HEBRANIK 4:12 - BUKUIT NE TILIIL Sireet ne Dutero Kanon

¹² Amu sabei ng'olyootap Kamuktaindet, ak kogim, ak ko ng'atip kosiir rotwetap chok ne ng'atiben komoswek tuwai, ak kotoorei agoi koobeesyo saboondo ak sabeet, ak ole tuiyechin kawek ak amseet, ak chepchep koguiyo kabwaatutik ak magutigap muguleldo.

Bukuit Ne Tilil

¹² Amu sabei ng'olyootap Kamuktaindet, ak kogim, ak ko ng'atip kosiir rotwetap chok ne ng'atiben komoswek tuwai, ak kotoorei agoi koobeesyo saboondo ak sabeet, ak ole tuiyechin kawek ak amseet, ak chepchep koguiyo kabwaatutik ak magutigap muguleldo.

BUKUIT NE TILIL

¹² Amu sobei ng’olyotab Jehovah, ak ko kim, ak ko ng’atib kosiir rotwetab chok ne ng’atiben komoswek tuwai, ak kotoorei agoi kobesio sobondo ak tamirmiriet, ak ole tuiyechin kowek ak amset, ak chepcheb koguiyo kabwatutik ak magutikab muguleldo.

HEBRANIK 4:12 ပူးပေါင်းရင်းမြစ်များ

TIENWOGIKAL 110:2

Iyooktoi Kamuktaindet ne Toroor kirokto ne po kimnateng'ung' eng' Zion. Pou inyee eng' kwenutap puuniguk.

TIENWOGIKAL 119:130

Igoitoi lapkeiyet ng'ang'utyetap ng'aleeguk; igoochi kaguiyet che matinyei kiy.

TIENWOGIKAL 139:2

Ingen ye atebye ak ye ang'eete, ingen kabwaatutikyuk agot ngimi ole loo.

TIENWOGIKAL 149:6

Ingotebee kutusweekwak kalasunoik che eecheen che po Kamuktaindet, ak ingotebee eunekwak rotwetap chok ne ng'atip komoswek tuwai;

TIENWOGIKAL 45:3

Rat rotweng'ung' po chok, inyee ne kiim, kobooto konding'ung' ak etunateng'ung'.

KALEWANAIK 5:4

ago ng'waan kagesunennyi ko uu ng'wonet, ng'atip ko uu rotwetap chok ne ng'atiben komoswek tuwai.

AMDOINDET 12:11

Uu kiplitok ng'aleegap piik che utaatiin ak uu kipchumarisyek che ki kigiich komyee, ng'aleegap kaneetigap tuiyosyek, che ki kigon kobun mestowot agenge.

ISAIAH 11:4

ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

ISAIAH 49:2

ak ki koyai kutinnyu koigei rotwetap chok ne ng'atip, kiung'ena urwetap eunnyi; ki koyaa aek irumet ne ki kisit, kigoung'ena motyennyi:

ISAIAH 55:11

uu nooto ng'olyoondennyu ne mang'une kutinnyu: ma weekyinagei puch, ago yaei kosulda kiit ne amache, ak koboorei eng' kiit ne kiayooktochine.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JEREMIA 23:29

Tos ma uu ng'olyoondennyu maat? Mwaei Kamuktaindet ne Toroor; ak ma uu kiriswet ne tonei rwandet?

LUKA 8:11

“Kalewenonooto ko ni: Kesweek ko ng'olyootap Kamuktaindet.

JOHANA 12:48

Ineendet ne eesyoa, ama taachei ng'aleekyuk, kotinyei ne irwookyin: ng'olyoot ne ki amwa, nooto ne irwookyin ineendet eng' peetuutap let.

JOHANA 6:51

Aa magatyat ne sabei ne ki choorgei eng' kipsengwet: ngo am chii age tugul magatyandani, kosabei koigeny: ee, ak poortanyu ko magatyat ne agoitoi agobo saboondo ne po ng'wony.”

POISYONIGAP CHE KIYOKTOI 2:37

Kingo kas anyun niito, kotoor mugulelwekwak, ak koleenji `icheek Petero ak che kiyooktoi chuun alak, “Che kitupche, ki yai nee?”

POISYONIGAP CHE KIYOKTOI 4:31

Kingo kagosa, kotumdumgei ole kiga koyumjigei; ak ki nyi icheek tugul Kabuuset ne Tiliil, ak ki mwa ng'olyootap Kamuktaindet eng' nyiganateet.

POISYONIGAP CHE KIYOKTOI 5:33

Kingo kas icheek niito, kong'wanit miising' eng' mugulelwekwak, kot komach kobar icheek.

POISYONIGAP CHE KIYOKTOI 7:38

Ye kimi tuiyet eng' surkwen, ko Musa niito ne ki ng'alaalji `malaikaiyat eng' tulweet ne po Sinai ak kobooto kwanisyekyok. Ineendet ne ki taach ng'aleek che saptos si kogoonech.

ROMANIK 1:16

Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

1 KORINTOEK 1:24

ago eng' icheek che ki kiguur, Yahudik kobooto Yunanik, Kristo ko kamuktaetap Kamuktaindet, ak utaatyetap Kamuktaindet.

2 KORINTOEK 2:17

Amu acheek koma ki uu che chaang', che poisyee ng'olyootap Kamuktaindet eng' ng'aalseet: ago ki che poisyei eng' ooreet ne ma tinyei ng'aalseet, ago ki po Kamuktaindet, ak eng' taitap Kamuktaindet, keng'alaali eng' Kristo.

2 KORINTOEK 4:2

ago kigeeesye tuguuk che ung'ootiin che po kalilanet, ama kibendoti eng' ng'aalseet, anan keboisyee ng'olyootap Kamuktaindet eng' kaberberisyet; ago eng' kabartaetap imanit, kiboorchinigei kabwaatetap chii age tugul eng' taitap Kamuktaindet.

EPESOEK 5:13

Ago tuguuk tugul che kigerei kong' ko ng'ang'aksei eng' lapkeiyet: amu kiy age tugul ne kiboortoi ko lapkeiyet.

EPESOEK 5:26

si kobiit kotabaan, ko kagotiliil eng' kaunetap peek eng' ng'olyoot,

EPESOEK 6:17

Ak onam kuutweetap yetunet, ak rotwetap chok ne po Kabuuset ne Tiliil, nooto ng'olyootap Kamuktaindet:

1 THESSALONIKEK 2:13

Kimwachini anyun Kamuktaindet kongoi, amu ng'olyoondoniito, ama kisistosi keele, ye kingo taach ng'olyoot ne ki ogasenech, nooto ng'olyootap Kamuktaindet, ki otaach, ma ko uu ng'olyootap piik, ago ko uu ye mi eng' imanit, ng'olyootap Kamuktaindet, nooto agine ne poisyei eng' okweek che oyani.

1 THESSALONIKEK 5:23

Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo.

HEBRANIK 13:7

Obwaat icheek che ki indoiywok, che kimwaiwok ng'olyootap Kamuktaindet; ye obwaati ole kiteptoi atebosyekwak, oyai ko uu ye kiyaei icheek eng' kayanennywa.

HEBRANIK 6:5

ak kochamcham ng'olyoot ne myee ne po Kamuktaindet, ak kimnatosyegap kenyiisyek che pwoonei,

JAKOBO 1:18

Ki isichech eng' magennyi eng' ng'olyootap imanit, si kobiit keegu che tongoanigap yautikyik.

1 PETERO 1:23

amu kigesichok kogeny, ma eng' kesweek che ng'emaksei ago eng' che ma ng'emaksei, eng' ng'olyootap Kamuktaindet, ne sabei ak kotebyei.

NG'ANG'UTYET 1:16

Ki tinyei kecheik tisap eng' eunnyi ne po tai, ak ki mang'une kutinnyi rotwetap chok ne ng'atiben komoswek tuwai. Ki uu togeennyi asiista ne iluu eng' kimnateennyi.

NG'ANG'UTYET 19:15

Ak ki mang'une kutinnyi rotwetap chok ne ng'atip, si kobiit kobire pororyosyek: ak koboi icheek eng' kirokto ne po karnet: ak kotyech sabibuk eng' ole kituisye che po koroomnateet ne po nereegegap Kamuktaindet Ne po Kamuktaet.

NG'ANG'UTYET 19:21

Ak ki kibar icheek che ki ng'et eng' rotwetap chok ne ki mang'une kutitap ineendet ne kitebee paraisiit, ak kibiyong'so toriitik tugul eng' poorwekwak.

NG'ANG'UTYET 2:16

Sigu anyun! Ngo ma uu nooto, anyoonjin achogu, ak anyoo aborye icheek eng' rotwetap chok ne po kutinnyu.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

KIRUOGIK 3:16

Ki itang'jigei Ehud rotwetap chok ne ng'atiben komoswek tuwai, ne aechin ak kakwautyet agenge ne po euut. Kiratyi kubestanyi ne po tai kotabon ngoryennyi oriit.