HEBRANIK 3:6 - BUKUIT NE TILIIL Sireet ne Dutero Kanon

⁶ ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

Bukuit Ne Tilil

⁶ ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

BUKUIT NE TILIL

⁶ ago Kristo ko u werit, ne bou gonnyi; achek gonnyi, ngenam mising’ nyiganatennyo ak torornatetab kamang’unennyo agoi kagesunet.

HEBRANIK 3:6 ပူးပေါင်းရင်းမြစ်များ

TIENWOGIKAL 2:12

Oming'inityigei weeriit si ma nereech, ak olusye eng' ooreet, amu imuuchi konereech miising' eng' chokyinet. Iberuurotin icheek tugul che imang'u ineendet.

EZEKIEL 46:10

Ak ye pendi oriit, kowendi pounindet kobooto icheek, ak ye mandoi, komandoi tugul.

MATAYO 10:22

Ak kowechok piik tugul agobo kainennyu. Ago ineendet ne muitoi agoi kagesunet kesaru.

MATAYO 16:18

Amwaun anee ale ii Petero, ak eng' rwandani ateeche kanisennyu, ak ma neneti kimnatosyegap ye mi che ki kobek.

MATAYO 24:13

Ago ineendet ne muitoi agoi kagesunet, kesaru.

ROMANIK 11:22

Keer anyuno myeeindo ak koroomnatetap Kamuktaindet: eng' icheek che kibutyo, ko koroomnateet; ago eng' inyee, ko myeeindap Kamuktaindet, ngitebi eng' myeeindonyi: ngo ma uu nooto ketilin aginye.

ROMANIK 12:12

oboiboitu eng' kamang'unet; omuitoi eng' nyalilda; ogiiljigei saaet kotugul;

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 5:2

ak ki kenyooru eng' ineendet agine kemong'ji eng' kayaneet myeinooto kitonone; ak ongeboiboitu eng' kamang'unetap toroornatetap Kamuktaindet.

1 KORINTOEK 3:16

Mongen okweek ole oo Hekaluut ne po Kamuktaindet, ak menyok Kabuusetap Kamuktaindet?

1 KORINTOEK 6:19

Anan, tos mongen ole poorwekwok ko Hekaluut ne po Kabuuset ne Tiliil ne miitei eng' okweek, ne otinye eng' Kamuktaindet? Ama oo pogei okweegei;

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

GALATYEK 6:10

Nooto anyun, ko uu ye ki tinyei poroindo, ko ongeyachi piik tugul ne myee, ago ne siirei ko icheeget che po kootap kayaneet.

GALATYEK 6:9

Among' keng'etye ye kiyae poisyonik che myach: amu tuun kigese ko kait peetuunnyi ngo ma kitanuise.

EPESOEK 3:12

ki tinyei eng' ineendet nyiganateet ak kamang'unet ne kiriikyine ineendet amu kiyani ineendet.

KOLOSAIK 1:23

ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.

1 THESSALONIKEK 5:16

Oboiboitu peetuusyek tugul;

2 THESSALONIKEK 2:16

Nguno anyun, ingogaigai Kiptaiyandennyo Jeso Kristo, ak Kamuktaindet Kwandanyo ne ki chamech ak kogoonech kagaigaet ne po koigeny ak kamang'unet ne myee eng' myeeindo,

1 TIMOTEO 3:15

ago ngot agagei, imuuchi inai ole kanyool kotepto piik eng' kootap Kamuktaindet, nooto kanisetap Kamuktaindet ne sabei, toloita ak irimeetap imanit.

HEBRANIK 1:2

ko ne kagong'alaalwech eng' peetuusyechu po let eng' Weeriinnyi, ne kigonde koek ne namei tuguuk tugul, ak ki yai ineendet ng'wony agine eng' ineendet;

HEBRANIK 10:19

Ko uu nooto anyun, ki tinyei nyiganateet che kitupche kemong'ji ole-tiliil eng' korotiigap Jeso,

HEBRANIK 10:21

ak amu ki tinyei tisiindet ne oo ne pou kootap Kamuktaindet;

HEBRANIK 10:23

ongenam miising' ng'ang'eetap kamang'unennyo si mawalak; amu iman ineendet ne ki iaroru:

HEBRANIK 10:35

Amowiirte anyun nyiganateng'wong', ne tinyei melekto ne oo.

HEBRANIK 11:1

Nooto anyun kayaneet ko naetap tuguuk che kimang'u, ak kaboorunetap tuguuk che tomo kegeer.

HEBRANIK 3:14

amu kigeegu yamdoigap Kristo, ngenam miising' taunetap kamang'unennyo agoi kagesunet:

HEBRANIK 4:11

Ongigiilgei anyun si keit kamuung'onooto, si ma ibut chii age tugul eng' kergeinooto po ngelelnateet.

HEBRANIK 4:14

Amu ki tinyei tisiindet ne oo ne kigochut kipsengwet, Jeso Weeriitap Kamuktaindet, ongenam miising' ng'ang'ennyo.

HEBRANIK 4:16

Ongeriikyi anyun ng'echereet ne po myeeindo eng' nyiganateet, si kenyooru rireenetapkei, ak kesich myeeindo ne toretech eng' peetuut ne kinyalili.

HEBRANIK 6:11

Ak kimache miising' chii age tugul eng' okweek keele kobarta kagiilonooto pogei eng' nyiietap kamang'unet agoi kagesunet:

HEBRANIK 6:18

si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

HEBRANIK 7:19

(amu ma yai Ng'atuutyet kiy koek ne ititaat), ak komiitei ibunetap kamang'unet ne kaigai, ne kiriikyine Kamuktaindet.

1 PETERO 1:8

ne ochame nganda tomo ogeer; ineendet ne nganda mogeere nguno, oyani, ko oboiboi miising' eng' poiboiyet ne ma mwaoksei ak ko nyiitaat toroornatet:

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 4:17

Amu kagoit peetuut ne kitaune kirwooget kootap Kamuktaindet: ak ngot ketaunenech acheek, kotam nee kagesunetap icheek che ma kase iit logoiywek che myach che po Kamuktaindet?

NG'ANG'UTYET 2:18

“Ak isirchi malaikaiyatap kaniset ne mi Thyatira, ileenji: “Mwaei tuguuchu Weeriitap Kamuktaindet, ne tinyei koonyek che uu liplibenetap maat, ak ko uu keelyekyik sugunwet ne sitaat.

NG'ANG'UTYET 2:25

Ago onam miising' nooto otinye kot aitu.

NG'ANG'UTYET 2:26

“Ak ineendet ne iterteeri, ak koriibei poisyonikyuk agoi kagesunet, kotun agoochini kimnateet koboi pororyosyek:

NG'ANG'UTYET 3:11

Anyoone achogu; nam miising' nooto itinye, si ma rebenen chii kuutweeng'ung'.