HEBRANIK 12:22 - BUKUIT NE TILIIL Sireet ne Dutero Kanon

²² ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,

Bukuit Ne Tilil

²² ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,

BUKUIT NE TILIL

²² ago kaoit okwek tulwetab Sion, ak nganaset ne bo Jehovah ne sobei, Jerusalem ne bo kipsengwet, ak tuiyosiek che bo malaikaisiek che ma iitoksei,

HEBRANIK 12:22 ပူးပေါင်းရင်းမြစ်များ

2 LAITORINIK 19:4

Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”

TIENWOGIKAL 2:6

“Kande laitoryandennyu `Zion tulweennyu ne tiliil.”

TIENWOGIKAL 42:2

Amei saboondanyu melelda agobo Kamuktaindet, Kamuktaindet ne sabei. Auiyo ye anyoone tainnyi si ageer togeetap Kamuktaindet?

TIENWOGIKAL 48:2

Mi tulweetap Zion ole karaaran ak ole tagunoot niito poiboindap ng'wony komugul, tokyingei murot kaataam, nganaseetap Laitoryat ne oo.

TIENWOGIKAL 68:17

Karisyegap Kamuktaindet ko eliphuusyek tiptem, agot eliphuusyek ak eliphuusyek: Mi Kiptaiyat kwenunnywa, eng' Sinai, eng' Ole-Tiliil.

TIENWOGIKAL 84:2

Amei emo saboondanyu, ee, machei kotanui agobo seremusyegap Kamuktaindet ne Toroor; Tyenjin muguleldanyu ak poortanyu, Kamuktaindet ne sabei.

TIENWOGIKAL 87:3

Kimwaitaenen tuguugap teegisto, Ee inyee nganaseetap Kamuktaindet.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 14:32

Kiwoljin nee anyun piik che kiyooktoi, che po pororyet? Kele, “Kagolumda Kamuktaindet ne Toroor Zion, ak komwechi olooto piikyik che ki kius.”

ISAIAH 24:23

Ak kotoptoben arawet, ak kolilaan asiista; amu laitorani Kamuktaindet ne Toroor ne po lugoosyek eng' tulweetap Zion ak eng' Jerusalem, ak eng' taitap poisyekyik.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 28:16

mwaei anyun Kiptaiyat Kamuktaindet ne Toroor kole, Ogeero, andoi Zion koita koek lumeiywot, koita ne kigetyem, koita ne po kamanuutyet ne oo ne po luuita, lumeiywot ne kiim; ma igirgiri ne iyani.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 51:16

Ak kiande ng'aleekyuk kuting'ung', ak ki atugenen urwetap eunnyu, si kobiit amin kipsengwet, ak alume lumeiywegap ng'wony, ak aleenji Zion, ii pororyennyu.

ISAIAH 59:20

Ak konyo katyagindet Zion, ak konyonji icheek che po Jakobo che metoi pistoet, mwaei Kamuktaindet ne Toroor.

ISAIAH 60:14

Ak kobwonjin weeriigap icheeget che ki inyaliilin kong'uruugonu; ak kogutung'so eng' keldebesaigap keelyeguk icheek tugul che kisasin; ak koguurenen, Nganaseetap Kamuktaindet ne Toroor, Zion ne po Ineendet ne Tiliil ne po Israel.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

JEREMIA 17:25

pwoonei anyun oriit laitorinik ak pounik che tebee ng'echereetap laitornatet ne po Daudi, kobunu ormariichogap nganasani, kolong'onu kariisyek ak paraisisyek, icheeget ak pounikwak, piigap Judah, ak piik che menyei Jerusalem: ak kemeny nganasani agoi.

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

JOEL 2:32

Ak tuun kisaru age tugul ne kuurei kainetap Kamuktaindet ne Toroor: amu tuun miitei che chilildos eng' tulweetap Zion ak Jerusalem, ko uu ye ki komwa Kamuktaindet ne Toroor, ak tuun kuurei Kamuktaindet ne Toroor alak eng' icheek che ki ng'et.

MATAYO 16:16

Ki wol Simion Petero kole, “Ii Kristo, weeriitap Kamuktaindet ne sabei.”

MATAYO 5:35

anan agobo ng'wony, amu keldebesaigap keelyekyik; anan agobo Jerusalem, amu nganaseetap Laitoryat ne oo.

ROMANIK 11:26

ak uu nooto tuun kisaru Israel tugul: ko uu ye siraat kole, Tuun mang'une Zion Katyagindet; Ak koistoe Jakobo pistoet:

ROMANIK 9:26

“Ak eng' olooto ole ki kimwachine, keleenji, ‘Ma oo piikyuk,’ keguure eng' olooto weeriigap Kamuktaindet ne sabei.”

GALATYEK 4:26

Ago Jerusalem ne mi parak kotyagat, ne nooto ko kamennyo.

EPESOEK 2:19

Nooto anyun ma ko oo toek ak punootik ago oo piigap nganaseet agenge ak che tiliileen, ak che po kootap Kamuktaindet.

NG'ATUTIK 33:2

Ki toi komwa kole, “Ki nyo Kamuktaindet ne Toroor eng' Sinai, king'eet eng' Seir amu icheek. Ki iluu eng' tulweetap Paran, Ki nyo eng' tamanusyegap eliphusyegap che tiliileen: ki mi eunnyi ne po tai ng'atuutyet ne uu maat eng' icheek.

NG'ATUTIK 5:26

Chii ng'oo eng' piik tugul ne ki kas kutitap Kamuktaindet ne sabei kong'alaali eng' maat ko uu ye ki kigas ak kosap?

PILIPIK 3:20

Amu ki piigap kipsengwet: che kigeni Yetindet kobun olooto, Kiptaiyat Jeso Kristo:

1 THESSALONIKEK 1:9

Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,

2 TIMOTEO 4:18

Sarwo Kiptaiyat eng' poisyet age tugul ne ya, ak kosarwo agoi ait laitornatet ne po kipsengwet: nenyi toroornatet koigeny ak koigeny. Amen.

HEBRANIK 10:31

Kiit ne pichiy kot kibutyi eunegap Kamuktaindet ne sabei.

HEBRANIK 11:10

amu ki igeni nganaseet ne tinyei lumeiywek, ne Kamuktaindet teegindet ak ko yaindet.

HEBRANIK 11:16

Ago machei kot nguno emet ne karaaran kosiir nooto, nooto ko, ne po kipsengwet: nooto anyun ma keerei Kamuktaindet kalilanet agobo icheek keguure Kamuktaindet nenywa: amu Ki kochopchi icheek nganaseet.

HEBRANIK 13:14

Amu ma ki tinyei eng' yu nganaseet ne tebyei koigeny, ago kicheeng'e nin nyoonei.

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

JOSHUA 3:10

Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik.

JUDA 1:14

Ki maoten Enok agine, chiito ne po tisap kobooch Adam, koamdochi pichu kole, Ogeero, ki nyo Kiptaiyat kobooto piikyik che tiliileen eliphuusyek ng'iisyat,

NG'ANG'UTYET 14:1

Ki ageer, ak ogeero, tononi Aarwet eng' tulweetap Zion, ak komi kobooto `ineendet piik eliphuusyek pogol ak artam ak ang'wan, che tinyei kainennyi, ak kainetap Kwandanyi, che ki kisirchi togoochikwak.

NG'ANG'UTYET 21:10

Ak ki imuta eng' Kabuuset ne Tiliil agoi tulweet ne oo ak ko kooi, ak ki iboorwo nganaseet ne tiliil Jerusalem, kochoorugei eng' kipsengwet kobunu Kamuktaindet,

NG'ANG'UTYET 21:2

Ki ageer nganaseet ne tiliil, Jerusalem ne leel, kochoorugei eng' kipsengwet kobunu Kamuktaindet, ko kagechop ko uu murereet ne kagelelesonjinechi manong'otyondennyi.

NG'ANG'UTYET 22:19

Ak ngo nem chii age tugul ng'aleek eng' bukuitap maonatoni, konemu Kamuktaindet kebebertanyi eng' keetitap saboondo, ak eng' nganaseet ne tiliil, che ki kisirchi bukuini.

NG'ANG'UTYET 3:12

“Ineendet ne iterteeri, ayae koek toloita eng' Hekaluut ne po Kamuktaindet nenyu, ama komandoi saang' kogeny. Asirchini ineendet kainetap Kamuktaindet nenyu, ak kainetap nganaseetap Kamuktaindet nenyu, nooto Jerusalem ne leel, ne choorugei eng' kipsengwet kobunu Kamuktaindet nenyu, ak kainennyu ne leel.

NG'ANG'UTYET 7:2

Ak ki ageer malaikaiyat age kotogosta kobunei kong'asiis, kotinyei ng'ooksetap Kamuktaindet ne sabei. Ki mwachi ineendet eng' kutit ne oo malaikaisyek ang'wan che ki kigoochi kong'em ng'wony ak nyanjet