HEBRANIK 5:7 - BUKUIT NE TILIIL Sireet ne Dutero Kanon

⁷ Ne ki eng' peetuusyek che kimi eng' poorto, ko kagogoito saautik ak soomutik eng' riirek che eecheen ak peegap kong', koriirchin ineendet ne ki imuuchi kosar eng' meet, ak kingo kagegasyi amu kaiyweisyennyi ne kiywei Kamuktaindet.

Bukuit Ne Tilil

⁷ Ne ki eng' peetuusyek che kimi eng' poorto, ko kagogoito saautik ak soomutik eng' riirek che eecheen ak peegap kong', koriirchin ineendet ne ki imuuchi kosar eng' meet, ak kingo kagegasyi amu kaiyweisyennyi ne kiywei Kamuktaindet.

BUKUIT NE TILIL

⁷ Ne ki eng’ betusiek che kimi eng’ borto, ko kagogoito sautik ak somutik eng’ rirek che eechen ak beekab kong’, korirjin inendet ne kiimuchi kosor eng’ meet, ak kingo kagegasyi amu kaiyweisiennyi ne kiywei Jehovah.

HEBRANIK 5:7 ပူးပေါင်းရင်းမြစ်များ

TIENWOGIKAL 22:24

Amu ki ma sas anan kowech nyalildap ne kinyaliili; ama ung'e togeennyi ineendet; ago ki kas ye kingo riirchi ineendet.

TIENWOGIKAL 69:1

Sarwo, ee Kamuktaindet; amu kagoityon peek che mache komaluucha kaatit.

TIENWOGIKAL 88:1

Ee Kamuktaindet ne Toroor, Kamuktaindetap yetunennyu, Kaariir eng' taing'ung' peet ak kemoi:

ISAIAH 49:8

Mwaei Kamuktaindet ne Toroor kole, ki awolun eng' peetuut ne chamaksei, ak ki atoretiin eng' peetuutap yetunet: ak ariibin, ak agoonin iegu arorutyetap piik, si ilang'u emet, si igoochi kobore porotosyek che ki mi puch;

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

ISAIAH 53:3

Ki kisas, ak ki eesyo `piik ineendet; chiitap aragenosyek, ne ingen ng'wanindo: ak ki kisas ineendet ko uu chiito ne ung'e piik togoochikwak, ama kiit ineendet keele kiy.

ATEPTAP LAWIK 2:2

Yeityo koipchi ineendet weeriigap Aron tisiik. Muguti tisiindet anyun chooto konyiti euut kobooto mwaitanyi ak tuguuk che nyamdut tugul, si kobeel tisiindet koek kebeberta eng' nooto kigoitoi eng' kaptisisyet, kagoochinet ne punei maat, nyamdutyet ne anyiny eng' Kamuktaindet ne Toroor.

MATAYO 27:46

Ye kingo olo po sait sogool, koguurso Jeso eng' tuugeet ne oo kole, “Eli, Eli, lama sabaktani?” Nooto ko, “Kamuktaindet nenyu, Kamuktaindet nenyu, kalya si ibagaakta?”

MATAYO 27:50

Ki kuurso Jeso kogeny eng' kutit ne oo, ak kogoito saboondanyi.

MARIKO 15:34

Ak eng' sait sogool kotwek Jeso eng' kutit ne oo kole, “Eloi, Eloi, lama sabaktani?” Ye kiweech keleen, “Kamuktaindet nenyu, Kamuktaindet nenyu, kebagaakta amu nee?”

MARIKO 15:37

Koriir anyun Jeso eng' kutit ne oo, ak kochamda sabennyi kwo.

LUKA 23:46

Ak kitwek Jeso eng' kutit ne oo, kole, “Abba, kande saboondanyu euneguk: ak kingo kagomwa ni, kogoito saboondonyi.”

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 11:35

Koriir Jeso.

JOHANA 11:42

Ak kaanai ale igasa eng' ui tugul, ago kaamwa ni amu tuiyoni tononi eng' yuto, si kobiit koyan kole ki iyookwo.”

JOHANA 17:1

Ki mwa Jeso ng'aleechu; ak konyal kipsengwet, ak kole, “Abba, kagonyo sait; itoroor Weeriing'ung', si kotoroorin Weeriit;

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

GALATYEK 4:4

ago ye kingo it peetuut ne kiyamgei, koyook Kamuktaindet Weeriinnyi, ne ki sich kobogoryot, kosich eng' Ng'atuutyet,

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

HEBRANIK 10:10

Ki kitiliilech anyun eng' ma ko nooto eng' kagoitoetap poortap Jeso Kristo konyil agenge ak koyam.

HEBRANIK 10:5

Eng' nooto anyun ye kingo nyo Kristo ng'wony, konyo komwa kole, Ki ma imach tiseiywek ak kagoochinoik, Ago ki ichobwa poorto;

HEBRANIK 11:7

Ki yai Noah moinget eng' kayaneet, kot kosar koonnyi, ye kingo kagiteechi agobo tuguuk che ki tomo kegeer, amu ki iywei Kamuktaindet; ki irwookyine anyun ng'wony nooto, ak ki ek ne ki nam imanda ne piitu eng' kayaneet.

HEBRANIK 12:28

Nooto anyun, amu kinyooru laitornatet ne ma kimuuchi kitumdum, ko ongeegu che tinyei myeeindo, ne kimuuchi keyae poisyet ne iboiboi Kamuktaindet miising', eng' teegisto ak kayweet:

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

HEBRANIK 2:14

Amu yamdoi anyun lagok korotiik ak poorto, ki nam chooto ineendet agine ko uu nooto; si kobiit kong'em eng' ooreetap meet ineendet ne tinyei kimnateetap meet, nooto ko chesawilyet;

1 JOHANA 4:3

ak ng'aang'et age tugul ne ma ng'aanyei kole Jeso, ko ma punu Kamuktaindet. Ak niito anyun ko kirindoindetap Kristo, ne ki ogas keele nyoonei; ak nguno komiitei ng'wony.

2 JOHANA 1:7

Amu ki komong'ji ng'wony keniik che chaang', icheek che mang'aanyei kole ki nyo Jeso Kristo eng' poorto. Niito ko kenindet, ak ko kirindoindetap Kristo.