HEBRANIK 12:23 - BUKUIT NE TILIIL Sireet ne Dutero Kanon

²³ ak tuiyetap piik tugul ak kaniset ne po che po tai eng' sigeet che kigesir eng' kipsengwet, ak Kamuktaindet kirwoogindetap tugul, ak saboonwek che po piigap imanda che ki kiyai koek che ititaatiin,

Bukuit Ne Tilil

²³ ak tuiyetap piik tugul ak kaniset ne po che po tai eng' sigeet che kigesir eng' kipsengwet, ak Kamuktaindet kirwoogindetap tugul, ak saboonwek che po piigap imanda che ki kiyai koek che ititaatiin,

BUKUIT NE TILIL

²³ ak tuiyetab bik tugul ak kaniset ne bo che bo tai eng’ siget che kigesir eng’ kipsengwet, ak Jehovah kiruogindetab tugul, ak tamirmirik che bo bikab imanda che kigiyai koek che igesunotingei,

HEBRANIK 12:23 ပူးပေါင်းရင်းမြစ်များ

TAUNET 18:25

Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”

TIENWOGIKAL 111:1

Olasu Kamuktaindet ne Toroor! Aweekyini Kamuktaindet ne Toroor kongoi eng' muguleldanyu komugul, eng' kapkirwoogetap che po iman, ak eng' tuiyet.

TIENWOGIKAL 69:28

Ingibukto icheek eng' bukuitap saboon, Amat kesir kobooto che po imanda.

TIENWOGIKAL 89:27

Ayae ineendet koek taaitanyu, Koeet kosiir laitorinik tugul che po ng'wony.

TIENWOGIKAL 89:7

Ineendet Kamuktaindet ne kiywei miising' eng' tuiyetap che tiliileen, Ne kiywei kosiir tugul che kiyiem ineendet?

TIENWOGIKAL 94:2

Ng'eet, inyee kirwoogindetap ng'wony: Igeerchi menotik ko uu ye nyoljin.

TIENWOGIKAL 96:13

Eng' taitap Kamuktaindet ne Toroor, amu nyoonei: Amu nyoonei korwookyin ng'wony, Irwookyin ng'wony eng' imanda, Ak korwookyin piik eng' imandanyi.

TIENWOGIKAL 98:9

Eng' taitap Kamuktaindet ne Toroor, amu nyoonei korwookyin ng'wony: Tuun irwookyin ng'wony eng' imanda, Ak korwookyi piik eng' iman.

KOMONG'U 13:2

“Itabaanwa kiboretook tugul. Punjino age tugul ne yaatei iyoteet eng' piigap Israel, eng' piik ak eng' che po tai eng' tyong'ik.”

KOMONG'U 32:32

Ago ngot icham, nguno, inyochigaat tengektonywa. Ngo ma uu nooto, asoomin ale iistaa eng' bukuing'ung' ne ki isir.”

KOMONG'U 4:22

Ileenjini Pharaoh, ‘Kamwa ko uu ni Kamuktaindet ne Toroor, Weeriinnyu Israel ak ko taitanyu,

AMDOINDET 12:7

ak koweekyigei ng'ung'unyek ng'wony ko uu ye kinye, ak koweekyigei saboondo Kamuktaindet ne ki koonu.

JEREMIA 31:9

Pwoonei koriiryonu, ak amutune saautik: agoochini kobendat eng' ole neegit ainoosyek, eng' ooreet ne litit eng' ole ma kinachi: amu aa kwanda eng' Israel, ak taaitanyu Ephraim.

LUKA 10:20

Ago amoboiboitu amu ng'olyoondoni, amu kasok iit oik; ago oboiboitu amu siraatiin kainaikwok eng' kipsengwet.”

JOHANA 5:27

ak ki igoochi kimnateet koyai kirwooget, amu Weeriitap chii ineendet.

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

1 KORINTOEK 13:12

Amu nguno kegeere eng' kioit, eng' tamirmiron; ago tuun ko togoch eng' togoch: nguno angen eng' kebeberta; ago tuun anae ko uu ye kigenaa.

1 KORINTOEK 15:49

Ak ko uu ye ki kiip itoondap chiitap ng'ung'unyek, ko tuun ki ibe itoondap chiitap kipsengwet agine.

1 KORINTOEK 15:54

Ago ye tuun kagolaach niito nunei, ne manunei, ak ko kagolaach niito meei ne ma meei, kosulda anyun mwaet ne ki kisir keele, Kagelugui meet eng' kabelisyet.

2 KORINTOEK 5:8

amwae ale, kinyigoonen, ak kemache keele, kaigai kemande eng' poorto, ak ketebi kobooto Kiptaiyat.

EPESOEK 1:22

ak ki inde tuguuk tugul kogas iit eng' keldebesaigap keelyekyik, ak kogoochi ineendet koek metit eng' tuguuk tugul eng' kaniset,

NG'ATUTIK 21:17

Kanyool koyani kole weeriit ne oo weeriitap ne ma chamei ak kogochi ineendet kebeberwek aeng' eng' tugul che tinyei. Amu ineendet taunetap kimnateennyi chechiik tuguuk che nyoljin weeriit ne oo.

PILIPIK 4:3

Ee, asoomin aginye, kiboityot ne po iman kobooto, ale toret kobogoryosyechu, amu ki kiboisyei tugul eng' logoiywek che myach, kobooto Klement agine, ak chuun alak che ki kiboitiinik tugul, che mi kainaikwak bukuitap saboondo.

KOLOSAIK 1:12

ogoochini kongoi Kwanda, ne kiyaech keegu che nyoljin keyamde poroteetap che tiliileen eng' lapkeiyet;

KOLOSAIK 1:24

Abaibai anyun nguno eng' nyalilwogikyuk agobo okweek, ak anyiiti eng' komostanyu nooto ne rarunoot agobo nyalilwogigap Kristo eng' poortanyu agobo poortanyi, nooto kaniset;

1 TIMOTEO 3:5

(ago ngo ma nai chii ole poundoi koonnyi, koriiptoi ano kanisetap Kamuktaindet?)

HEBRANIK 11:4

Ki igoochi Abel Kamuktaindet eng' kayaneet tiseiywot ne myee kosiir ne po Kain, ne ki kibaoryanjine ineendet keele ki po imanda, ak kibaoryan Kamuktaindet agobo kagoochinoikyik: ak eng' nooto, agot nganda ki kome kota kong'alaali.

HEBRANIK 11:40

amu kisip kochobwech Kamuktaindet kiit ne myee kosiir, si ma ki yai koek che ititaatiin ama kimi.

HEBRANIK 2:12

kole, Amwachini kaineng'ung' tupchosyekyuk, Atyeni kalasuneng'ung' eng' kwenutap tuiyet.

HEBRANIK 9:27

Ak ko uu ye ki king'at agobo piik kobek konyil agenge, ak ye ibata niito koek kirwooget;

JAKOBO 1:18

Ki isichech eng' magennyi eng' ng'olyootap imanit, si kobiit keegu che tongoanigap yautikyik.

1 PETERO 2:23

ne ye ki ngeng'emji kuut, koma ng'em kuut; ye kingo nyalil, koma imuiso; ago ki igoochigei ineendet ne irwoochi eng' imanda:

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 14:4

Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet.

NG'ANG'UTYET 20:15

Ak ngot kenyoor chii age tugul ne ki ma kisirchi bukuitap saboondo, kewiirchin araraitap maat.

NG'ANG'UTYET 6:11

Ki kigoochi age tugul eng' icheek ngoryeet ne leel; ak keleenji kota komuuny ne matya, kot kosulda koitetap che otwogik kobooto icheek, ak tupchosyekwak, che tuun kibarei ko uu icheeget.

NG'ANG'UTYET 6:9

Ye kingo yaat ng'ookset ne po muut, ageer eng' kurereetap kaptisiisyo saboonwegap icheek che ki kibar amu ng'olyootap Kamuktaindet, ak paornateet ne ki tinyei.