HEBRANIK 2:14 - BUKUIT NE TILIIL Sireet ne Dutero Kanon

¹⁴ Amu yamdoi anyun lagok korotiik ak poorto, ki nam chooto ineendet agine ko uu nooto; si kobiit kong'em eng' ooreetap meet ineendet ne tinyei kimnateetap meet, nooto ko chesawilyet;

Bukuit Ne Tilil

¹⁴ Amu yamdoi anyun lagok korotiik ak poorto, ki nam chooto ineendet agine ko uu nooto; si kobiit kong'em eng' ooreetap meet ineendet ne tinyei kimnateetap meet, nooto ko chesawilyet;

BUKUIT NE TILIL

¹⁴ Amu yamdoi anyun lagok korotik ak borto, kinam choto inendet agine ko u noto; si kobiit kong’em eng’ oretab meet inendet ne tinyei kimnatetab meet, noto ko oindet;

HEBRANIK 2:14 ပူးပေါင်းရင်းမြစ်များ

TAUNET 3:15

Andoi punyondiit kwenung'wong' inyee ndareet ak kwondo ak kwenutap iyoteng'ung' ak iyotennyi. Tuei ineendet meting'ung' ak isuse aginye kwaryandennyi”

ISAIAH 25:8

Ki kolugui ineendet meet koigeny. Tuun ibuchi Kiptaiyat Kamuktaindet ne Toroor peegap kong' eng' togoochik tugul; ak koisto teweernatetap piikyik eng' ng'wony komugul. Amu kagomwa Kamuktaindet ne Toroor niito.

ISAIAH 53:12

Apchechini anyun ineendet kebeberta kobooto piik che eecheen, ak kopchei parunenik kobooto piik che kiimeen; amu ki igoito saboondanyi agoi meet, ak ki kiitito pistoik: ago kigesen tengekwogigap piik che chaang', ak ki sa agobo pistoik.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

HOSEA 13:14

Atyachi icheek komong' eng' kimnateet ne po kererit; asaru icheek eng' meet. Ee meet, mi ano korotweguk? Ee kererit, mi ano ng'emisyeng'ung'? Ma awale kabwaatutikyuk.

MATAYO 16:17

Kowol Jeso kole, “Iberuurot inyee, Simion Barjona, amu mang'ang'un niito poorto anan korotiik, ago Abbannyu ne mi kipsengwet.

MATAYO 25:41

“Koleenji anyun icheek che mi murot kaataam, ‘Oba eng' ole ami, okweek che oo chubootiin, oba maat ne po koigeny ne kigechopchi chesawilyet ak malaikaisyekyik;

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 12:24

Amwaiwok, iman, iman, ale, Ngo ma me paiywat ne ibutyin ng'ung'unyek, kotebyei ineegei; ago ngo me, koiyiei che chaang'.

ROMANIK 14:9

Amu kime Kristo agobo niito, ak kisop, si koek Kiptaiyat ne po che ki kobek ak che saptos.

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

1 KORINTOEK 1:28

ak ki lewen Kamuktaindet tuguuk che ma taagunotiin che po ng'wony, ak tuguuk che kisasei, ak tuguuk che ma miitei, si kowal koek puch tuguuk che miitei:

1 KORINTOEK 15:50

Amwae ni anyun, tupchosyechu, ale ma imuuchi panyeek ak korotiik konyoor laitornatetap Kamuktaindet; amaimuuchi ne nunei konyoor ne manunei.

GALATYEK 4:4

ago ye kingo it peetuut ne kiyamgei, koyook Kamuktaindet Weeriinnyi, ne ki sich kobogoryot, kosich eng' Ng'atuutyet,

KOLOSAIK 2:15

ko kagorek pounatosyek ak kimnatosyek, koboor kotook, koterteeri icheek eng' kimurtoiyot.

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

2 TIMOTEO 1:10

ago kagotook nguno eng' tagunetap Yetindennyo Kristo Jeso, ne ki kobar meet, ak kong'aany saboondo ak ng'emisyet ne ma komi, eng' logoiywek che myach,

HEBRANIK 10:10

Ki kitiliilech anyun eng' ma ko nooto eng' kagoitoetap poortap Jeso Kristo konyil agenge ak koyam.

HEBRANIK 10:5

Eng' nooto anyun ye kingo nyo Kristo ng'wony, konyo komwa kole, Ki ma imach tiseiywek ak kagoochinoik, Ago ki ichobwa poorto;

HEBRANIK 2:17

Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik.

HEBRANIK 2:18

Amu ko uu ye kinyalil ineendet ye ki kiyomei, komuuchi ineendet kotoret icheek che kiyomei.

HEBRANIK 4:15

Amu ma ki tinyei tisiindet ne oo ne ma imuuchi kogaswech nyalulnatosyekyok; ago ne ki kiyoom ko uu acheek eng' tuguuk tugul, ama yai tengek.

HEBRANIK 9:15

Ak amu ng'olyoondoniito ineendet ko katuiyoindetap kayomiset ne leel, si kobiit konyoor che kigeguur, arorutyetap poroteet ne po koigeny, ye kingo kagobiit meet agobo katyagetap pistaosyek che ki miitei eng' kayomiset ne po tai.

1 PETERO 1:20

ne kisip konaam iman kotom kelumda ng'wony, ago ki king'aany eng' peetuusyek che po let agobo okweek,

NG'ANG'UTYET 1:18

Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.

NG'ANG'UTYET 12:9

Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.

NG'ANG'UTYET 2:10

Ameiywei nyalilwogik che neegit inyooru. Machei chesawilyet kotoorchi korgoreet alak eng' okweek si kobiit ketyemak; ak osich nyalilda eng' peetuusyek taman. Egu ne kiyani agoi meet, si agoonin kuutweet ne po saboondo.

NG'ANG'UTYET 20:2

Ak konam maswetit, ereneet ne ki po keny, ne ineendet ko Chesawilyet ak ko Setani, ak korat ineendet kenyiisyek eliphuut agenge,