HEBRANIK 6:19 - BUKUIT NE TILIIL Sireet ne Dutero Kanon

¹⁹ ne ki tinyei ne uu nangetap saboondo, ne kingen ak ko lumdaat ne wendi oriit kot kosiir angeet ne ki kioiye;

Bukuit Ne Tilil

¹⁹ ne ki tinyei ne uu nangetap saboondo, ne kingen ak ko lumdaat ne wendi oriit kot kosiir angeet ne ki kioiye;

BUKUIT NE TILIL

¹⁹ ne kitinye ne u nangetab sobondo, ne kingen ak ko lumdaat ne wendi orit kot kosiir anget ne kigioiye;

HEBRANIK 6:19 ပူးပေါင်းရင်းမြစ်များ

TIENWOGIKAL 39:7

Ara nguno anyun, ee Kiptaiyat, ta ageni nee? Inyee iman kamang'unennyu.

TIENWOGIKAL 42:11

Amu nee si ing'uruuge, ee saboondanyu? Amu nee si iimige eng' anee? Imang'u Kamuktaindet; amu ta alasu ineendet, ineendet toretindennyu ak Kamuktaindennyu.

TIENWOGIKAL 42:5

Amu nee si ing'uruuge, ee saboondanyu? Amu nee si iimge eng' anee? Imang'u Kamuktaindet; amu ta alasu ineendet amu yetunet ye mi ineendet kobooto.

TIENWOGIKAL 43:5

Amu nee si ing'uruuge, ee saboondanyu? Amu nee si iimige eng' anee? Imang'u Kamuktaindet; amu ta alasu ineendet, ineendet toretindennyu ak Kamuktaindennyu.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 28:16

mwaei anyun Kiptaiyat Kamuktaindet ne Toroor kole, Ogeero, andoi Zion koita koek lumeiywot, koita ne kigetyem, koita ne po kamanuutyet ne oo ne po luuita, lumeiywot ne kiim; ma igirgiri ne iyani.

ATEPTAP LAWIK 16:15

“Yeityo koeny kwesta ne po kagoochinetap tengekto, ne po piik, ak koip korotiigap kweata koba koot ne po oriit ne ki kioiye angeet, ak koyachi korotichooto kiit ne koyachi korotiik che po kirgit, ak koisee kerwetap rireenet, ak taitap kerwetap rireenet.

ATEPTAP LAWIK 16:2

koleenji, “Mwachi Aron ng'eetap komet, si ma nyoonei atkai tugul ole-tiliil oriit ne po angeet ne ki kioiye koot, eng' taitap kerwetap rireenet ne mi moinget parak; si ma me. Amu among'u eng' pooldet eng' paragutap kerwetap rireenet.

SEKARIA 9:12

Oweekyigei irimeet, ee okweek kimonjororinik che otinye kamang'unet; agot rani amwae ale, ageerun konyil aeng'.

MATAYO 27:51

Ogeero, ki kereer angeet ne ki kioiye Hekaluut koek aeng' kobooch parak agoi ng'wony, ak kobetogis rwandosyek.

POISYONIGAP CHE KIYOKTOI 23:6

Ago ye kingo nai Paulo kole, Sadukaik alage, ko Pharisaik alage, komwa eng' kutit ne oo eng' kapkirwook kole, “Che kitupche, aa Pharisaindet, weeriitap Pharisaik. Kagirwokwo agobo kamang'unet ak ng'eetyeet ne po che ki kobek.”

POISYONIGAP CHE KIYOKTOI 27:29

Ak kingo iywei icheek kole abeere togot kewiirchech pitet ne mi rwandosyek, kounda nangaisyek ang'wan eng' moinget olo po let, kosoom kole nda kaech.

POISYONIGAP CHE KIYOKTOI 27:40

Kotyach anyun nangaisyek, ak kobagaakta eng' araraita, ak kotyach rogoosyek che ki kirate pagoinik che kindochine moinget; ak ye kingo kagonamji parak angeet ne mi oliin po tai kotokyi usoonet, koba ngeguut.

ROMANIK 4:16

Punu kayaneet amu niito, si kobiit koek ne po myeeindo; si ma walak arorutyet eng' iyoteet tugul; ma chooto po Ng'atuutyet kityo, ago chooto ak icheek che po kayaneetap Abraham, ne kwandanyo acheek tugul

ROMANIK 4:18

Ki iyan eng' kamang'unet ye ki ma komi kiy ne kimang'u, si kobiit koek kwandap pororyosyek che chaang', kiga kemwa ko uu nooto keele, “Tenitu chooto iyoteng'ung'.”

ROMANIK 5:4

ak ibu muitaet tyemisyet; ak ibu tyemisyet kamang'unet:

1 KORINTOEK 13:13

Ago tebyei nguno kayaneet, kamang'unet, chamyet, chuuto somok; ago ne oo eng' chuuto ko chamyet.

1 KORINTOEK 15:58

Nooto anyun, che kitupche che achame, ogimegitu, among' king'eak, oyae otese kotugul poisyetap Kiptaiyat, amu ongen ole ma po puch poisyeng'wong' ne uui eng' Kiptaiyat.

EPESOEK 2:6

ak ki ing'eetech kobooto ineendet, ak ki koonech ketebi kobooto ineendet eng' komoswegap kipsengwet, eng' Kristo Jeso:

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

KOLOSAIK 3:1

Ko uu ye king'eetyee anyun kobooto Kristo, ocheeng' tuguuk che mi parak, ole mi Kristo kotebyei eng' eutap tai ne po Kamuktaindet.

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

HEBRANIK 4:16

Ongeriikyi anyun ng'echereet ne po myeeindo eng' nyiganateet, si kenyooru rireenetapkei, ak kesich myeeindo ne toretech eng' peetuut ne kinyalili.

HEBRANIK 9:3

Ak ki ngesiir angeet ne po aeng', ne ki kioiye koot, ko ki mi emait ne kiguure ole-tiliil Kosiir Tugul;

HEBRANIK 9:7

ago, kiwendi tisiindet ne oo ineegei emait ne po aeng' konyil agenge eng' kenyiit, ama wendi ama tinyei korotiik, che igoitoi agobo kei, ak agobo lelutigap piik.

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,