HEBRANIK 2:10 - BUKUIT NE TILIIL Sireet ne Dutero Kanon

¹⁰ Amu kinyolji ineendet, ne mi tuguuk tugul amu ineendet ak kobunu ineendet tuguuk tugul, ye imutyin weeriik che chaang' toroornatet, si koyai taunindetap yetunennywa koek ne ititaat eng' nyalilwogik.

Bukuit Ne Tilil

¹⁰ Amu kinyolji ineendet, ne mi tuguuk tugul amu ineendet ak kobunu ineendet tuguuk tugul, ye imutyin weeriik che chaang' toroornatet, si koyai taunindetap yetunennywa koek ne ititaat eng' nyalilwogik.

BUKUIT NE TILIL

¹⁰ Amu kinyolji inendet, ne mi tuguk tugul amu inendet, ak kobunu inendet tuguk tugul, ye imutyin werik che chang’ torornatet, si koyai taunindetab yetunenywa koek ne igesunotgei eng’ nyalilwogik.

HEBRANIK 2:10 ပူးပေါင်းရင်းမြစ်များ

TAUNET 18:25

Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”

KALEWANAIK 16:4

Ki yai Kamuktaindet ne Toroor tuguuk tugul ko uu ye kimakyin, ee agot che yaach ko ki yai agobo peetuut ne ya.

ISAIAH 43:21

piik che ki ayachigei, si kobiit kobarta kalasunennyu.

ISAIAH 55:4

Ogeero, ki agoite ineendet koek paoryat eng' pororyosyek, koek kandoindet, ak ko ng'atindet ne po pororyosyek.

HOSEA 8:10

Ee, agot nganda alei eng' pororyosyek, ayumi anyun icheek; ak kotoi kong'ering'itu amu nyigiisindap lautyet ne ki igoochi icheek `laitorinik ak pounik.

MIKAH 2:13

Kagondoe putindet icheek: kagobutis ak koba agoi ormariichet, ak komandae yooto: kagondoe icheek laitoryannywa, ak komi tainnywa Kamuktaindet ne Toroor.

KAITOSYEK 7:15

kirgit agenge ne neran, mengit agenge, mengit age ne ma siirei kenyiit agenge, kobunji kagoochinet ne kibeelei;

LUKA 13:32

Ak ki leenji icheek, “Oba omwachi lelwandonooto, oleenji: ‘Keero, aoone oik ak asoobi piik rani ak mutai, ak eng' peetuutap somok abegechi.

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

LUKA 24:26

Ki ma nyoljin Kristo konyalil eng' tuguuchu, si komong'ji toroornatennyi?”

LUKA 24:46

ak ki leenji icheek, Ki kisir ko uu nooto, keele, nyoljin Kristo konyalil, ak kong'eet kogeny eng' che ki kobek eng' peetuutap somok;

JOHANA 11:52

ma agobo pororyet ineegei, ago si kobiit koyum lagogap Kamuktaindet che yestootin si kobiit koek agenge.

JOHANA 19:30

Ye kingo kagotaach Jeso siki, komwa kole, “Kagogeskei.” Ki abuch anyun metinnyi, ak kogoito saboondanyi.

POISYONIGAP CHE KIYOKTOI 3:15

ak ki obar Ne Oo ne po saboondo; ne ki ing'eet Kamuktaindet eng' che ki pek; kibaorinigap nooto acheek.

POISYONIGAP CHE KIYOKTOI 5:31

Ineendet ne kiitoroor Kamuktaindet eng' eunnyi ne po tai koek Ne Oo ago Yetindet, si kogoochi Israel siguunet ak nyoetap kaat ne po tengekwogik.

ROMANIK 11:36

Amu pou ineendet, ak kobunu ineendet ak koweekyingei ineendet, tuguuk tugul. Punjin ineendet toroornatet koigeny. Amen.

ROMANIK 9:23

ak si kobiit kobarta mogornatosyegap toroornatennyi eng' tereenik che po rireenetapkei che kiga sip kochopchi telunateet,

1 KORINTOEK 2:7

ago kimwae utaatyetap Kamuktaindet eng' ung'ootyet, nooto ne kigeuny, ne kiga sip kong'at Kamuktaindet agobo toroornatennyo ye kitom kobiit ng'wony:

1 KORINTOEK 8:6

ago eng' acheek komiitei Kamuktaindet agenge, ineendet Kwanda, ne punu tuguuk tugul ak acheek eng' ineendet; ak Kiptaiyat agenge, Jeso Kristo, ne mi tuguuk tugul amu ineendet, ak acheek eng' ineendet.

2 KORINTOEK 3:18

Ago acheek tugul koboortoi toroornatetap Kiptaiyat ko uu ki oit eng' togoochikyok che ma tugootiin, kewalech eng' itoonooto kobunu toroornatet agoi toroornatet, ko uu ye punu Kiptaiyat ne Kabuuset ne Tiliil.

2 KORINTOEK 4:17

Amu pichiindanyo ne nyumnyum, ne ma tebyei, koyaiywech toroornatet ne oo ne po koigeny, ne tesoksei miising' kosiir;

2 KORINTOEK 5:18

Ago po tuguuk tugul Kamuktaindet ne kiituiyenechkei eng' Kristo, ak ki koonech acheek poisyet ne po katuiyet;

2 KORINTOEK 6:18

Ak aegu Kwanda eng' okweek, Ak oegu weeriik ak tiibiik eng' anee, Mwaei Kiptaiyat Ne po Kamuktaet.

GALATYEK 3:26

Amu okweek tugul ko oo weeriigap Kamuktaindet, eng' kayaneet, eng' Kristo Jeso.

EPESOEK 2:7

si kobiit kobarta eng' kenyiisyek che pwoonei mogornatosyek che siirtoot che po myeeindonyi eng' talasyet ne tokyineigei eng' Kristo Jeso:

EPESOEK 3:10

si kobiit konaak eng' kaniset nguno utaatyet ne oo ne po Kamuktaindet eng' laitornatosyek ak pounatosyek eng' komoswegap kipsengwet,

KOLOSAIK 3:4

Ye tuun took Kristo, ne ineendet saboondanyo, otaagu anyun ak okweek kobooto ineendet eng' toroornatet.

2 TIMOTEO 2:10

Nooto anyun amuitoi eng' tuguuk tugul amu che ki kilewen, si kobiit konyoor ak icheek yetunet ne miitei eng' Kristo Jeso kobooto toroornatetap koigeny.

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 6:20

ole kichut Jeso agobo acheek, koek kandoindet, ko kagoek tisiindet ne oo koigeny, ko uu kiit ne ki uu Melkisedek.

HEBRANIK 7:26

Amu nyoljinech tisiindet ne oo ne uu ni, ne tiliil, ne ma tinyei keniisyet, ama tinyei murwoonindo, ne itabaanat eng' kiptengegiinik, ak ki kitoroor kosiir kipsengwet;

HEBRANIK 7:28

Amu indoi Ng'atuutyet piik che nyalulyotin koek tisiik che eecheen; ago ng'olyootap kayasyoet, ne ki piitu let eng' Ng'atuutyet, kondoi Weeriit, ne ititaat koigeny.

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

1 PETERO 5:1

Ateechini miising' poisyek che mi kwenung'wong', aneendet ne aa poiyot ko uu icheek, ak aa paoryatap nyalilwogigap Kristo, ne kiyamdoi toroornatet ne tuun king'aanyei:

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

NG'ANG'UTYET 4:11

“Nyoljinin, Kiptaiyandennyo ak ko Kamuktaindet nenyo, itaach toroornatet ak teegisto ak kamuktaet; amu kiitau iyae tuguuk tugul, ak ki piit amu mageng'ung' ak ki kiyai.”

NG'ANG'UTYET 7:9

Kingo pata tuguuchu, ageer tuiyet ne oo ne ki ma komuuchi chii koiit, che punu pororyet age tugul, ooreet age tugul, piik ak kutusweek, kotonondos eng' taitap ng'echereetap laitornatet ak eng' taitap Aarwet. Ki ilaachi ngoroik che leelach ak kotinyei mooriigap sosik eng' eunekwak.