HEBRANIK 12:15 - BUKUIT NE TILIIL Sireet ne Dutero Kanon

¹⁵ ogeer si ma rartae chii myeeindap Kamuktaindet; si ma piit tigityotap ng'wanindo ak konyalilis, ak komurwon che chaang';

Bukuit Ne Tilil

¹⁵ ogeer si ma rartae chii myeeindap Kamuktaindet; si ma piit tigityotap ng'wanindo ak konyalilis, ak komurwon che chaang';

BUKUIT NE TILIL

¹⁵ ogeer si marartae chi mieindab Jehovah; si mabiit tigitiotab ng’wanindo ak konyalilis, ak komuruon che chang’;

HEBRANIK 12:15 ပူးပေါင်းရင်းမြစ်များ

1 LAITORINIK 14:16

Metoi ineendet Israel amu tengekwogigap Jeroboam, che ki yai ineendet, che ki ibeete Israel si koyai tengekto.”

KOMONG'U 32:21

Ki leenji `Musa Aron, “Nee ne kiyaun pichu kot iipchi icheek tengegi oo tee ni?”

KALEWANAIK 4:23

Riip muguleldang'ung' eng' kagiiletapkei tugul, amu yooto ko punu kong'igap peegap saboon.

ISAIAH 5:4

Nee ne kita ta keyaei ne siirei eng' mbareennyu ne po sabibuk, ne ma ayai? Amu nee anyun, ye kinga leen yiei sabibuk, koi sabibuk che yaacheen?

ISAIAH 5:7

Mbareetap sabibuk ne po Kamuktaindet ne Toroor ne po lugoosyek ko kootap Israel, ak keetinnyi ne iboiboi ineendet ko piigap Judah. Ki igen kirwooget, ago ki keer tumdaetap korotiik; ki igen imanda, ago ki kas riirek.

JEREMIA 2:21

Ago kiga amiinin inyee ko uu keetitap sabibuk ne lewenot, keswoot ne po iman. Kilya anyun si iwalage iegu keetit ne ya ne mangen?

LUKA 22:32

ago ki asaa agobo inyee, si ma pek kayaneng'ung': ak ye kaiwalage, igimit che otupche.

1 KORINTOEK 10:12

Nooto anyun ingoriipkei si ma ibut, ineendet ne ibwaati kole tononi.

1 KORINTOEK 13:8

Mararu chamyet agoi: ago ngo miitei maonatosyek, kotun igeesugei; ngo mi kutusweek che teerchiin, kotun siistos; ngo mi naet, kotun igeesugei.

1 KORINTOEK 15:33

Among' kiberberak: Ng'emei choronok che yaach atepto ne myee.

1 KORINTOEK 5:6

Ma karaaran kalasuneng'wong' pogei. Tos mongen ole igutu mermereek tutigin kererutyet komugul?

2 KORINTOEK 13:5

Osiaige okweegei, ngo mi eng' kayaneet; otyemge okweegei. Anan mongen okweegei ole miitei Jeso Kristo eng' okweek? Iyois ko oo eesyootin iman.

2 KORINTOEK 6:1

Kisoome acheek che keboisyei ak Kamuktaindet keele amotaach myeeindap Kamuktaindet puch

GALATYEK 2:13

Ak ki iberberisyei Yahudik alage ak icheek kobooto ineendet; kot kotito Barnaba agine eng' kaberberisyennywa.

GALATYEK 5:4

Kaotoiye ak Kristo, okweek che omache kiityok imanda eng' Ng'atuutyet; kaobutye eng' myeeindo.

EPESOEK 5:3

Ago ko uu ye nyoljin piik che tiliileen ko matong'alaale eng' kwenung'wong' sokseet, ak simdo tugul, anan kasetap myat;

NG'ATUTIK 29:18

Si ma piit chii eng' okweek mureno anan kwondo, anan kapchii, anan ooreet, ne mastoi muguleldanyi rani kobagaakta Kamuktaindet ne Toroor, Kamuktaindennyo kwo koot kanamonigap pororyosyechooto si ma piit eng' okweek tigityotap ng'wanindo ak ng'wonet.

NG'ATUTIK 32:32

Amu ketinnywa ne po sabibuk kobunu keetitap Sodom, ne punu mbareenigap Gomorah; murmuri piich sabibukwak, ak ko ng'woneen sabibukwak.

NG'ATUTIK 4:9

Riipkei anyun, ak iriip saboondang'ung' eng' kagiiletapkei, si meutye tuguuk che ki keer konyeguk ak si ma manda eng' muguleldang'ung' eng' peetuusyeguk tugul che po sabeeng'ung'; agoi ineet lagoguk tuguuchuuto ak mochogoroniguk.

KOLOSAIK 3:5

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik;

TITO 1:15

Tiliileen tuguuk tugul eng' icheek che tiliileen: ago ma mi kiy ne tiliil eng' icheeget che murwonen che ma iyanotin; ago murwonen nautikwak ak kabwaatutikwak.

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

HEBRANIK 4:1

Ongiywei anyun yo ta komi arorutyet ne keite kamuung'ennyi, si ma leen chii age tugul eng' okweek, mata anyooru.

HEBRANIK 4:11

Ongigiilgei anyun si keit kamuung'onooto, si ma ibut chii age tugul eng' kergeinooto po ngelelnateet.

HEBRANIK 6:11

Ak kimache miising' chii age tugul eng' okweek keele kobarta kagiilonooto pogei eng' nyiietap kamang'unet agoi kagesunet:

JOSHUA 6:18

Oriipkei okweeget eng' kiy ne itabaanat si ma ye kaotabaan, kota onam kogeny si oyai nganaseetap Israel koek ne chuboot ak koityi nyalil.

2 PETERO 1:10

Eng' nooto anyun che kitupche, ogiilgei miising' inne, oyai kuurseng'wong' ak leweneng'wong' kogiimit, amu ngot oyai tuguuchuuto koma koi obutye matiny.

2 PETERO 2:18

Amu, ye mwaei ng'aleek che koroomen che po lasetapkei, kochuutu eng' magutigap poorto, ak eng' mageet ne ya, piik che katoi kochililyo eng' icheek che mi eng' keniisyet:

2 PETERO 3:11

Amu tuun chotoos tuguuchuuto tugul ko uu niito, ko nyolu oegu piik che uu nee eng' atebeet ne tiliil ak kayweetap Kamuktaindet,

2 PETERO 3:14

Nooto anyun, chamanichu, amu ogeni tuguuchooto, ogiilgei si tuun kenyoorwok omi eng' kaalyeet ko motinye tisya amotinye leluut eng' tainnyi.

2 JOHANA 1:8

Oriipkei, si momete tuguuk che ki keyai, ago si onyooru melekto ne nyiitaat.