HEBRANIK 3:12 - BUKUIT NE TILIIL Sireet ne Dutero Kanon

¹² Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

Bukuit Ne Tilil

¹² Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

BUKUIT NE TILIL

¹² Oripge anyun che kitupche, si mabiit chi age tugul eng’ okwek ne tinyei muguleldo ne ya ne bo bistoet, koistoegei Jehovah ne sobei:

HEBRANIK 3:12 ပူးပေါင်းရင်းမြစ်များ

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

Kitabuutap JOB 21:14

Ago ki leenji Kamuktaindet, ‘Istoeneige. Amu ma kimache kenai ortinweguk.

Kitabuutap JOB 22:17

Che ki leenji Kamuktaindet, Istoeneige; Ak, Nee ne imuuchi koyaiywech Ineendet Ne po Kamuktaet?

TIENWOGIKAL 18:21

Amu ki ariip ortinwegap Kamuktaindet ne Toroor, ak ma abagaakte Kamuktaindennyu eng' oor ne ya.

KALEWANAIK 1:32

Amu parei icheek kachuchugetapkei ne po abusanik, ak ng'emei icheek poroteetap che perber.

ISAIAH 59:13

ki kieesye Kamuktaindet ne Toroor eng' pistoennyo, ak kigemaste ama kisup Kamuktaindennyo, keng'alaali ng'aleegap sastaet ak ngelelnateet, kichobe eng' mugulelwekyok ng'aleegap lembech, ak kemwae.

JEREMIA 11:8

Ago ma kas iit, ama ep iit, ago kiwendot age tugul eng' uuindap muguleldanyi ne ya. Aipchini anyun icheek ng'aleek tugul che po kayomisoni, ne ki kang'at icheek koyai, ago ma yai.

JEREMIA 16:12

ak ki oyai yaityet kosiir kwanisyekwok; amu, ogeero, wendoti age tugul eng' okweek kosubi uuindap muguleldanyi ne ya, kot koma oepcha iit:

JEREMIA 17:5

Mwaei Kamuktaindet ne Toroor kole: Chuboot chii ne imang'u kipkosabei, ak kotiegei kipkosabei, ineendet ne istoegei muguleldanyi Kamuktaindet ne Toroor.

JEREMIA 17:9

Kaberberin muguleldo kosiir tuguuk tugul, ak ko ya miising': ng'oo ne imuuchi konai?

JEREMIA 18:12

Ago mwaei kole, ma tilei kiy kamang'unet: amu kibendote maguutikyok, ak koyai chii tugul eng' acheek ko uu uuindap muguleldanyi ne ya.

JEREMIA 2:13

Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

JEREMIA 3:17

Eng' peetuusyechooto, ko tuun kuuree `icheek Jerusalem ng'echeretap laitornatet ne po Kamuktaindet ne Toroor, ak koyumjigei pororyosyek tugul, koyumjigei kainetap Kamuktaindet ne Toroor, eng' Jerusalem. Ama kobendote uuindap mugulelwekwak che yaacheen.

JEREMIA 7:24

Ago ma kas, ama ep iit, ago kibendatee kirwoogutikwak ak uuindap mugulelwekwak che yaacheen. Kituitui koba let, ma pa tai.

EZEKIEL 14:5

si kobiit anam kootap Israel eng' mugulelwekwak icheeget, amu ki kotoiyenagei icheek tugul amu kanamonikwak.

HOSEA 1:2

Ye kingo ng'alaalji `Kamuktaindet ne Toroor Hosea eng' tai, koleenji `Kamuktaindet ne Toroor Hosea, “Ui imutyigei chepkugoniot koek osotyong'ung', ak lagogap kugoinatet, amu yaei emet kugoinatet ne oo kometoi Kamuktaindet ne Toroor.”

MATAYO 16:16

Ki wol Simion Petero kole, “Ii Kristo, weeriitap Kamuktaindet ne sabei.”

MATAYO 24:4

Kowolji Jeso koleenji, “Oriipkei si ma ibeetook chii.

MARIKO 13:23

Ago oriipkei: ogeero, kasip amwaiwok tuguuk tugul.

MARIKO 13:33

Oriipse anyun, ogenisye ak osaae: amu mongen ye egune.

MARIKO 13:9

“Ago oriipkei okweek: amu tuun kimutyinok kapkirwook; ak kebirok eng' sinagogisyek; ak oteleli eng' taitap pounik ak laitorinik agobo anee, si koek paornat eng' icheek.

LUKA 21:8

Ak ki le, Oriipkei si ma kibeetook: amu tuun pwoonei piik che chaang' eng' kainennyu, koleen, Aa ineendet; ak, Kagoriik peetuusyek: amosup icheek.

ROMANIK 11:21

amu ngo ki ma riiree Kamuktaindet mooriik che ki po keetoto ye kinye, koma rireenen ak inyee.

1 KORINTOEK 10:12

Nooto anyun ingoriipkei si ma ibut, ineendet ne ibwaati kole tononi.

KOLOSAIK 2:8

Oriipkei si ma iluulok chii age eng' ng'omnatennyi ak kaberberisyet ne po puch, eng' pitonwegap piik, eng' kaneetisyosyek che po tai che po ng'wony, ak ma eng' Kristo:

1 THESSALONIKEK 1:9

Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,

HEBRANIK 10:31

Kiit ne pichiy kot kibutyi eunegap Kamuktaindet ne sabei.

HEBRANIK 10:38

Ago sabei nenyu ne po imanda eng' kayaneet, Ak ngot kochuchuigei koma paibaitu muguleldanyu eng' ineendet.

HEBRANIK 12:15

ogeer si ma rartae chii myeeindap Kamuktaindet; si ma piit tigityotap ng'wanindo ak konyalilis, ak komurwon che chaang';

HEBRANIK 12:22

ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet:

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

HEBRANIK 3:10

Eng' nooto anyun ki anereekyi ibini, Ak ki ale, ichiliili kotugul eng' mugulelwekwak: Ago ki ma kongen ortinwekyuk;

HEBRANIK 3:19

Kigeere anyun keele ki ma imuuch icheek koit amu ma iyan.

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!