HEBRANIK 3:5 - BUKUIT NE TILIIL Sireet ne Dutero Kanon

⁵ Ak ki ek Musa iman ne kiyani eng' kootap Kamuktaindet tugul ko uu kiboityot, agobo paornateet ne po tuguuchooto che kitun kemwa eng' let;

Bukuit Ne Tilil

⁵ Ak ki ek Musa iman ne kiyani eng' kootap Kamuktaindet tugul ko uu kiboityot, agobo paornateet ne po tuguuchooto che kitun kemwa eng' let;

BUKUIT NE TILIL

⁵ Ak kiek Musa iman ne kiyani eng’ gotab Jehovah tugul ko u kiboitiot, agobo baornatet ne bo tuguchoto che ki tun kemwa eng’ let;

HEBRANIK 3:5 ပူးပေါင်းရင်းမြစ်များ

NEEMIA 9:14

Ki iboorchi icheek konai sabatoing'ung' ne tiliil ak ing'atyi icheek ng'atuutik ak katigonutik ak Ng'atuutyet, eng' eutap Musa otwogindeng'ung',

TIENWOGIKAL 105:26

Ki iyookto Musa kiboityondennyi, ak Aron ne kiga kolewen.

KOMONG'U 14:31

Ki keer Israel poisyet ne kiim ne ki yachi `Kamuktaindet ne Toroor Misiriik. Ki iywei anyun `piik Kamuktaindet ne Toroor ak koyan `icheek ineendet ak Musa otwogindennyi.

KOMONG'U 40:16

Ki yai anyun Musa ko uu nooto, ko uu tugul che ki ng'at `Kamuktaindet ne Toroor ineendet.

KAITOSYEK 12:7

Ma uu nooto eng' kiboityondennyu Musa; po iman ineendet eng' koonnyu komugul.

MATAYO 24:45

“Ng'oo anyun otwogindet ne kiyani ak ko utaat, ne ki inde kiptaiyandennyi kotononji koonnyi, ak kogoochi piik amitwogikwak eng' peetuut ne yamei?

MATAYO 25:21

Ki leenji kiptaiyandennyi, ‘Ki iyai ne myee, otwogindoni myee ak ne kiyani; koiegu ne po iman eng' tuguuk che ng'ering', kandein ibou tuguuk che chaang'; mong'ji anyun poiboiyetap kiptaiyandeng'ung'.’

LUKA 12:42

Kole anyun Kiptaiyat, Ng'oo anyun riibindet ne kiyani ak ko ng'oom, ne indoi kiptaiyandennyi kotononji koonnyi, ak kogoochi amitwogikwak che yamei eng' peetuut ne makyin?

LUKA 24:27

Ak ki toi kobooch Musa ak maotik tugul, ak ki iarorchi icheek eng' siruutik tugul ng'aleek agobo ineendet.

LUKA 24:44

Ak ki leenji icheek, Chu ko ng'aleekyuk che ki kamwaiwok, ye kingo ta ami kobootok, ko uu ye kanyool kosulda tuguuk tugul, che ki kisir eng' Ng'atuutik che po Musa, ak eng' maotik, ak eng' tyenwogigap kalasunet, agobo anee.

JOHANA 5:39

Cham osyachi eng' siruutik, amu oleen otinye saboondap koigeny eng' chooto; ago chooto che paoryanjino;

POISYONIGAP CHE KIYOKTOI 28:23

Ak ye kingo kagochop peetuut, kobwonji ineendet che chaang' eng' koot ne ki menyei; ak ki iborsechi komyee, kobaoryani agobo laitornatetap Kamuktaindet, ak kogiiljingei koneeti icheek agobo Jeso eng' ng'atuutyet ne po Musa ak eng' maotik, kobooch karon agoi koimen.

POISYONIGAP CHE KIYOKTOI 7:37

Musa niito ko nooto ne ki leenji piigap Israel, ‘Ing'eetwok Kamuktaindet ne Toroor maotyot ne tuun punu che otupche, ne uu anee.’

ROMANIK 3:21

Ago nguno ko kagong'ang'ak imandap Kamuktaindet ama eng' ng'atuutik, ne paoryani Ng'atuutyet ak maotik;

1 KORINTOEK 4:2

Eng' yuto anyun kogeny, kemage riibiik keele koek chii age tugul ne kiyani.

NG'ATUTIK 3:24

“Ee Kiptaiyat Kamuktaindet ne Toroor, kaitau iboorchi kiboityondeng'ung' etunateng'ung' ak eung'ung' ne kiim. Amu ma mi kamuktain age kipsengwet anan ng'wony ne imuuchi koyai ko uu poisyoniguk ak ko uu poisyoniguk che kiimeen?

NG'ATUTIK 34:5

Ki me anyun `Musa kiboityotap Kamuktaindet ne Toroor eng' olooto eng' emetap Moab ko uu ng'olyootap Kamuktaindet ne Toroor.

1 TIMOTEO 1:12

Amwachini kongoi ineendet, ne ki imuktaiwa, ineendet Kristo Jeso Kiptaiyandennyo, amu kiita kole aa chiito ne kiyani, kondea poisyet;

HEBRANIK 1:1

Kamuktaindet, ne ki ng'alaalji kwanisyekyok keny eng' maotik, eng' kebeberwek che chaang' ak eng' ortinwek che chaang',

HEBRANIK 3:2

ne ki ek ne kiyani eng' ineendet ne ki lewen, ko uu Musa agine eng' kootap Kamuktaindet tugul.

HEBRANIK 3:4

Amu teechei chiito koot age tugul; ago ineendet ne kiteechei tuguuk tugul ko Kamuktaindet.

HEBRANIK 8:5

che poisyei eng' karogutyet ak urwetap tuguuk che po kipsengwet, ko uu ye ki kiteechi Musa ye kimachei kotonon emait: amu ki leenji, Riip, si iyai tuguuk tugul ko uu kergeindo ne ki kiboorun eng' tulweet.

HEBRANIK 9:24

Amu ki ma mong'ji Kristo ole-tiliil ole ki kiyae eunek, ne karogutyetap tuguugap iman; ago ki mong'ji kipsengwet ineendet, si kotaagu eng' taitap Kamuktaindet agoi acheek:

JOSHUA 1:15

Otoret icheek agoi kogoochi `Kamuktaindet ne Toroor tupchosyekwok kamuung'et ko uu okweek, agoi konam ak icheek emet ne igoochin Kamuktaindet ne Toroor Kamuktaindeng'wong'. Ye ibata oweege obwa emeng'wong' ak onam kobunjook, emet ne ki koonok Musa otwogindetap Kamuktaindet ne Toroor eng' Jordan pitoniin ole chorunee asiista.”

JOSHUA 1:2

“Kogome otwogindennyu Musa. Ara ng'eet anyun nguno inyee ak pichu tugul, olandae ainooni po Jordan, ak obe emet ne agoochini icheeget, piigap Israel.

JOSHUA 1:7

Kimitu ak inyiganitu miising', keer iman ile keyai ko uu ng'atuutik tugul che king'atin otwogindennyu Musa. Amemaste iwe eutap tai anan ko murot kaataam si kobiit kiberuurin miising' eng' oldo age tugul ole iwendi.

JOSHUA 8:31

ko uu ye ki kang'at `Musa otwogindetap Kamuktaindet ne Toroor piigap Israel ak ko uu ye ki kisir eng' bukuitap ng'atuutigap Musa, kaptisisyetap koik che ma kiwai, che mawai chii eng' karna. Ki igoochi eng' yooto Kamuktaindet ne Toroor kagoochinoik che kibeelei, ak kieng'ji kagoochinoigap kaalyeet.

JOSHUA 8:33

Kitononso Israel tugul, ne toondet ak ne ki kisikyi kaa, kobooto poisyekwak ak kiptainikwak ak kirwoogikwak, eng' moinget komosi ak komosi eng' taitap tisiik Lawiik, kotoorchindos ak che ibei moingetap arorutyetap Kamuktaindet ne Toroor. Ki imii kebeber taitap tulweetap Gerizim, komi kebeber taitap tulweetap Ebal, ko uu ye ki kang'at Musa otwogindetap Kamuktaindet ne Toroor korook, kole kiberuure piigap Israel.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.