HEBRANIK 3:7 - BUKUIT NE TILIIL Sireet ne Dutero Kanon

⁷ Nooto anyun, ko uu ye mwaei Kabuuset ne Tiliil kole, Ngot ogas kutinnyi rani,

Bukuit Ne Tilil

⁷ Nooto anyun, ko uu ye mwaei Kabuuset ne Tiliil kole, Ngot ogas kutinnyi rani,

BUKUIT NE TILIL

⁷ Noto anyun, ko u ye mwaei Tamirmiriet ne Tilil kole, Ngot ogas kutinnyi rani,

HEBRANIK 3:7 ပူးပေါင်းရင်းမြစ်များ

2 SAMUEL 23:2

Ki ng'alaalena Kabuusetap Kamuktaindet ne Toroor, ak ki mi ng'olyoondennyi ng'elyeptanyu.

TIENWOGIKAL 81:11

Ago ki ma epchi iit kutinnyu piikyuk; Ak ki ma ko magena kiy Israel.

TIENWOGIKAL 81:13

Pwo! Nda kiga epcha iit piikyuk, Ee, nda kiga cham Israel kobendatee ortinwekyuk!

KALEWANAIK 27:1

Amechaugei agobo mutai; amu mengen kiit ne piitu eng' peetuut age tugul.

AMDOINDET 9:10

Kiit age tugul ne iyae eng' eung'ung', iyai eng' kimnateng'ung', amu ma mi poisyet anan chobutik anan naet anan utaatyet eng' kererit ne iwendi.

ISAIAH 55:3

Oep iit, ak obwanjo, ogas, si kosapcho saboonwekwok: ak kiyomisyige ak okweek kayomiset ne po koigeny, nooto rireenosyek che po iman, che po Daudi.

ISAIAH 55:6

Ocheeng' Kamuktaindet ne Toroor kota kimuuchi kenyoor, oguur kota ko neegit:

MATAYO 17:5

Kingo ta kong'alaali, ogeero, kouur icheek pooldet ne iluu: ak ogeero, ki mang'une kutit pooldet, kole, “Ni ko Weeriinnyu, chamanennyu, ineendet ne agasegei miising'; ogas okweek ineendet.”

MATAYO 22:43

koteebee icheek koleenji, “Lyon anyun Daudi eng' kamugetap Kabuuset ne Tiliil, si koguuree ineendet ‘Kiptaiyat,’ koleen,

MARIKO 12:36

Ki mwa Daudi ineendet eng' Kabuuset ne Tiliil, kole, Ki mwachi Kiptaiyat Kiptaiyandennyu, kole, ‘Tebee eunnyu ne po tai, agoi ande puuniguk keldebesaigap keelyeguk.’ ”

JOHANA 10:16

Ak atinye keechiirek alak, che ma po piuni: kanyool aget chooto ak icheek, si kogas kutinnyu: ak koek akweet agenge, ak mestowot agenge.

JOHANA 10:27

Kasei kutinnyu keechiirekyuk, ak angen icheek, ak kosuba.

JOHANA 10:3

Yaatyin ineendet riibindetap kurgeet; ak kasei keechiirek kutinnyi: ak kuurei keechiirekyik eng' kainaikwak, ak kondoe icheek.

JOHANA 5:25

Amwaiwok, iman, iman, ale, Nyoonei sait, ak kagoit, ye kas che ki kobek kutitap Weeriitap Kamuktaindet; ak saptos icheeget che kasei.

POISYONIGAP CHE KIYOKTOI 1:16

“Che kitupche, konyolu kosulda siruutik che ki kamwa Kabuuset ne Tiliil eng' tai eng' kutitap Daudi agobo Judas, ne ki kandoindet ne ki indochin icheek che kinamei Jeso.

POISYONIGAP CHE KIYOKTOI 28:25

Ak ye ki mata kogasyin icheegei, koba, ko kagomwa Paulo ng'olyoot agenge, kole, “Ki mwachi komyee Kabuuset ne Tiliil kwanisyekwok eng' maotyot Isaiah, kole,

POISYONIGAP CHE KIYOKTOI 8:29

Ak ki leenji `Kabuuset ne Tiliil Philipu anyun, “Ui riikte, onamgei ak chepkichutina.”

HEBRANIK 10:15

Ak paoryanjinech agine Kabuuset ne Tiliil: amu kingo pata komwa kole,

HEBRANIK 3:13

ago oteechigei peetuut age tugul, eng' ye ta kemwaei keele rani; si ma kiuit chii age tugul eng' okweek amu kenisyetap tengekto:

HEBRANIK 3:15

ye ta kemwaei keele, Ngot ogas kutinnyi rani, Ko matouiit mugulelwekwok, ko uu eng' kaiimset.

HEBRANIK 4:7

kamwa kogeny agobo peetuut age, komwaei eng' Daudi, ko kagobata peetuusyek alak, kole, “Rani,” ko uu ye kisip kemwa keele, “Ngot ogas kutinnyi rani ko mat ouiit mugulelwekwok.”

HEBRANIK 9:8

Ibooru Kabuuset ne Tiliil eng' ng'olyoondoni kole, ki tom keng'aany ooreet ne mong'jin ole-tiliil, ye kita ko tononot emait ne po tai;

2 PETERO 1:21

Amu ma mi maonateet ne ki kobiit eng' mageetap chii: ago ki ng'alaaldos piik eng' Kamuktaindet, kondochin Kabuuset ne Tiliil.

NG'ANG'UTYET 3:20

Keero, atononi eng' kurgeet ak agongonyi; ngo kas chii kutinnyu ak koyaat kurgeet, awendi ole mi ineendet ak aamisye kobooto ineendet, ak koamis ineendet kobooto.