HEBRANIK 6:2 - BUKUIT NE TILIIL Sireet ne Dutero Kanon

² ne po kaneetisyetap kabatisanosyek, ak ne po kagonooretap eunek, ak ne po ng'eetyeetap che ki kobek, ak ne po kirwoogetap koigeny.

Bukuit Ne Tilil

² ne po kaneetisyetap kabatisanosyek, ak ne po kagonooretap eunek, ak ne po ng'eetyeetap che ki kobek, ak ne po kirwoogetap koigeny.

BUKUIT NE TILIL

² ne bo konetisietab kabatisanosiek, ak ne bo kagonooretab eunek, ak ne bo ng’eetyetab che kigobek, ak ne bo kiruogetab koigeny.

HEBRANIK 6:2 ပူးပေါင်းရင်းမြစ်များ

AMDOINDET 12:14

Amu ipchin Kamuktaindet poisyet age tugul kapkirwooget, kobooto kiit age tugul ne ung'aat, ngo kiy ne myee anan ngo ne ya.

ISAIAH 26:19

Tuun saptos cheguuk che ki kobek; ng'eetos muuswekyuk. Ong'eetyee ak otyen, okweek che omenye ng'ung'unyek! Amu uu rewondeng'ung' rewootap ingweek, ak koonu ng'wony che ki kobek.

MATAYO 28:19

Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

MATAYO 3:14

Ago kimachei Johana koeesyo, kole, “Kanyool ibatisana, ago kenyoonjo anee?”

MARIKO 16:16

Ineendet ne iyani ak kibatisan kesaru; ago ineendet ne ma iyani ko tuun kirwookyin.

MARIKO 7:4

ak ye punu ye mi ole kiyae mung'aaret, ko ngot koma iungei koma amisyei. Ak miitei pitonwek alak che chaang' che kitaach si koriip komyee, ko uu kaunetap kigombok, tereenik ak tuguuk che po sugunwet.

MARIKO 7:8

Obagaaktoi ng'atuutyetap Kamuktaindet, ak onamjigei piteetap piik.”

LUKA 11:38

Ak ye kingo keer Pharisaindet, kokwong', amu ki amis ama iun euut korook.

LUKA 12:50

Ago atinye kabatisanet ne tatun kibatisanena; kamarigitya ne tya agoi kosulda!

LUKA 14:14

si kiberuurin; amu ma tinyei icheeget che weegun: amu tuun kiweegun eng' ng'eetyeetap che po iman.”

LUKA 3:16

kowolji Johana icheek tugul koleenji, “Abatisanook eng' peek iman; ago nyoonei ineendet ne kiim kosiiro, ne ma nyoljino atyach anoogap kweonikyik. Ibatisanook ineendet eng' Kabuuset ne Tiliil ak maat.

JOHANA 1:33

Ak ki ma angen ineendet: ago ineendet ne ki iyookwo abatisane peek, ko ineendet ne kimwaiwo koleenjo, ‘Chiichooto igeere kochorchingei Kabuuset ne Tiliil, ak koteebee ineendet, ko nooto ne ibatisane Kabuuset ne Tiliil.’

JOHANA 5:29

ak komong'; ng'eetyin saboondo che kiyaei ne myee; ak kong'eetyi kirwooget icheeget che kiyaei ne ya.”

POISYONIGAP CHE KIYOKTOI 10:47

“Imuuchi chii koete peek, si ma kibatisan pichu, che kagotaach Kabuuset ne Tiliil ko uu acheek?”

POISYONIGAP CHE KIYOKTOI 13:3

Ak ye kingo kagorugutkei ak kosaaei, kogonoor icheek eunekwak ak koyookto koba.

POISYONIGAP CHE KIYOKTOI 16:15

Ye kiga kibatisan ineendet ak piigap koonnyi, kogaigaech kole, “Ngo kaogeer ole ayani Kiptaiyat, obwa koonnyu ak otebi.” Ak kibirchech keebe.

POISYONIGAP CHE KIYOKTOI 16:33

Ki imut icheek sainooto po kemoi ak kounji pirutikwak; ak ki kibatisan ineendet ak piikyik eng' sainooto.

POISYONIGAP CHE KIYOKTOI 17:18

Ak ki tuiyo kobooto ineendet alak che po ng'amotigap Epikurio ak Stoiko. Ak kole alak, “Mwaei nee kipchang'alaini?” Kole alak, “Uu kabartaindet ne po kamuktaik che teer.” Ki mwa ng'aleechu amu ki amdoi agobo Jeso ak ng'eetyeet.

POISYONIGAP CHE KIYOKTOI 2:38

Koleenji `Petero icheek, “Osigu, si kibatisan age tugul eng' okweek eng' kaineetap Jeso Kristo agobo nyoetap kaat ne po tengekwogikwok; si otaach konunetap Kabuuset ne Tiliil.

POISYONIGAP CHE KIYOKTOI 2:41

Ki kibatisan anyun icheeget che kitaach ng'olyoondennyi, ak ki kitesyi icheek peetuunooto piik olo po eliphuusyek somok.

POISYONIGAP CHE KIYOKTOI 23:6

Ago ye kingo nai Paulo kole, Sadukaik alage, ko Pharisaik alage, komwa eng' kutit ne oo eng' kapkirwook kole, “Che kitupche, aa Pharisaindet, weeriitap Pharisaik. Kagirwokwo agobo kamang'unet ak ng'eetyeet ne po che ki kobek.”

POISYONIGAP CHE KIYOKTOI 24:15

atinye kamang'unet eng' Kamuktaindet, ne cheeng'ei pichu ak icheek, ale, tatun komi ng'eetyeetap che po imanda ak che ma po imanda.

POISYONIGAP CHE KIYOKTOI 24:21

kobatee tweguunet agenge ne ki ariirchi atononi eng' kwenunnywa, ale, ‘Kagirwokwo rani eng' taing'wong' agobo ng'eetyeetap che ki kobek.’ ”

POISYONIGAP CHE KIYOKTOI 24:25

Ak ye kita kong'alaali agobo imanda, ak riibetapkei, ak kirwooget ne nyoonei, koiyweis Felix, ak kowol kole, “Ui korook; ak ye tuun anyooru poroindo ne myee, aguurin.”

POISYONIGAP CHE KIYOKTOI 26:8

Amu nee si kibwaat keele ma iyanaksei eng' okweek keele, ing'eeti Kamuktaindet che ki kobek?

POISYONIGAP CHE KIYOKTOI 4:2

kotinyei nereegek amu ki ineet piik ak koamda eng' Jeso ng'eetyeetap che ki pek.

POISYONIGAP CHE KIYOKTOI 6:6

Ki inde chooto anyun taitap che kiyooktoi, che ki imuuch kosachi ak kogonoor icheek eunekwak.

ROMANIK 2:16

eng' peetuut ne tuun irwookyin Kamuktaindet ung'ootigap piik, ko uu logoiywekyuk che myach, eng' Jeso Kristo.

1 KORINTOEK 10:2

ak ki kibatisanji tugul Musa eng' pooldet ak eng' nyanjet;

1 KORINTOEK 12:13

Amu eng' Kabuuset ne Tiliil agenge ko ki kibatisanech acheek tugul keegu poorto agenge, ngo Yahudik anan Yunanik, ngo ratotiin, anan kotyagotin, ak ki kigoonech acheek tugul kee eng' Kabuuset ne Tiliil agenge.

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

PILIPIK 3:21

ne tuun walei kileelit poortanyo ne po nyeraatyet, si kobiit kogergeit ak poortanyi ne po liilindo, eng' kamugonooto imuuchi koyai tuguuk tugul kogas iit ineendet.

KOLOSAIK 2:12

ko kagetubok kobooto ineendet eng' kabatisanet, ak ki king'eetak eng' nooto kobooto ineendet amu kayaneet eng' yaeet ne yaei Kamuktaindet, ne ki ing'eet ineendet komong' eng' che ki pek.

2 TIMOTEO 2:18

piik che ki kochiliil eng' imanit, mwaei kole ki kosiirto ng'eetyeet, ak koweleli kayaneetap piik alak.

HEBRANIK 11:35

Kitaach kwonyiik piikwak che kiga kobek, che ki king'eet: ak ki kibir alak kot kobek, koesyoi katyagennywa; si kobiit kosich ng'eetyeet ne myee kosiir:

HEBRANIK 9:10

amu (kobooto amitwogik ak che kieei ak kaunsosyek che teerchiin) chooto ko ng'atuutik che po poorto kityo, che ki king'at agoi peetuusyek che po kalititet.

2 PETERO 3:7

ago kipsengwet ak ng'wonyut che po nguno, ko ki kigonorchi maat eng' ng'olyoondonooto, kogonor agoi peetuutap kirwooget ak ng'emisyetap piik che ma iywei Kamuktaindet.