HEBRANIK 5:9 - BUKUIT NE TILIIL Sireet ne Dutero Kanon

⁹ ak kingo kageyai koek ne ititaat, koek ineendet ne kitaunegei yetunet ne po koigeny eng' icheek tugul che kase iit ineendet;

Bukuit Ne Tilil

⁹ ak kingo kageyai koek ne ititaat, koek ineendet ne kitaunegei yetunet ne po koigeny eng' icheek tugul che kase iit ineendet;

BUKUIT NE TILIL

⁹ ak kingo kageyai koek ne igesunotgei, koek inendet ne kitaunegei yetunet ne bo koigeny eng’ ichek tugul che kase it inendet;

HEBRANIK 5:9 ပူးပေါင်းရင်းမြစ်များ

TIENWOGIKAL 45:17

Ayae kaineng'ung' koek ne kibwaati eng' ibinwek tugul; ak kolasun pororyosyek koigeny ak koigeny eng' nooto.

TIENWOGIKAL 51:6

Keero, imache imanit eng' kebeberwek che po oriit; ko uu nooto ineeta utaatyet eng' ole ung'aat.

TIENWOGIKAL 51:8

Koono agas kagasetapkei ak poiboiyet; si koboiboitu kawek che ki iri.

ISAIAH 45:22

Onyala, si kesorwok, okweek tabanwek tugul che po ng'wony: amu aa Kamuktaindet, ama mi age.

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

ISAIAH 50:10

Ng'oo eng' okweek ne iywei Kamuktaindet ne Toroor, ne kase iit kutitap otwogindennyi? Ne wendote mesundeito, ama tinyei lapkeiyet, ingomang' kainetap Kamuktaindet ne Toroor ak kotiegei Kamuktaindennyi.

ISAIAH 55:3

Oep iit, ak obwanjo, ogas, si kosapcho saboonwekwok: ak kiyomisyige ak okweek kayomiset ne po koigeny, nooto rireenosyek che po iman, che po Daudi.

SEKARIA 6:15

Ak kobwa icheek che mi ole loo ak koteech Hekaluutap Kamuktaindet ne Toroor, ak onai ole ki iyookwo Kamuktaindet ne Toroor ne po lugoosyek anyo ole omi. Ak isuldoi niito, ngot ogas iit eng' kagiiletapkei kutitap Kamuktaindet ne Toroor Kamuktaindeng'wong'.

MATAYO 17:5

Kingo ta kong'alaali, ogeero, kouur icheek pooldet ne iluu: ak ogeero, ki mang'une kutit pooldet, kole, “Ni ko Weeriinnyu, chamanennyu, ineendet ne agasegei miising'; ogas okweek ineendet.”

LUKA 13:32

Ak ki leenji icheek, “Oba omwachi lelwandonooto, oleenji: ‘Keero, aoone oik ak asoobi piik rani ak mutai, ak eng' peetuutap somok abegechi.

JOHANA 19:30

Ye kingo kagotaach Jeso siki, komwa kole, “Kagogeskei.” Ki abuch anyun metinnyi, ak kogoito saboondanyi.

POISYONIGAP CHE KIYOKTOI 3:15

ak ki obar Ne Oo ne po saboondo; ne ki ing'eet Kamuktaindet eng' che ki pek; kibaorinigap nooto acheek.

POISYONIGAP CHE KIYOKTOI 4:12

Ama mi yetunet eng' chiito age, amu ma mi kainet age eng' kurereetap kipsengwet, ne ki kigoochi piik, ne kanyool kesaruunenech.”

POISYONIGAP CHE KIYOKTOI 5:32

Ak ki paorinik acheek che po tuguuchu, ak Kabuuset ne Tiliil agine ne Ki kogoochi Kamuktaindet icheek che kase iit ineendet.”

ROMANIK 1:5

ki kitaach eng' ineendet myeeindo ak kayooktoet, agoi kasetap iit ne po kayaneet eng' pororyosyek tugul amu kainennyi:

ROMANIK 10:16

Ago ki ma kas iit tugul logoiywek che myach. Amu mwaei Isaiah kole, “Kiptaiyat, ki koyan ng'oo ng'aleekyok?”

ROMANIK 15:18

Amu ma kanye ang'alaal agobo tugun alak tugul kobatee chooto che ki koyai Kristo eng' anee, agobo kasetap iit ne po Pororyosyek, eng' ng'olyoot ak yaeet,

ROMANIK 2:8

ago eng' icheek che ngelelik, ama kase iit imanit, ago che kase iit ne ma po imanda, koegu nyitatet ak nereeknateet,

ROMANIK 6:17

Ago kimwachini Kamuktaindet kongoi, amu, okweek che ki oo otwogigap tengekto, ko ki ogas iit eng' muguleldo kaneetisyet ne uu ne kigegoonok okweek;

2 KORINTOEK 10:5

kiluuli kabwaatutik, ak kiy age tugul ne toroor ne ieetegei kole kogirinda naetap Kamuktaindet, ak koluulei kabwaatet age tugul si kobiit kogas iit Kristo;

PILIPIK 2:12

Nooto anyun, chamanikyuk, ko uu ye koogase iit kotugul, ma ye ami kityo, ago nguno ye ma mi ogase iit kosiir, oboisyee yetuneng'wong' kosulda eng' kaiyweisyet ak potanet;

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

2 THESSALONIKEK 2:16

Nguno anyun, ingogaigai Kiptaiyandennyo Jeso Kristo, ak Kamuktaindet Kwandanyo ne ki chamech ak kogoonech kagaigaet ne po koigeny ak kamang'unet ne myee eng' myeeindo,

2 TIMOTEO 2:10

Nooto anyun amuitoi eng' tuguuk tugul amu che ki kilewen, si kobiit konyoor ak icheek yetunet ne miitei eng' Kristo Jeso kobooto toroornatetap koigeny.

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

HEBRANIK 11:40

amu kisip kochobwech Kamuktaindet kiit ne myee kosiir, si ma ki yai koek che ititaatiin ama kimi.

HEBRANIK 11:8

Ki kas iit Abraham eng' kayaneet ye ki ngeguur, ak kimanda kwo koma ingen ole wendi, kwo komosta ne tuun taachei koek poroteet.

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 2:10

Amu kinyolji ineendet, ne mi tuguuk tugul amu ineendet ak kobunu ineendet tuguuk tugul, ye imutyin weeriik che chaang' toroornatet, si koyai taunindetap yetunennywa koek ne ititaat eng' nyalilwogik.

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

HEBRANIK 9:12

ama eng' korotiigap kwesik ak moek, ago eng' korotiikyik icheegei, kwo anyun ole-tiliil konyil agenge ak koyam, ye kingo kagonyoor katyaget ne po koigeny.

HEBRANIK 9:15

Ak amu ng'olyoondoniito ineendet ko katuiyoindetap kayomiset ne leel, si kobiit konyoor che kigeguur, arorutyetap poroteet ne po koigeny, ye kingo kagobiit meet agobo katyagetap pistaosyek che ki miitei eng' kayomiset ne po tai.

HEBRANIK 9:28

ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

JUDA 1:21

Oriipkei eng' chamyetap Kamuktaindet, ogeni rireenetapkei ne po Kiptaiyandennyo Jeso Kristo kot koit saboondap koigeny.