HEBRANIK 5:12 - BUKUIT NE TILIIL Sireet ne Dutero Kanon

¹² Amu eng' ye kita nyolu oegu kaneetik, konyaaljinok kogeny koneetak chii kaneetisyosyek che po tai che po ng'aleegap Kamuktaindet; ak ki oegu che machei cheego, ama amitwogik che uueen.

Bukuit Ne Tilil

¹² Amu eng' ye kita nyolu oegu kaneetik, konyaaljinok kogeny koneetak chii kaneetisyosyek che po tai che po ng'aleegap Kamuktaindet; ak ki oegu che machei cheego, ama amitwogik che uueen.

BUKUIT NE TILIL

¹² Amu eng’ ye kita nyolu oegu konetik, konyoljinok kogeny konetak chi konetisiosiek che bo tai che bo ng’alekab Jehovah; ak kioegu che machei chego, ama amitwogik che uuen.

HEBRANIK 5:12 ပူးပေါင်းရင်းမြစ်များ

2 SAMUEL 16:23

Eng' peetuusyechooto anyun, ko ki uu kirwoogetap Ahitopel ne ki irwoochi, kirwoogetap chii ne teebei eng' ng'olyootap Kamuktaindet. Ki uu nooto anyun kirwoogutik tugul che po Ahitopel eng' Daudi ak eng' Absalom.

EZRAH 7:10

Amu kiga kogiilgei eng' muguleldanyi Ezrah kocheeng' ng'atuutigap Kamuktaindet ne Toroor, koyai ak koneet kayomisutik ak kirwoogutik eng' Israel.

TIENWOGIKAL 34:11

Obwa lagochu, ogasa, si aneetaak kaiyweisyet ne oiywei Kamuktaindet ne Toroor.

ISAIAH 28:13

Nooto anyun, egu ng'olyootap Kamuktaindet ne Toroor eng' icheek ng'atuutyet ne kineeti kegetyingei ng'atuutyet, ng'atuutyet eng' ng'atuutyet; kaneetisyet ne kineeti kegetyingei kaneetisyet, kaneetisyet eng' kaneetisyet; kitigin eng' oli, kitigin eng' olooto; si koba kobee patai kobutyo, ak koilyo, kenam eng' mesteet, ak kimut.

ISAIAH 55:1

Ee chii age tugul ne amei melel, obwonjin peek, kobooto ineendet ne ma tinyei fedha; obwa anyun, oal ak oam; ee, obwa, oal divaik ak cheego ama eng' fedha anan eng' alyet.

MATAYO 17:17

Ki wol Jeso kole, “Ee ibinda ne ma tinyei kayaneet ak komaasat, atebye ak okweek kot kotyanit? Amuitoi kot kotyanit agobo okweek? Imutwaa ineendet.”

MARIKO 9:19

Ki wolji icheek koleenji, “Ee, ibinda ne ma tinyei kayaneet, atebye kobootok kot kotyanit? Amuitoiywok kot kotyanit? Omutwaa ineendet.”

POISYONIGAP CHE KIYOKTOI 7:38

Ye kimi tuiyet eng' surkwen, ko Musa niito ne ki ng'alaalji `malaikaiyat eng' tulweet ne po Sinai ak kobooto kwanisyekyok. Ineendet ne ki taach ng'aleek che saptos si kogoonech.

ROMANIK 3:2

Oo eng' ooreet age tugul: ne po tai, ko amu ki kigoochi Yahudik kotononji ng'aleegap Kamuktaindet.

1 KORINTOEK 14:19

ago achame amwa ng'aleek muut eng' ng'omnatennyu eng' kanisa, si aneet piik alak ak icheek, kosiir amwa ng'aleek eliphuusyek taman eng' kutit ne ma kigasei.

1 KORINTOEK 14:20

Che kitupche, amoegu lagok eng' ng'omnateet: ago oegu lagok che nyerootiin eng' yaityo, ago oegu che kaoeegitu eng' ng'omnateet.

GALATYEK 4:3

Ki uu nooto ak acheek, kingo ta ko ki lagok, ko kigiratotiin eng' kaneetisyosyek che po tai che po ng'wony:

PILIPIK 3:1

Ne po let anyun, che kitupche, oboiboitu eng' Kiptaiyat. Ma kaimet iman eng' anee asirwak tuguuchuuto, ago toretook okweek.

KOLOSAIK 3:16

Ingomenyok ng'olyootap Kristo eng' mogornateet, eng' utaatyet tugul oneetige ak oteechinigei eng' tyenwogigap kalasunet ak tyenwogik che ki kisir ak tyenwogigap saboon otyenjini Kamuktaindet eng' myeeindo eng' mugulelwekwok.

HEBRANIK 10:32

Ago obwaat peetuusyek che po keny, ye kingo kagegoonok lapkeiyet; ye kinga omuite eng' pooryeet ne oo ne po nyalilwogik,

HEBRANIK 5:11

Ki tinyei ng'aleek che chaang' che kimwae agobo ineendet, ago uui ole kiboorundoi, amu kigouit eng' okweek ogas.

HEBRANIK 5:13

Amu age tugul ne luei cheego kotom konai koboisyee komyee ng'olyootap imanda; amu manyurut ineendet.

HEBRANIK 6:1

Nooto anyun ongebagaakte mata ongeng'alaale ng'aleek che po tai che po Kristo, ak ongigiilgei agoi keit ne ititaat; amata onginde lumeiywot ne po siguunet ne punu poisyonik che meiyotiin, ak ne po kayaneet eng' Kamuktaindet,

1 PETERO 2:2

omach miising' cheego che po ng'omnatetap saboon, che ma tinyei ng'aalseet, ko uu manyurunik, si kobiit onerye agoi yetunet;

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.