HEBRANIK 13:15 - BUKUIT NE TILIIL Sireet ne Dutero Kanon

¹⁵ Nooto anyun ongigoochi Kamuktaindet eng' ineendet korosyotap kalasunet kotugul, nooto ko logoiyatap kutusweek che ng'aanyei kainennyi.

Bukuit Ne Tilil

¹⁵ Nooto anyun ongigoochi Kamuktaindet eng' ineendet korosyotap kalasunet kotugul, nooto ko logoiyatap kutusweek che ng'aanyei kainennyi.

BUKUIT NE TILIL

¹⁵ Noto anyun ongigochi Jehovah eng’ inendet korosiotab kalosunet kotugul, noto ko logoiyatab kutuswek che ng’anyei kainennyi.

HEBRANIK 13:15 ပူးပေါင်းရင်းမြစ်များ

2 ATEPTAP PEETUUSYEK 29:31

Yeityo kowol Hezekiah kole, “Amu kaotabaanjigei Kamuktaindet ne Toroor, oriigu oibu tiseiywek ak kagoochinoigap kongoi kobwa kootap Kamuktaindet ne Toroor.” Ki ip tuiyet tiseiywek ak kagoochinoigap kongoi; ak tugul che ki chamei eng' mugulelwekwak ko ki ip kagoochinoik che kibeelei.

2 ATEPTAP PEETUUSYEK 33:16

Ak ki teech kaptisisyetap Kamuktaindet ne Toroor ak kogoitoe yooto tiseiywegap kagoochinoigap kaalyeet ak che po kongoi, ak kong'at Judah koot Kamuktaindet ne Toroor Kamuktaindetap Israel.

2 ATEPTAP PEETUUSYEK 7:6

Kitononso anyun tisiik kobee poisyonikwak; ki yai ko uu nooto Lawiik ak icheek che ki tinyei kibungandinigap tyenwogik che po Kamuktaindet ne Toroor, che kiga koyai Daudi laitoryat che kimwachine kongoi Kamuktaindet ne Toroor. Kityenso kole “Amu po koigeny rireenennyi,” ko uu ye ki ng'at `Daudi icheek eng' otisyennywa. Kiguutei iryagook tisiik eng' tainnywa, ak kitononso Israel tugul.

EZRAH 3:11

Kiwoljingei kotyeni kolasu ak komwachin kongoi Kamuktaindet ne Toroor koleen, “Amu myee ineendet, amu po koigeny rireenennyi eng' Israel.” Ak ki waakyo piik tugul eng' waagaat ne oo ye ki ilasu Kamuktaindet ne Toroor, amu kiga kelumda lumeiywotap kootap Kamuktaindet ne Toroor.

NEEMIA 12:40

Ki tononso anyun kweanaichooto tuwai che po icheeget che kimwaei kongoi eng' kootap Kamuktaindet ak ki kimi tugul ak icheek kobooto kebeberta ne po pounik,

NEEMIA 12:43

Ak ki igoito peetuunooto tiseiywek che eecheen ak koboiboitu, amu ki igoochi Kamuktaindet icheek koboiboitu eng' poiboiyet ne oo. Kiboiboitu ak icheek kwonyiik ak lagok, kot kegasune poiboiyetap Jerusalem ole loo.

TIENWOGIKAL 118:19

Oyatwa kurgotigap imanda, si awa oriit ak amwachi Kamuktaindet ne Toroor kongoi.

TIENWOGIKAL 119:108

Asaain ale taach konunoigap kutinnyu, ee Kamuktaindet ne Toroor, ak ineeta kirwoogutiguk.

TIENWOGIKAL 18:49

Eng' niito aweegun kongoi anyun, ee Kamuktaindet ne Toroor, eng' kwenutap pororyosyek, ak atyenji kaineng'ung' kalasunoik.

TIENWOGIKAL 50:14

Igoochi Kamuktaindet korosyotap kongoi; ak yaakyi Ineendet Ne Toroor Miising' arorutiguk.

TIENWOGIKAL 50:23

Age tugul ne igoitoi korosyotap kongoi ko nooto ne iloswa; ak ineendet ne chobei atebeennyi komyee aboorchini yetunetap Kamuktaindet.”

ISAIAH 57:19

Ayae logoegap kutusweek: Kaalyeet, kaalyeet eng' ineendet ne mi ole loo ak ineendet ne mi ole neegit ak asoop icheek.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

JEREMIA 33:18

ama petyin chii tisiik Lawiik eng' tainnyu ne igoitoi kagoochinoik che kibeelei, ak kobeel kagoochinoigap peek che ng'ootiin, ak kogoito tiseiywek kotugul.

HOSEA 14:2

Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

ATEPTAP LAWIK 7:12

Ngo koitoi chii kagoitoet agobo kongoi, kogoitoi kobooto magatiinik che mengeechen che ma kinde mermereek ak kekwang'da mwaita, magatiinik che tertereen che ma kinde mermereek che ka ki ilee mwaita, ak magatinigap peek che ng'ootiin che tambulul che ka kikwang'da mwaita si kotangusitu.

KAITOSYEK 7:62

nyigiisindap gramit agenge ne po thahabu ne yamei shekelisyek taman, ne nyiitaat nyamdutik;

MATAYO 11:25

Eng' peetuusyechooto kowol Jeso kole, “Amwaun kongoi, we Abba, Kiptaiyatap kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik;

LUKA 10:21

Eng' sainooto kobaibait Jeso eng' Kabuuset ne Tiliil, ak kole, “Aweegun kongoi, ee Abba, Kiptaiyat ne po kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik: ee, Abba; amu ki chamak ko uu nooto eng' taing'ung'.

JOHANA 10:9

Aa kurgeet: ngwo chii age tugul ko ne puna anee, kesaru, ak kwo ko, ak komanda saang', ak konyoor ole kiyage.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

ROMANIK 6:19

Ang'alaali ko uu piteetap piik amu nyalulet ne po poorwekwok: amu ko uu ye ki ogoite kebeberwegap poorwekwok koek otwogigap murwoonindo ak tengek agoi tengek, ko uu nooto anyun ogoite kebeberwegap poorwekwok koek otwogigap imanda agoi tiliilindo.

EPESOEK 2:18

amu kinyooru acheek tuwai eng' ineendet ooreennyo eng' Kabuuset ne Tiliil agenge, ne ki itee ole mi Kwanda.

KOLOSAIK 1:12

ogoochini kongoi Kwanda, ne kiyaech keegu che nyoljin keyamde poroteetap che tiliileen eng' lapkeiyet;

HEBRANIK 12:28

Nooto anyun, amu kinyooru laitornatet ne ma kimuuchi kitumdum, ko ongeegu che tinyei myeeindo, ne kimuuchi keyae poisyet ne iboiboi Kamuktaindet miising', eng' teegisto ak kayweet:

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.