HEBRANIK 6:18 - BUKUIT NE TILIIL Sireet ne Dutero Kanon

¹⁸ si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

Bukuit Ne Tilil

¹⁸ si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

BUKUIT NE TILIL

¹⁸ si eng’ tuguk aeng’ che ma walaksei, che ma imugaksei eng’ Jehovah komwa lembech eng’ choto, kimuch anyun kenyoru kagaigaet ne kim, achek che kigemwechi toretet si kenam kamang’unet ne kiginde tainnyo;

HEBRANIK 6:18 ပူးပေါင်းရင်းမြစ်များ

TAUNET 19:22

Chaakte, mwechi olooto, amu ma muuchi ayai kiy agoi iit olooto.” Ki kiguure Zoar nganasanooto amu nooto.

1 LAITORINIK 2:28

Ye kingo it ng'aleek kap Joab, amu kiga koosup `Joab Adonijah, agot nganda ki ma isup Absalom kogimwechi Joab Emaitap Kamuktaindet ne Toroor ak konam kuinoigap kaptisisyet.

TIENWOGIKAL 110:4

Ki koyosyo Kamuktaindet ne Toroor, ama walei, kole, “Ii tisiindet koigeny ko uu kiit ne ki uu Melkisedek.”

TIENWOGIKAL 46:1

Kamuktaindet ole kemwechini ak kimnateennyo, toretindet ne neegit ye mi nyalilda.

TIENWOGIKAL 62:8

Ee okweek pichu, omang'u ineendet kotugul; oroong'ji mugulelwekwok ineendet, Kamuktaindet ole kemwechini.

KALEWANAIK 3:18

Ineendet ko keetitap saboondo eng' icheek che namei, ak paibai age tugul ne namegei ak ineendet.

KALEWANAIK 4:13

Nam miising' kaneetisyet; matichamji kwo; riip, amu ineendet ko saboondang'ung'.

ISAIAH 27:5

Anan konam ineendet kimnateennyu, si koyai kaalyeet kobooto; ee, ingoyai ineendet kaalyeet kobooto.”

ISAIAH 51:12

Anee, aneendet ne agoigook: ii ng'oo, kot iywei chiito ne meei, ak iywei weeriitap chii ne kiyaei koek suswot;

ISAIAH 56:4

Amu mwaei Kamuktaindet ne Toroor ko uu ni agobo sirorinik che riibei sabatosyekyuk, ak che leweni tuguuk che iboiboa, ak che namei miising' kayomisennyu:

ISAIAH 64:7

Ama mi ne kuurei kaineng'ung', ne igiilegei si kobiit konamin: amu ki iung'enech togeng'ung', ak ki igeswech amu tengekwogikyok.

SEKARIA 9:12

Oweekyigei irimeet, ee okweek kimonjororinik che otinye kamang'unet; agot rani amwae ale, ageerun konyil aeng'.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

MATAYO 3:7

Ago ye kingo keer che chaang' che po Pharisaik ak Sadukaik kobwonjin kabatisanennyi, koleenji, “Lagochu po erenook, ng'oo ne ki iteiywok omwee piruutyet ne nyoonei?

LUKA 2:25

Ogeero, ki mi chiito age Jerusalem, ne ki kiguure Simion; ak ki chiito ne po iman ak kigonyiti Kamuktaindet, ne ki igeni kagaigaetap Israel: ak ki tebee `Kabuuset ne Tiliil ineendet.

ROMANIK 15:5

Ingogoonok anyun Kamuktaindet ne po muitaet ak kagaigaet oegu che otinye kabwaatet agenge okweegei eng' okweegei ko uu ye machei Kristo Jeso:

ROMANIK 3:25

ne ki inde Kamuktaindet koek kaptisiisyo eng' kayaneet, eng' korotiikyik, si kobarta imandanyi, amu kachundaetap tengekwogik che ki kisip keyai, eng' muitaetap Kamuktaindet;

ROMANIK 3:4

Achicha: ma uu nooto: ingoek ne po iman Kamuktaindet, ago kiplembechwa chii age tugul; ko uu ye siraat kole, Si kobiit kindein imanda eng' ng'aleeguk, Ak imuuch ibelisye ye kirwoogun.

ROMANIK 5:5

ma koonu kamang'unet kililan; amu kigerong'ji chamyetap Kamuktaindet mugulelwekyok eng' Kabuuset ne Tiliil ne kigegoonech.

PILIPIK 2:1

Ngo miitei anyun kagaigaet age tugul eng' Kristo, ngo mi saisaet age tugul ne po chamyet, ngo mi yamdaet age tugul ne po Kabuuset ne Tiliil, ngo mi rireenosyek ak riirge,

KOLOSAIK 1:23

ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

KOLOSAIK 1:5

amu kamang'unet ne kigegonorwok eng' kipsengwet, ne ki osip ogas eng' ng'olyootap imanit ne po logoiywek che myach,

1 THESSALONIKEK 1:10

ak ogeni Weeriinnyi ne punu kipsengwet, ne ki ing'eet komong' eng' che ki pek, ineendet Jeso, ne sarwech eng' nereeknateet ne nyoonei.

1 TIMOTEO 1:1

Paulo, kayooktoindet ne po Kristo Jeso ko uu ng'atuutyetap Kamuktaindet Yetindennyo, ak Kristo Jeso ne kamang'unennyo;

1 TIMOTEO 6:12

Yai lugeet ne myee ne po kayaneet, nam saboondo ne po koigeny, nooto ne ki kiguurchin, ak ki ing'aany ng'ang'et ne myee eng' taitap paorinik che chaang'.

2 TIMOTEO 2:13

ngo ma ki po iman, kotebyei ineendet eng' iman; amu ma imuuchi koeesyogei.

TITO 1:2

eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

HEBRANIK 11:7

Ki yai Noah moinget eng' kayaneet, kot kosar koonnyi, ye kingo kagiteechi agobo tuguuk che ki tomo kegeer, amu ki iywei Kamuktaindet; ki irwookyine anyun ng'wony nooto, ak ki ek ne ki nam imanda ne piitu eng' kayaneet.

HEBRANIK 3:11

Ko uu ye ki ayosye eng' nereegekyuk ale, Ma itei icheek kamuung'ennyu.

HEBRANIK 3:6

ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

HEBRANIK 6:17

Eng' ng'olyoondonooto ye kingo mach Kamuktaindet miising' koboorchi icheek che nyooru arorutyet ole uu rarennyi ne ma walaksei, konde kayasyoet kwenut:

HEBRANIK 7:19

(amu ma yai Ng'atuutyet kiy koek ne ititaat), ak komiitei ibunetap kamang'unet ne kaigai, ne kiriikyine Kamuktaindet.

HEBRANIK 7:21

(amu ki kiyai icheek koek tisiik ama mi kayasyoet eng' ineendet ne mwaei agobo ineendet kole, Ki iyasyo Kiptaiyat ama walei kole, Ii tisiindet koigeny).

JOSHUA 20:3

Mwechin rumiindet age tugul ne kalel ko manai ak koek eng' okweek ole kimwechin keungei ineendet ne yaaktoi korotiik.

1 JOHANA 1:10

Ngot kemwa keele tomo keyai tengek, ko kagiyai ineendet koek kiplembechwa, ama miitei ng'olyoondennyi eng' acheek.

1 JOHANA 5:10

Ineendet ne iyani Weeriitap Kamuktaindet kotinyei paornatanooto eng' ineendet: ineendet ne ma iyani Kamuktaindet ko kagoyai ineendet koek kiplembechwa; amu ma iyan paornateet ne kibaoryan Kamuktaindet agobo Weeriinnyi.

1 SAMUEL 15:29

Ma mwaei lembech Kimnateetap Israel ama sigu; amu ineendet koma chiito si kowalak.”