HEBRANIK 6:10 - BUKUIT NE TILIIL Sireet ne Dutero Kanon

¹⁰ amu Kamuktaindet, koma Kamuktaindet ne ma po iman, kot koutye poisyeng'wong' ak chamyet ne ki obarte agobo kainennyi, ye ki oboisyechini che tiliileen, ak kota oboisyechini.

Bukuit Ne Tilil

¹⁰ amu Kamuktaindet, koma Kamuktaindet ne ma po iman, kot koutye poisyeng'wong' ak chamyet ne ki obarte agobo kainennyi, ye ki oboisyechini che tiliileen, ak kota oboisyechini.

BUKUIT NE TILIL

¹⁰ amu Jehovah, ko ma Jehovah ne ma bo iman, kot koutie boisieng’wong’ ak chamnyet ne kiobarte agobo kainennyi, ye kioboisiechini che tililen, ak kota oboisiechini.

HEBRANIK 6:10 ပူးပေါင်းရင်းမြစ်များ

NEEMIA 13:22

Ki ang'at Lawiik koanyinygei ak kobwa koriip ormariichok, kotabaan peetuutap sabato. “Ibwaata, ee Kamuktaindennyu, agobo ng'olyoondoniito agine, ak iriirena ko uu ooindap rireeneng'ung'.”

NEEMIA 13:31

Ki ang'at tuguuk che po kagoochinetap kweenik ak che po tongoanik keip eng' peetuusyek che ki king'at. Ibwaata, ee Kamuktaindennyu eng' tuguuk che myach.

NEEMIA 5:19

Ibwaata, ee Kamuktaindennyu, eng' tuguuk che myach, amu tugul che ki ayachi pichu.

TIENWOGIKAL 20:3

Ingobwaat kagoochinoiguk tugul, ak ingocham tiseiyweguk che kibeelei.

KOMONG'U 1:20

Ki yachi Kamuktaindet ne myee chebyosochooto po sigisyo, ak kitesagis anyun piik ak kogimegitu miising'.

KALEWANAIK 14:31

Iteweeri Yaindennyi ne usei kibananiat, ago konyiti Yaindennyi `ineendet ne riiree ne ma tinyei kiy.

KALEWANAIK 19:17

Ineendet ne riiree kibananiat ko kabesendochi Kamuktaindet ne Toroor, ak kiyaakyin ineendet kogeny eng' poisyennyi ne myee.

AMDOINDET 11:1

Wiirchi amitwogiguk peek; amu tuun inyooru ko kagosiirto peetuusyek che chaang'.

JEREMIA 18:20

Tos kiyaaktoi yaityet eng' kiit ne myee? Amu kogobalji keriinget saboondanyu. Ibwaat ole ki atononde eng' taing'ung' ak ang'alaal che myach agobo icheek, si kobiit aisto nereegeguk che koroomen eng' icheek.

JEREMIA 31:16

Mwaei Kamuktaindet ne Toroor kole: Amat itee, anan iriir: amu mi melekto ne po poisyeng'ung', mwaei Kamuktaindet ne Toroor; ak pwoonei icheek kogeny eng' emetap puunyoot.

MATAYO 10:42

Ak age tugul ne igoochin agenge eng' chu mengeechen agot kigombet ne po peek che kaitit kityo amu kasubiin ineendet, amwaiwok iman ale, ma petyin melektanyi matiny.”

MATAYO 20:7

Kowolji `pichooto ineendet kole, ‘Amu ma kuurech chii.’ Koleenji, ‘Oba ak okweekoboisye eng' mbareetap sabibuk.’

MATAYO 25:17

Ki yai ko uu nooto agine ne kitaach aeng' ak kinyoor aeng' alak.

MARIKO 9:41

Amu age tugul ne inagok peegap kigombet oee, amu oo po Kristo, amwaiwok iman ale, ma petyin melektanyi.

JOHANA 13:20

Amwaiwok, iman, iman, ale, Ineendet ne taachei age tugul ne ayoogu ko kataacha; ak ineendet ne taacha ko kataach kineendet ne ki iyookwo.”

POISYONIGAP CHE KIYOKTOI 10:31

ak kole, ‘Korneli, kigegas saaeng'ung', ak ki koek kabwaatet eng' taitap Kamuktaindet kagoochinoiguk.

POISYONIGAP CHE KIYOKTOI 10:4

Keer `Korneli ineendet miising' eng' kaiyweisyet ak kole, “Tos nee, Kiptaiyat?” Koleenji, “Kigoit parak saautiguk ak kagoochinoiguk koek kabwaatet eng' taitap Kamuktaindet.

POISYONIGAP CHE KIYOKTOI 11:29

Kichopkei komyee kasubik koyookyi toreteet tupchosyek che ki menyei Judea, chii tugul ko uu ye ki imuuchi.

ROMANIK 12:13

otoret che tiliileen eng' tuguuk che pononi; oaiyebitu eng' toek.

2 KORINTOEK 9:1

Ago eng' ng'aleegap poisyet ne kiboisyechin che tiliileen koma tilei kiy kota asirwak.

GALATYEK 5:13

Amu okweek che kitupche, ko ki kiguurchok katyaget; ago moboisyee katyageng'wong' koek poroindo ne po poorto, ago oboisyechigei okweegei eng' okweegei eng' chamyet.

GALATYEK 5:6

Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.

GALATYEK 6:10

Nooto anyun, ko uu ye ki tinyei poroindo, ko ongeyachi piik tugul ne myee, ago ne siirei ko icheeget che po kootap kayaneet.

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

KOLOSAIK 3:17

Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

1 THESSALONIKEK 1:3

kibwaati ne ma kisise, poisyeng'wong' ne po kayaneet ak poisyet ne uui ne po chamyet ak muitaetap kamang'unet eng' Kiptaiyandennyo Jeso Kristo, eng' taitap Kamuktaindet nenyo ak ko Kwanda.

1 TIMOTEO 6:18

ile koyai ne myee, si kobiit koek mogoreek eng' poisyonik che myach, si kochobogis kogoito, koyomogei ak alak;

2 TIMOTEO 4:8

kobooch nguno ko kagegonorwo kuutweet ne po imanda, ne tuun koono Kiptaiyat, kirwoogindet ne po imanda, eng' peetuunooto: ago ma aneege, ago icheeget tugul ak icheek che ki kocham tagunennyi.

HEBRANIK 10:32

Ago obwaat peetuusyek che po keny, ye kingo kagegoonok lapkeiyet; ye kinga omuite eng' pooryeet ne oo ne po nyalilwogik,

HEBRANIK 13:16

Oyai che myachen, amoutye oyai yamdaet: amu paibai miising' Kamuktaindet eng' koroseek che uu chooto.

1 JOHANA 1:9

Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.