HEBRANIK 13:18 - BUKUIT NE TILIIL Sireet ne Dutero Kanon

¹⁸ Osaa agobo acheek: amu kiyani keele ki tinyei kabwaatet ne myee, kimache ketebi eng' atebeet ne myee eng' tuguuk tugul.

Bukuit Ne Tilil

¹⁸ Osaa agobo acheek: amu kiyani keele ki tinyei kabwaatet ne myee, kimache ketebi eng' atebeet ne myee eng' tuguuk tugul.

BUKUIT NE TILIL

¹⁸ Osa agobo achek: amu kiyani kele kitinye kabwatet ne mie, kimache ketebi eng’ atebet ne mie eng’ tuguk tugul.

HEBRANIK 13:18 ပူးပေါင်းရင်းမြစ်များ

POISYONIGAP CHE KIYOKTOI 23:1

Ak kingo keer Paulo kapkirwoogonooto komyee, komwa kole, “Che kitupche, ki atebee kotugul kabwaatet ne myee eng' taitap Kamuktaindet agoi rani.”

POISYONIGAP CHE KIYOKTOI 24:16

Ak achobegei anyun agane eng' ng'olyoondoni atebee kotugul kabwaatet ne ma tinyei kanagut eng' taitap Kamuktaindet ak piik.

ROMANIK 12:17

Amoyaakyi chii yaityo eng' yaityo. Ibwaat tuguuk che po teegisto eng' taitap piik tugul.

ROMANIK 13:13

Ongebendoti ko uu ye nyolu, ko uu peet; ma eng' waseetapkei anan pogitet, ma eng' sokseet anan mageet ne ya, ma eng' polateet ak ng'etkong'.

ROMANIK 15:30

Asoomok miising' anyun che kitupche, eng' Kiptaiyandennyo Jeso Kristo, ak eng' chamyetap Kabuuset ne Tiliil, ale ogiilgei kobooto eng' saautikwok che osaae Kamuktaindet agobo anee;

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

PILIPIK 4:8

Ne po let anyun, che kitupche, tuguuk alak tugul che po imanda, alak tugul che po teegisto, alak tugul che po imanda, alak tugul che tiliileen, alak tugul che chamaatiin, alak tugul che kimwaitoe ne myee; ngo mi myeein age tugul, ak ngo mi kalasunet age tugul, obwaat tuguuchuuto.

KOLOSAIK 4:3

osaiywech ak acheek, si koyatwech Kamuktaindet kurgeet ne po ng'olyoot, kemwa ung'ootyetap Kristo; ki kirata agobo nooto;

1 THESSALONIKEK 4:12

si obendate ko uu ye nyolu eng' taitap icheek che mi saang', si mobanan kiy age tugul.

1 THESSALONIKEK 5:25

Tupchosyechu, osaiywech.

2 THESSALONIKEK 3:1

Ne po let anyun, che kitupche, osaiywech si kobiit kochaakta ng'olyootap Kiptaiyat ak kitoroor, ko uu ole teptoi eng' okweek;

1 TIMOTEO 1:5

Ago kasuldaetap ng'atuutyoni ko chamyet ne punu muguleldo ne tiliil ak kabwaatet ne myee ak kayaneet ne ma tinyei keniisyet:

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.

1 PETERO 3:16

otinye kabwaatet ne myee; si ye kitaamok, kigoochin kolilaan icheek che mwaitae ng'aleek che yaach atebeeng'wong' ne myee eng' Kristo.

1 PETERO 3:21

kergeindap tuguuchuuto ko kabatisanet, ne sarwok agine eng' peetuusyechu, ma keele istoetap simdap poorto, ago waluunetap kabwaatet ne myee ne tokyingei Kamuktaindet, eng' ng'eetyeetap Jeso Kristo;