HEBRANIK 13:4 - BUKUIT NE TILIIL Sireet ne Dutero Kanon

⁴ Ingogonyit tugul katunisyet, amat koek itoogut ne tinyei simdo: amu tuun irwookyin Kamuktaindet che soksei ak che ibegei.

Bukuit Ne Tilil

⁴ Ingogonyit tugul katunisyet, amat koek itoogut ne tinyei simdo: amu tuun irwookyin Kamuktaindet che soksei ak che ibegei.

BUKUIT NE TILIL

⁴ Ingogonyit tugul katunisiet, amat koek itogut ne tinyei simdo: amu tun iruokyin Jehovah che soksei ak che ibegei.

HEBRANIK 13:4 ပူးပေါင်းရင်းမြစ်များ

TAUNET 2:21

Ara ki yai anyun Kamuktaindet ne po Toroornatet chiichooto koru rwondo ne nyigiis, ak ye ki inuuchi, konem karaasta agenge, ak kotuge yooto panyeek kogeere karasato.

TAUNET 2:24

Amu nooto anyun, pagaktoi mureno kwandanyi ak kamennyi ak konamgei ak kwondonyi, ak koek icheek poorto agenge.

2 LAITORINIK 22:14

Ki pa anyun Hilkiah tisiindet ak Aikam, Akbor, Sapan ak Asaiah, ole ki mi maotyot Hulda ne ki osotyotap Shallum weeriitap Tikba, weeriitap Haras, ne ki riibindetap ngoroik. Ki menyei kwonyooto Jerusalem kebebertap aeng', ak ki ng'alaal `icheek kobooto ineendet.

Kitabuutap JOB 31:12

Amu nooto ko maat ne igeesu agoi Ng'emisyet, ak kotut ruratennyu tugul.

ISAIAH 8:3

Ki awe anyun ye mi chebyoset ne maotyo; ak ki manach, ak kosich weeriit. Ki leenjo Kamuktaindet ne Toroor anyun, “Tochi kainennyi Maer-salal-hasbas.

ATEPTAP LAWIK 15:18

Ak ngo tuiyogei muren ak kwony ak komaanda kesweegap iyoteet, konyolu kouungei icheek tuwai, ak komurwoniitu tuwai agoi koimen.

ATEPTAP LAWIK 18:20

Amat oipkei ak osotyotap chiitap kokweng'ung', omurwongei ak ineendet.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

1 KORINTOEK 5:13

Ago icheek che miitei saang' korwookyin Kamuktaindet chooto. Oiste anyun chiichooto sogoran eng' kwenung'wong'.

1 KORINTOEK 6:18

Omwee ibeetapkei. Tengek age tugul ne yaei chii komiitei saang'utap poorto; ago ineendet ne yaei ibeetapkei koyachin poortanyi tengekto.

1 KORINTOEK 6:9

Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

1 KORINTOEK 7:38

Nooto anyun, ineendet ne igoitoi pergeiyandennyi kitun koyaei ne myee; ak ineendet ne ma igoito kitun koyaei ne myee kosiir.

1 KORINTOEK 9:5

Tos ma ki tinyei kimnateet kimutate osotyot ne iyanaat, ko uu alak che kiyooktoi, ak tupchosyek che po Kiptaiyat, ak Kepha?

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

GALATYEK 5:19

Taagunotiin anyun poisyonik che po poorto, chooto ko chu: sokseet, simdo, mageet ne ya agobo tuguuk che yaach,

GALATYEK 5:21

kong' ne ya, pogitatosyek, keiyandisyek, ak alak che uu chooto: kasip ateiywok agobo chu, ko uu ye kisip ateiywok, ale icheeget che yaei tuguuk che uu chuuto koma nyooru laitornatetap Kamuktaindet.

EPESOEK 5:5

Amu ongen niito iman ole, ma mi chii ne soksei, anan chiitap simdo, anan ne kasei myat, nooto ne saaei kanamonik, ma mi eng' chu ne nyooru poroteet eng' laitornatetap Kristo ak Kamuktaindet.

NG'ATUTIK 22:22

“Nginyooru chii ne ibegei ak kwondo ne ki kitunji chiito age, kebarei tuwai; chiichooto kobooto kwonyooto. Iste anyun ko uu nooto yaityet eng' Israel.

1 THESSALONIKEK 4:6

amat koyai chii kachiliilut anan koyachi ne ya tupchennyi eng' ng'olyoondoniito: amu Kiptaiyat yaaktaindetap mugetuut eng' tuguuchuuto tugul, ko uu ye kisip kiteeiywok ak kebaoryan.

1 TIMOTEO 3:12

Ingoek kiboitinigap kaniset manong'otaigap osotyot agenge, kobou lagokwak ak kooriikwak komyee.

1 TIMOTEO 3:2

Kanyolji anyun riibindet koek ne ma kigeerchin ng'olyoo ne ma litit, manong'otyotap osotyot agenge, ne riibegei, ne litit ng'omnateet, ne tebyei komyee, ne taachei toek, ne chepchep koneetis;

1 TIMOTEO 3:4

ne pou koonnyi komyee, ne igoochin eng' teegisto tugul lagokyik kogas iit;

1 TIMOTEO 4:3

che etei kitunis, ak koistoegei amitwogik alak, che ki yai Kamuktaindet kole kotaach eng' kongoi icheek che iyani ak kongen imanit.

1 TIMOTEO 5:14

Nooto anyun achame ale kitun mosoogik che ta ko mengeechen, si kosich lagok, ak koriip koot, amat kogoochi poroindo puunyoot kochuris eng' ui tugul;

TITO 1:6

ngot komi chii age tugul ne ma tinyei leluut, ne manong'otyotap osotyot agenge, ne tinyei lagok che iyanotin, che ma kimwaitae yaityo, anan che ma kase iit.

HEBRANIK 12:16

si ma piit ne soksei, anan chiito ne ma iywei Kamuktaindet, ko uu Esau, ne ki alda etunatennyi ne po sigeet agobo amdit agenge.

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.