HEBRANIK 6:9 - BUKUIT NE TILIIL Sireet ne Dutero Kanon

⁹ Ago chamanichu, kiyani eng' okweek tuguuk che myachen kosiir chooto, ak tuguuk che namegei ak yetunet, agot ngemwae ko uu nooto:

Bukuit Ne Tilil

⁹ Ago chamanichu, kiyani eng' okweek tuguuk che myachen kosiir chooto, ak tuguuk che namegei ak yetunet, agot ngemwae ko uu nooto:

BUKUIT NE TILIL

⁹ Ago chamanichu, kiyani eng’ okwek tuguk che miachen kosiir choto, ak tuguk che namegei ak yetunet, agot ngemwae ko u noto:

HEBRANIK 6:9 ပူးပေါင်းရင်းမြစ်များ

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

MARIKO 16:16

Ineendet ne iyani ak kibatisan kesaru; ago ineendet ne ma iyani ko tuun kirwookyin.

POISYONIGAP CHE KIYOKTOI 11:18

Kingo kas ng'aleechuuto, kosiisyo. Ak ki iloos Kamuktaindet, koleen, “Kaagaa kagogoochi `Kamuktaindet Pororyosyek ak icheek siguunet ne ibu saboondo.”

POISYONIGAP CHE KIYOKTOI 20:21

abaoryanjini Yahudik kobooto Yunanik siguunet eng' taitap Kamuktaindet ak kayaneet eng' Kiptaiyandennyo Jeso Kristo.

1 KORINTOEK 10:14

Nooto anyun, chamanikyuk, omwee piteetap kanamonik.

2 KORINTOEK 12:19

Obwaati agoi nguno oleen kisaruge eng' taing'wong'. Eng' taitap Kamuktaindet keng'alaali eng' Kristo. Ago tuguuk tugul, ko si keteechak, chamanichu.

2 KORINTOEK 7:1

Amu ki tinyei arorutichu anyun, chamanichu, ongitiliilgei, keiste simdo tugul ne po poorto ak ne po saboondo si keityi tiliilindo eng' kaiyweisyetap Kamuktaindet.

2 KORINTOEK 7:10

Amu arageneet ne tokyingei Kamuktaindet koyaei siguunet agoi yetunet, ne ma tinyei ndara, ago arageneet ne po ng'wonyuni koibu meet.

GALATYEK 5:6

Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.

HEBRANIK 10:34

Amu ki oriree icheek che ki ratotiin, ak ocham eng' poiboiyet kerebenak tuguukwok, amu ki ongen ole otinye mogornateet ne myee kosiir chooto ago ne tebyei koigeny.

HEBRANIK 10:39

Ago acheek koma ki po icheek che ichuchuchegei kobendi luseet: ago ki po icheek che iyani kot koit saruunetap saboondo.

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

HEBRANIK 5:9

ak kingo kageyai koek ne ititaat, koek ineendet ne kitaunegei yetunet ne po koigeny eng' icheek tugul che kase iit ineendet;

HEBRANIK 6:10

amu Kamuktaindet, koma Kamuktaindet ne ma po iman, kot koutye poisyeng'wong' ak chamyet ne ki obarte agobo kainennyi, ye ki oboisyechini che tiliileen, ak kota oboisyechini.

1 PETERO 2:11

Chamanichu, asoomok ko uu ye oo toek ak ko oo kiprutoinik, ale oistoegei maguutik che po poorto, che poortos ak saboondo;

2 PETERO 3:1

Chamanichu, parwaani asirwok nguno ko ne po aeng', ak eng' tuwai ang'eeti kabwaatutikwok che ma tinyei keniisyet ye agoonok obwaat;

1 JOHANA 2:7

Chamanichu, masirwok ng'atuutyet ne leel, ago ng'atuutyet ne po keny ne ki otinye kobooch taunet: ng'atuutyonooto po keny ko ng'olyoot ne ki ogas.

JUDA 1:3

Chamanichu, ye ki agiiligei miising' asirwak agobo yetunet ne kiyamdoi, ageer ale nyoljino asirwak ateiywok ale ogiiljige miising' kayaneet ne ki kigoochi che tiliileen konyil agenge kityo.