HEBRANIK 11:32 - BUKUIT NE TILIIL Sireet ne Dutero Kanon

³² Ara nee anyun age neta amwae? Amu mayama poroindo ngot amwa agobo Gideon, Barak, Samson, Jephtha; ak agobo Daudi ak Samuel ak maotik:

Bukuit Ne Tilil

³² Ara nee anyun age neta amwae? Amu mayama poroindo ngot amwa agobo Gideon, Barak, Samson, Jephtha; ak agobo Daudi ak Samuel ak maotik:

BUKUIT NE TILIL

³² Ara nee anyun age ne ta amwae? Amu mayama boroindo ngot amwa agobo Gideon, Barak, Samson, Jepta; ak agobo Daudi ak Samuel ak maotik:

HEBRANIK 11:32 ပူးပေါင်းရင်းမြစ်များ

TIENWOGIKAL 99:6

Musa ak Aron eng' tisiikyik, Ak Samuel kobooto icheeget che kuurei kainennyi; Ki kuur icheek Kamuktaindet ne Toroor ak ki wolji.

JEREMIA 15:1

Yeityo koleenjo anyun Kamuktaindet ne Toroor, agot nganda kiga tononso Musa ak Samuel eng' tainnyu, ko matokyingei kabwaatutikyuk pichu. Iste eng' tainnyu, koba.

MATAYO 5:12

Oboiboitu ak ogaaskei miising', amu oo melektang'wong' eng' kipsengwet; amu ki kiusaus ko uu nooto maotik che ki indounenok.

LUKA 13:28

Koek anyun riirek ak nyeetap kelek, ye tuun ogeer Abraham, ak Isak, ak Jakobo, ak maotik tugul, eng' laitornatetap Kamuktaindet, ak kewiirchok okweeget saang'.

LUKA 16:31

Ak ki leenji, “Ngot koma kas Musa ak maotik, koesyoi koyan agot chiito ne ng'eetei eng' che ki kobek.”

JOHANA 21:25

Ak mi kogeny tuguuk alak che chaang' che ki yai Jeso, che, nda kisirei age tugul, aleen ta mayamei ng'wony bukuisyek che kata kisirchin.

POISYONIGAP CHE KIYOKTOI 10:43

Paoryani maotik tugul agobo ineendet kole nyooru nyoetap kaat amu tengekwogikyik eng' kainennyi age tugul ne iyani ineendet.”

POISYONIGAP CHE KIYOKTOI 13:20

ak kingo pata tuguuchu kogoochi icheek kirwoogik agoi Samuel maotyot.

POISYONIGAP CHE KIYOKTOI 3:24

Ee, ak maotik tugul kobooch Samuel, ak icheek che ki pwanei let eng' ineendet, tugul che te che ki ng'alaal, ko ki mwa ak icheek agobo peetuusyechu.

ROMANIK 3:5

Ago ngot kogonyiti atebeennyo ne ma po imanda, imandap Kamuktaindet, kota kemwae nee anyun? Tos ma po imanda Kamuktaindet ne nyoonei eng' nereegek? (Ang'alaali ko uu piik.)

ROMANIK 4:1

Kimwae nee anyun agobo Abraham, kwandanyo, kinyoor nee eng' atebeetap poorto?

ROMANIK 6:1

Kimwae nee anyun? Ki testai ketebi eng' tengek, si kobiit kotesak myeeindo?

ROMANIK 7:7

Kimwae nee anyun? Tos tengek Ng'atuutyet? Achicha, ma uu nooto. Ago ki ma kota anae tengek nda ki ma ko eng' Ng'atuutyet: amu ki ma kota anai kasetap myat nda ki ma mwa Ng'atuutyet kole, “Amegase myat.”

JAKOBO 5:10

Tupchosyechu, obwaat maotik che ki ng'alaal eng' kainetap Kiptaiyat, koek karogutyetap nyalilda ak muitaet.

2 PETERO 1:21

Amu ma mi maonateet ne ki kobiit eng' mageetap chii: ago ki ng'alaaldos piik eng' Kamuktaindet, kondochin Kabuuset ne Tiliil.

2 PETERO 3:2

si obwaat ng'aleek che ki mwa maotik che tiliileen eng' tai, ak ng'atuutyetap Kiptaiyat ak ko Yetindet eng' piikwok che kiyooktoi:

KIRUOGIK 13:24

Ki sich kwonyooto weeriit ak koguuree kainennyi Samson. Ki eet lakweet ak ki iberuur `Kamuktaindet ne Toroor ineendet.

KIRUOGIK 15:20

Ki irwookyi `Samson Israel kenyiisyek tiptem eng' peetuusyegap Philistiik.

KIRUOGIK 4:1

Ki yai piigap Israel yaityet kogeny eng' taitap Kamuktaindet ne Toroor ye kingo kagome Ehud.

KIRUOGIK 6:1

Ki yai piigap Israel yaityet eng' taitap Kamuktaindet ne Toroor; ak ki inde `Kamuktaindet ne Toroor icheek eunegap Midian kenyiisyek tisap.

KIRUOGIK 6:11

Ki nyo malaikaiyatap Kamuktaindet ne Toroor ak kotebee keetitap alayet keel ne ki mi Ophrah, ne ki po Joash Abiesrindet. Kituei weeriinnyi Gideon nganuuk eng' ole kitue sabibuk, si kobiit kouny nganuchooto eng' Midianik.

KIRUOGIK 6:14

Ak kigusyi kong' `Kamuktaindet ne Toroor ineendet ak koleenji, “Ui eng' kimnatoning'ung', ak isaru Israel eng' eutap Midianik. Tos ma ayookten?”

1 SAMUEL 1:20

Ki manach anyun Hannah ak kosich weeriit. Kiguure kainennyi Samuel koleen, “Amu ki asoom ineendet eng' Kamuktaindet ne Toroor.”

1 SAMUEL 12:11

Ki iyook `Kamuktaindet ne Toroor Jeru-baal, Bedan, Jephta ak Samuel ak kosarwok eng' eunegap puunikwok eng' komosta age tugul ak ki omeng'iisye eng' kaalyeet.

1 SAMUEL 16:1

Ki mwachi `Kamuktaindet ne Toroor Samuel koleenji, “Iriirchini Saulo kot kotyanit, ko uu ye koaeesye ineendet koek laitoryat eng' Israel? Inde mwaita laleng'ung' konyi ak itau panda iwe. Ayooktoin iwe kap Jesse Bethlehemindet, amu kaalewenjigei laitoryat eng' weeriikyik.”

1 SAMUEL 16:13

Konem anyun Samuel lalet ne ki mi mwaita ak koiil ineendet eng' kwenutap tupchosyekyik. Ki nyoonji `Kabuusetap Kamuktaindet ne Toroor Daudi eng' kimnateet kobooch peetuunooto agoi. Kingo pata, kong'eet anyun Samuel ak kwo Ramah.

1 SAMUEL 17:45

Koleenji `Daudi Philistindonooto, “Kenyoonjo ak rotwetap chok, ng'otit ak ndirit, ago anyoonjinin eng' kainetap Kamuktaindet ne Toroor ne po lugoosyek, Kamuktaindetap lugosyegap Israel ne koireeny.

1 SAMUEL 2:11

Kingo pata, kwo Elkanah kaa eng' Ramah, ak kong'et lakweet koboisyechi Kamuktaindet ne Toroor eng' taitap tisiindet Eli.

1 SAMUEL 2:18

Nga ki lakwa Samuel, ko ki poisyei ineendet eng' taitap Kamuktaindet ne Toroor, kolaachi ephod ne po katanit.

1 SAMUEL 2:4

Ildos kwangogap piik che nyigoonen, ak kermenotin eng' kimnateet icheeget che ki kiinach.