HEBRANIK 13:5 - BUKUIT NE TILIIL Sireet ne Dutero Kanon

⁵ Oegu che ityagatin eng' chametap silingisyek; ingoyamak tuguuk che otinye; amu ki komwa ineendet kole, “Ma koi abagaakteen, ma koi ameteen.”

Bukuit Ne Tilil

⁵ Oegu che ityagatin eng' chametap silingisyek; ingoyamak tuguuk che otinye; amu ki komwa ineendet kole, “Ma koi abagaakteen, ma koi ameteen.”

BUKUIT NE TILIL

⁵ Oegu che itiogotin eng’ chametab siling’isiek; ingoyamak tuguk che otinye: amu kigomwa inendet, kole, Magoi abagakten, magoi ameten.

HEBRANIK 13:5 ပူးပေါင်းရင်းမြစ်များ

TAUNET 28:15

Keero, ami kobooten, ak ariibootin eng' oldo tugul ole iwendi, ak tuun amutun inyoo emoni kogeny. Amu ma metoin agoi tuun ayai tugul che kaamwaun.”

TAUNET 30:31

Ki leenji Laban, “Agoonin nee?” Ak ki le Jakobo, “Amegono kiy, ngot iyaiywo kii amache, amuuchi ayagun akwotisyeguk kogeny ak ariip.

TAUNET 31:5

ak ipkoleenji, “Ageere ale ma ko uu togeetap kwandang'wong' atkinye tai, ago kigotebi Kamuktaindet ne po abba kobooto.

1 LAITORINIK 6:13

Ak amenye kwenutap piigap Israel, amametoi piikyuk Israel.”

1 LAITORINIK 8:57

Ingotep Kamuktaindet ne Toroor, Kamuktaindennyo kobootech ko uu ye kimi ak kwanisyekyok; amat kobagaaktech anan kometech.

1 ATEPTAP PEETUUSYEK 28:20

Ki leenji `Daudi Solomon weeriinnyi, “Kimitu nyiganitu, ak iyai poisyet. Meiywei anan itoptoben, amu mi kobooten Kamuktaindet ne po Toroornatet, ineendet Kamuktaindennyu. Mabagaaktoin anan kometen agoi kogeskei poisyet tugul ne po otisyetap kootap Kamuktaindet ne Toroor.

TIENWOGIKAL 10:3

Ilasunegei kiptengekyot mageetap muguleldanyi, icheeget che kipkeinik agobo kelunet ko chubei ak kosasei Kamuktaindet ne Toroor.

TIENWOGIKAL 119:36

Tokyi muguleldanyu paornatosyeguk, ametokyi mageet ne ya.

TIENWOGIKAL 37:25

Ki aa ming'in ak ka aoositu nguno, ago tomo ageer kemeto ne po imanda, ak ma keer kosoomoti `lagokyik amitwogik.

TIENWOGIKAL 37:28

Amu chamei Kamuktaindet ne Toroor imanda, ama pagaktoi chechiget che iyanotin. Riibootin che po imanda koigeny, ago kiwong'u kesweegap kiptengeginik.

KOMONG'U 2:21

Ki cham Musa kotebi ak chiichooto, ak ki igoochi `ineendet Musa cheptonyi Ziporah kotun.

KOMONG'U 20:17

Amegase myat kootap chiitap kokweng'ung'. Amegase myat osotyotap chiitap kokweng'ung' anan otwogindennyi ne muren anan otwogindennyi ne tye anan eitonyi anan sigiryennyi anan kiy age tugul ne po chiitap kokweng'ung'.”

KALEWANAIK 23:4

Ngot itinye utaatyet ne ititaat; komeimigei ile asi iegu mogoryo.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 41:17

Cheeng'ei peek piik che ponoon ak che ma tinyei kiy, ago ma mi, ak koyaamei ng'elyepta amu melelda; awoljini, anee Kamuktaindet ne Toroor, ma metoi anee Kamuktaindetap Israel.

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

JEREMIA 6:13

Amu kobooch ne ming'in agoi ne oo eng' icheek, ko tinyei age tugul keyandiit, ak kobooch maotyot agoi tisiindet, ko yaei kaberberisyet age tugul.

EZEKIEL 33:31

Ak kobwonjin ko uu ye pwoonei piik, ak kotep ng'wony eng' taing'ung' ko uu piikyuk, ak kogas icheek ng'aleeguk, ago ma yaei: amu iboortoi chamyet ne oo eng' ng'aleekwak, ago isubi mugulelwekwak kelunennywa.

MATAYO 6:19

Amogonorchigei konoraik eng' ng'wony, ole amei kuutik anan kong'em kutuuk, ak ole putei chooriik ak kochoor;

MATAYO 6:25

Amwaiwok anyun ale, mogereer met agobo sabeeng'wong' eng' che oame anan che oee, anan agobo che olaachi eng' poorwekwok. Tos ma siirei saboondo amitwogik, ak ma siirei poorto ngoroik?

MATAYO 6:34

Nooto anyun amogereer met agobo mutai, amu kerere met mutaut agobo kei. Yamei peetuut yaityennyi.

MARIKO 7:22

kasetap myat, yaityet, ng'aalseet, mageet ne ya, kong' ne ya, ng'aleek che yaach, menoteet, ak perberyo.

LUKA 3:14

Ak kiteebe kiplugotinik ak icheek koleenji, “Ki yai nee anyun acheek?” Ak ki leenji, “Amomu chii age tugul, anan orebe chii kiy; ago ingoyamak melekwekwok.”

LUKA 8:14

Ak che ki ibutyi katook, ko icheeget che ki kas, ak ye kaba kogiich kererwegap met ak mogornatosyek, ak poiboiyetap tuguugap sabooni, ama iyo logoek che nyiitootiin.

ROMANIK 1:29

ko nyiitaat tuguuk tugul che ma po iman, sogornateet, kasetap myat, yaityet; nyiitaat ng'etkonda, rumisyet, pooryeet, keniisyet, suryet; chaamik,

1 KORINTOEK 5:11

ago nguno asirwok, ale amonamge ak chii age tugul ne kiguure tupchet, ne soksei, anan kipkeiyat, anan ne saaei kanamonik, anan ne chubisyei, anan kibogityot, anan rebindet; amat oamjine ak chiito ne uu nooto, achicha.

1 KORINTOEK 6:10

anan chooriik, anan kipkeinik, anan kibogitinik, anan che chubisyei, anan rebiik, che nyooru laitornatetap Kamuktaindet.

2 KORINTOEK 4:9

Ki onwech, ago ma kibagaaktaech; ki wiirtaech ago ma ki parech;

EPESOEK 5:3

Ago ko uu ye nyoljin piik che tiliileen ko matong'alaale eng' kwenung'wong' sokseet, ak simdo tugul, anan kasetap myat;

EPESOEK 5:5

Amu ongen niito iman ole, ma mi chii ne soksei, anan chiitap simdo, anan ne kasei myat, nooto ne saaei kanamonik, ma mi eng' chu ne nyooru poroteet eng' laitornatetap Kristo ak Kamuktaindet.

NG'ATUTIK 31:6

Ogimegitu, onyiganitu, amoiywei anan oaragense amu icheek. Amu wendi Kamuktaindet ne Toroor Kamuktaindeng'ung' kobooten ago ma metoin ineendet ama pagaaktoin.”

NG'ATUTIK 31:8

Ineendet Kamuktaindet ne Toroor ne indoenen ak mi kobooten, amemetoin, ama pagaaktoin ameiywei anan iaragen.”

NG'ATUTIK 4:31

Amu Kamuktaindet ne Toroor Kamuktaindeng'ung' ko Kamuktaindet ne Toroor ne po rireenet ma metoin, anan kowong'un anan koutye kayomisetap kwanisyeguk ne ki iyasyechi.

KOLOSAIK 3:5

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik;

1 TIMOTEO 3:3

ne ma kimaiya, ne ma pirisyei; ago ne tala, ne ma chii ne po pooryot, ne ma chamei silingisyek;

JOSHUA 1:5

Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen.

JOSHUA 7:21

Kinga keer eng' tuguuk che ki kiluul ngoryeet ne karaaran ne po Babilon ak shekelisyek pogol aeng' che po fedha, ak thahabu ne nyigiisindanyi ko shekelisyek konom, agase myat anyun ak aip. Ung'ootiin tuguuchooto eng' ng'wony eng' kwenutap emainnyu ak ko tabanu ng'wony fedha eng' tuguuchooto.”

2 PETERO 2:14

piik che tinyei koonyek che nyiitootiin ibeetapkei, amaimuuchi kometo tengekto; che ichuuti saboonwek che ma tononiotiin; che tinyei mugulelwek che ki konetkei kasetap myat; lagogap chubeet;

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.

JUDA 1:11

Pwo eng' icheek! Amu ki isup ooreetap Kain, ak kogoochigei mastaetap Balaam komach melekto, ak kilusyo eng' ngelelnatetap Kora.

1 SAMUEL 10:7

Ye pwaanjin kaboorunoichu, iyai ko uu ye kenyooru poroindo, amu miitei Kamuktaindet kobooten.

1 SAMUEL 12:22

Kosupkei ak kainennyi ne oo, koma pagaaktoi `Kamuktaindet ne Toroor piikyik amu ki cham ineendet koyaak oegu piikyik.