HEBRANIK 4:14 - BUKUIT NE TILIIL Sireet ne Dutero Kanon

¹⁴ Amu ki tinyei tisiindet ne oo ne kigochut kipsengwet, Jeso Weeriitap Kamuktaindet, ongenam miising' ng'ang'ennyo.

Bukuit Ne Tilil

¹⁴ Amu ki tinyei tisiindet ne oo ne kigochut kipsengwet, Jeso Weeriitap Kamuktaindet, ongenam miising' ng'ang'ennyo.

BUKUIT NE TILIL

¹⁴ Amu kitinye tisiindet ne o ne kigochut kipsengwetisiek, Jesu Weritb Jehovah, ongenam mising’ ng’ang’ennyo.

HEBRANIK 4:14 ပူးပေါင်းရင်းမြစ်များ

EZEKIEL 46:10

Ak ye pendi oriit, kowendi pounindet kobooto icheek, ak ye mandoi, komandoi tugul.

MATAYO 4:3

Ak ki nyo yoomindet ak koleenji, “Ngo ii Weeriitap Kamuktaindet, ing'at koichu koek magatiinik.”

MARIKO 1:1

Taunetap logoiywek che myach che po Jeso Kristo, Weeriitap Kamuktaindet.

MARIKO 16:19

Ye kingo kagong'alaal ak icheeget `Kiptaiyat Jeso, kimut anyun ineendet kwo kipsengwet, ak kotebee eutap tai ne po Kamuktaindet.

LUKA 24:51

Ak kingo ta koberuuri icheek, kobesyegei anyun, ak ki kimut kwo kipsengwet.

POISYONIGAP CHE KIYOKTOI 1:11

ak ki mwa kole, “Okweek piigap Galilaya, kalya si otononse ak onyali kipsengwet? Jeso niito, ne kagimut kwo kipsengwet, ko tuun nyoonei ko uu yu kogeere kowendi kipsengwet.”

POISYONIGAP CHE KIYOKTOI 3:21

ne kanyool kotaach kipsengwet agoi peetuusyek che kiwale tuguuk tugul komiagitu, che king'alaalee Kamuktaindet eng' kutuswegap maotikyik che tiliileen che ki mi kobooch taunetap ng'wony.

ROMANIK 8:34

ng'oo ineendet ne igikyin? Kristo Jeso ne kime, ee, ineendet ne ki king'eet komang'une che ki pek, ne mi eutap tai ne po Kamuktaindet, ne saiywech agine.

2 KORINTOEK 12:2

Angen chiito eng' Kristo, kobooch nguno ko kenyiisyek taman ak ang'wan (ngo ki mi eng' poorto, ko mangen; anan ngo kiga komanda eng' poorto, ko mangen; ingen Kamuktaindet), ale ki kimut ineendet kotogosta agoi kipsengwet ne po somok.

2 KORINTOEK 9:13

amu tyemet ne po poisyoni kotoroori icheek Kamuktaindet amu kasetap iit ne po ng'ang'eng'wong' eng' logoiywek che myach che po Kristo, ak aiyebindap kagoitoeng'wong' eng' icheek, ak eng' tugul;

EPESOEK 4:10

Ineendet ne ki choortagei ko ineendet ne ki togosta parak miising' kosiir kipsengwet tugul, si kobiit konyiit tuguuk tugul.)

HEBRANIK 1:8

Ago ki mwa agobo Weeriit kole, “Ee Kamuktaindet, tebyei koigeny ak koigeny ng'echereeng'ung' ne po laitornatet. Kirokto ne po pounateng'ung' ko kirokto ne po imanda.

HEBRANIK 10:12

ago tisiindoni, ko ye kingo kagogoito tiseiywot agenge agobo tengekwogik agoi koigeny, kotebee anyun eutap tai ne po Kamuktaindet;

HEBRANIK 10:23

ongenam miising' ng'ang'eetap kamang'unennyo si mawalak; amu iman ineendet ne ki iaroru:

HEBRANIK 10:29

obwaatitoi ano okweek, ng'wanitu ne tya pireet ne tuun nyoljin kirwookyine ineendet ne ki kotyech Weeriitap Kamuktaindet, ak koiit korotiigap kayomiset, che ki kitiliile ineendet, koek tuguuk che ma tiliileen, ak kosas Kabuusetap myeeindo?

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 2:1

Eng' nooto anyun kanyool kenam miising' kosiir tuguuchooto ki kegas, si ma kichuchuige.

HEBRANIK 2:17

Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik.

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

HEBRANIK 3:14

amu kigeegu yamdoigap Kristo, ngenam miising' taunetap kamang'unennyo agoi kagesunet:

HEBRANIK 6:20

ole kichut Jeso agobo acheek, koek kandoindet, ko kagoek tisiindet ne oo koigeny, ko uu kiit ne ki uu Melkisedek.

HEBRANIK 6:6

ak kochuchuigei anyun, koma imugaksei keeweekyi icheek siguunet kogeny; amu igartatyingei kogeny Weeriitap Kamuktaindet, ak kogoochi ineendet kalilanet ne taagu.

HEBRANIK 7:3

ne ma tinyei kwanda, ama tinyei kamet, ama tinyei ooreenywa, ama tinyei taunetap peetuusyek anan kagesunetap saboondo, ago ki kiyai kogergeit ak Weeriitap Kamuktaindet, tebyei ko tisiindet koigeny.

HEBRANIK 8:1

Nguno anyun, eng' tuguuk che kimwae, kiit ne oo ko ni: ki tinyei tisiindet ne oo ne uu ni, ne kitebee komostap euut ne po tai ne po ng'echereetap Laitornatet ne po Etunateet eng' kipsengwet,

HEBRANIK 9:12

ama eng' korotiigap kwesik ak moek, ago eng' korotiikyik icheegei, kwo anyun ole-tiliil konyil agenge ak koyam, ye kingo kagonyoor katyaget ne po koigeny.

HEBRANIK 9:24

Amu ki ma mong'ji Kristo ole-tiliil ole ki kiyae eunek, ne karogutyetap tuguugap iman; ago ki mong'ji kipsengwet ineendet, si kotaagu eng' taitap Kamuktaindet agoi acheek:

1 PETERO 3:22

ne kikwa kipsengwet ak komi eutap tai ne po Kamuktaindet; ak ki kiyai malaikaisyek ak pounatosyek ak kimnatosyek kogas iit ineendet.