet koma imugaksei kibaibai ineendet: amu ineendet ne riikyin Kamuktaindet konyaaljin koyan kole mi ineendet, ak kole igoochin melekto icheeget che cheeng'ei ineendet.

HEBRANIK 13:15

Nooto anyun ongigoochi Kamuktaindet eng' ineendet korosyotap kalasunet kotugul, nooto ko logoiyatap kutusweek che ng'aanyei kainennyi.

HEBRANIK 2:18

Amu ko uu ye kinyalil ineendet ye ki kiyomei, komuuchi ineendet kotoret icheek che kiyomei.

HEBRANIK 2:9

Ago kigeere ineendet ne ki kiyai koming'init kitigin eng' malaikaisyek, ineendet Jeso, ne ki kilaakyi kuutweet ne po toroornatet ak teegisto amu nyalilda ne po meet, si kobiit kochamcham meet eng' myeeindap Kamuktaindet agobo chii age tugul.

HEBRANIK 5:7

Ne ki eng' peetuusyek che kimi eng' poorto, ko kagogoito saautik ak soomutik eng' riirek che eecheen ak peegap kong', koriirchin ineendet ne ki imuuchi kosar eng' meet, ak kingo kagegasyi amu kaiyweisyennyi ne kiywei Kamuktaindet.

HEBRANIK 7:16

ne ki kiyai, ago ma eng' ooreetap ng'atuututigap poorto, ago eng' kimnateetap saboondo ne ma igeesugei:

HEBRANIK 7:19

(amu ma yai Ng'atuutyet kiy koek ne ititaat), ak komiitei ibunetap kamang'unet ne kaigai, ne kiriikyine Kamuktaindet.

HEBRANIK 7:24

Ago amu tebyei ineendet koigeny, kotinyei anyun tiseinateet ne ma kiwalei.

HEBRANIK 7:8

Ak eng' yu kotaachei piik che pegu kebeberwegap taman; ago eng' olooto, ko ineendet ne kibaoryani keele sabei.

HEBRANIK 9:24

Amu ki ma mong'ji Kristo ole-tiliil ole ki kiyae eunek, ne karogutyetap tuguugap iman; ago ki mong'ji kipsengwet ineendet, si kotaagu eng' taitap Kamuktaindet agoi acheek:

JUDA 1:24

Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,