HEBRANIK 11:4 - BUKUIT NE TILIIL Sireet ne Dutero Kanon

⁴ Ki igoochi Abel Kamuktaindet eng' kayaneet tiseiywot ne myee kosiir ne po Kain, ne ki kibaoryanjine ineendet keele ki po imanda, ak kibaoryan Kamuktaindet agobo kagoochinoikyik: ak eng' nooto, agot nganda ki kome kota kong'alaali.

Bukuit Ne Tilil

⁴ Ki igoochi Abel Kamuktaindet eng' kayaneet tiseiywot ne myee kosiir ne po Kain, ne ki kibaoryanjine ineendet keele ki po imanda, ak kibaoryan Kamuktaindet agobo kagoochinoikyik: ak eng' nooto, agot nganda ki kome kota kong'alaali.

BUKUIT NE TILIL

⁴ Kiigochi Abil Jehovah eng’ kayanet tiseiywot ne mie kosiir ne bo Kaen, ne kigibaorianjine inendet kele ki bo imanda, ak kibaorian Jehovah agobo kagochinoikyik: ak eng’ noto, agot nganda kigome ko ta kong’alali.

HEBRANIK 11:4 ပူးပေါင်းရင်းမြစ်များ

TAUNET 4:10

koteebee Kamuktaindet koleenji, “Keyai nee inyee? Riirchino kong'etee ng'wony tuugeetap korotiigap tupcheng'ung'!

TAUNET 4:15

Ki ng'at anyun Kamuktaindet ne Toroor kole, “Age tugul ne parei Kain keyaakyin mugetuut konyil tisap.” Ak ki imaar anyun `Kamuktaindet ne Toroor Kain si ma par chii age tugul ne kanyoor.

TAUNET 4:25

Ak ye kingo testai komeng'iis Adam ak kwondonyi, kosich weeriit age ne kiguure Seth amu ki le, “Kagono Kamuktaindet iyoteet age koogeere Abel ne ki par Kain.”

TAUNET 4:8

Ki ng'alaalji `Kain ng'eetap kamet Abel. Ak ye kingo ta komi tuwai kewanin, kosetyi `Kain ng'eetap kam Abel ak kobar.

1 LAITORINIK 18:38

Kochoorgei anyun maatap Kamuktaindet ne Toroor, ak kobeel kagoochinet ne kibeelei, kogees, ak kweenik, koik, ng'ung'unyek ak kobeel peek che ki mi keriinget kobek.

Kitabuutap JOB 8:10

Tos ma ineetin ak komwaun, ak komwa ng'aleek che punu kaguiyennywa?

KALEWANAIK 15:8

Wechei `Kamuktaindet ne Toroor tiseiywotap kiptengeginik, ago poiboenji saaetap che po iman.

KALEWANAIK 21:27

Kiit ne kiwechei korosyotap kiptengeginik, kotam nee anyun ye ibu korosyondonooto kotinyei kabwaatutik che yaach.

ATEPTAP LAWIK 9:24

Ak ki mong' maat kobunu taitap Kamuktaindet ne Toroor, ak kobeel kagoochinet ne kibeelei ak mwanik eng' kaptisisyet. Ye kingo keer piik tugul, kowokyo eng' poiboiyet, ak kobutyo kot kotiiny togoochikwak ng'wony.

MATAYO 23:35

Ak tebee paragung'wong' korotiigap che po imanda tugul che kigetumda eng' ng'wony, kobooch korotiigap Abel ne ki po iman agoi korotiigap Zekariah weeriitap Barachiah, ne ki obar eng' kwenutap Hekaluut ak kaptisisyet.

LUKA 11:51

kobooch korotiigap Abel agoi korotiigap Zekariah, ne kime eng' kwenutap kaptisisyet ak Hekaluut: ee, amwaiwok ale, tuun kimage ibini.

TITO 1:16

Mwaei kole ingen Kamuktaindet; ago eesyoi ineendet eng' poisyonikwak, ki koek che kiwechei, ak che ma kase iit, ama tilei kiy eng' poisyet age tugul ne myee.

HEBRANIK 11:2

Amu ki kibaoryanjine nooto poisyek.

HEBRANIK 12:1

Nooto anyun, amu kiyiemenech pooldet ne oo ne po paorinik eng' komoswek tugul, ongeiste nyigiisindo age tugul, ak tengekto ne isip konamech, ak ongerwai eng' muitaet eng' kabeletapkei ne ki kinde tainnyo,

HEBRANIK 12:24

ak Jeso katuiyoindetap kayomiset ne leel, ak korotiigap iset, che ng'alaali ko myee kosiir che po Abel.

HEBRANIK 5:1

Amu tisiindet age tugul ne oo, ne ki kilewen eng' piik, kindoi agobo piik amu tuguuk che tokyingei Kamuktaindet, si kobiit kogoito kagoochinoik ak tiseiywek agobo tengekwogik:

HEBRANIK 9:22

Ak eng' Ng'atuutyet ko uu keele, kitiliili tuguuk tugul eng' korotiik, ak ngo ma mi tumdaetap korotiik koma mi nyoetap kaat.

2 PETERO 2:8

(amu ye ki menyei chiichooto po imanda kwenunnywa, kogeerei ak kogasei, kous muguleldanyi ne po imanda peetuut age tugul poisyosyegap ngelelnateet),

JUDA 1:11

Pwo eng' icheek! Amu ki isup ooreetap Kain, ak kogoochigei mastaetap Balaam komach melekto, ak kilusyo eng' ngelelnatetap Kora.