HEBRANIK 13:8 - BUKUIT NE TILIIL Sireet ne Dutero Kanon

⁸ Kergei Jeso Kristo eng' amut ak ra, ak agoi koigeny.

Bukuit Ne Tilil

⁸ Kergei Jeso Kristo eng' amut ak ra, ak agoi koigeny.

BUKUIT NE TILIL

⁸ Kergei Jesu Kristo eng’ amut ak ra, ak agoi koigeny.

HEBRANIK 13:8 ပူးပေါင်းရင်းမြစ်များ

TAUNET 21:33

Ki miin Abraham keetit eng' Beer-sheba ak ki kuur eng' olooto kainetap Kamuktaindet ne Toroor, Kamuktaindet ne po Koigeny.

TIENWOGIKAL 103:17

Ago tebyei rireenetap Kamuktaindet ne Toroor koigeny ak koigeny eng' icheek che iywei ineendet, ak imandanyi eng' lagogap lagok,

TIENWOGIKAL 90:2

Ye kitom kobiit tuloonook, Anan ye kitom iyai emet ak ng'wonyut, Ii Kamuktaindet, kobooch keny agoi koigeny.

TIENWOGIKAL 90:4

Amu kergei kenyiisyek eliphuut eng' taing'ung' Ak amut ne kogosiirto, Ak ko uu riipseet ne po kemoi.

KOMONG'U 3:14

Koleenji `Kamuktaindet Musa; “ ‘Aa ne Aa,’ Mwachi piigap Israel ng'olyoondoni, leenji, Kagoyokwo anyoonjok.”

ISAIAH 41:4

Ng'oo ne ki kobois ak kogees, ne kuurei ibinwek kobooch taunet? Anee Kamuktaindet ne Toroor ne po tai, ak ne po let, aa ineendet.

ISAIAH 44:6

Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

MALAKI 3:6

Aa Kamuktaindet ne Toroor, ma walaksei, ko uu nooto okweek, ee weeriigap Jakobo, koma kigeswok.

2 KORINTOEK 1:19

Amu Weeriitap Kamuktaindet, Jeso Kristo, ne ki kiamde eng' kwenung'wong', anee ak Silvano ak Timoteo, ne ki ma ko “ee” ak “achicha”, ago eng' ineendet ko “wei” kipchulyo.

2 KORINTOEK 1:20

Amu agot ngo tya arorutigap Kamuktaindet, eng' ineendet ko wei: ak kogeny eng' ineendet ko Amen, agoi toroornatetap Kamuktaindet eng' acheek.

HEBRANIK 1:12

ak imamani ko uu ngoryeet ne tabanu parak, ak kiwalei ko uu ngoryeet. Ago iuu nooto inyee agoi, ama tinyei kenyisyeguk ole igeesunegei.”

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

JUDA 1:25

kobunji Kamuktaindet ne ineegei ne Yetindennyo, eng' Jeso Kristo Kiptaiyandennyo, toroornatet, etunateet, pounateet ak kimnateet, kobooch keny, nguno ak agoi koigeny. Amen.

NG'ANG'UTYET 1:11

koleen, “Sirchi bukuit tuguuk che igeere ak iyookyi kanisosyek tisap; iyookyi Epheso, ak Smyrna, ak Pergamo, ak Thyatira, ak Sardis, ak Philadephia, ak Laodikia.”

NG'ANG'UTYET 1:4

Sirchin Johana kanisosyek tisap che mi Asia: Ingotep myeeindo ak kaalyeet kobootok che punu ineendet ne mi, ne ki mi ak ne tuun nyoonei; ak che punu saboonwek tisap che mi taitap ng'echerennyi ne po laitornatet,

NG'ANG'UTYET 1:8

“Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.