HEBRANIK 11:12 - BUKUIT NE TILIIL Sireet ne Dutero Kanon

¹² nooto anyun ki kisich eng' agenge, ne kiga koigei ne ki kome, piik che chaang', ko uu kecheigap kipsengwet ak ng'aniek che mi ngeguutap nyanjet, che ma iitoksei.

Bukuit Ne Tilil

¹² nooto anyun ki kisich eng' agenge, ne kiga koigei ne ki kome, piik che chaang', ko uu kecheigap kipsengwet ak ng'aniek che mi ngeguutap nyanjet, che ma iitoksei.

BUKUIT NE TILIL

¹² noto anyun kigisich eng’ agenge, ne kiga koigei ne kigome, bik che chang’, ko u kecheikab kipsengwet ak ng’aniek che mi ngegutab nyanjet, che ma iitoksei.

HEBRANIK 11:12 ပူးပေါင်းရင်းမြစ်များ

TAUNET 15:5

Ki imaanda ineendet kwo saang' ak koleenji, “Kaigai keero, inyal parak kipsengwet, ak iit kecheik ngot imuuchi.” Ak ki testai koleenji, “Tuun ko tenitu chooto lagoguk.”

TAUNET 22:17

Eng' kaberuret aberuurin, ak eng' kayabet ayabi iyoteng'ung' kobarait kotenit kecheik che po kipsengwet, ak kotenit ng'aniek che po ngeguutap nyanjet. Tuun nyabani lagoguk kurgeetap puunikwak;

TAUNET 26:4

Abaroi iyoteng'ung' ko uu kecheik che po kipsengwet, ak agoochini iyoteng'ung' emotinwechu tugul. Ak kiberuuri pororyosyek tugul che po ng'wony eng' iyoteng'ung';

TAUNET 32:12

Ago ki imwa ile, ‘Ayaun ne myee iman, ak ayae iyoteng'ung' kochang'a ko uu ng'aniegap nyanjet che ma iitoksei amu chaang'.’ ”

2 SAMUEL 17:11

Ago arwoochi aleen, ingoyumjingei Israel tugul, kobooch Dan agoi Beer-sheba, kotenit ng'aniek che miitei ngeguutap araraita eng' chaang'indo, si iwe lugeet inyeendet.

1 LAITORINIK 4:20

Ki chaang' Judah ak Israel, ko uu ng'aniek che mi nyanjet eng' chaang'indo, ki amisyei icheek ak koeisei ak koboiboegei.

1 ATEPTAP PEETUUSYEK 27:23

Ago ki ma iit Daudi che po kenyiisyek tiptem ak koba ng'wony, amu ki kamwa Kamuktaindet ne Toroor kole atese Israel kotenit kecheigap kipsengwet.

NEEMIA 9:23

Kogeny, ko ki ites lagokwak kotenit kecheigap kipsengwet ak imutu icheek kobwa emonooto kiga ileenji kwanisyekwak koba konam kobunji.

KOMONG'U 32:13

Ibwaat Abraham, Isak, ak Israel, otwogiguk che ki iyasyechi inyegei, ileenji, ‘Abaroi iyoteng'wong' kotenit kecheigap kipsengwet ak agoochini iyoteng'wong' emoni komugul ne ki amwaiwok ak kobunji icheek koigeny.’ ”

ISAIAH 10:22

Agot nganda uu piiguk che po Israel ng'aniek che po nyanjet, koweeksei piik che ng'etu kityo eng' icheek. Kigeng'at kagesunet eng' icheek, ne ng'elyektoi eng' imanda.

ISAIAH 48:19

Kita tenitu ng'aniek iyoteng'ung', ak koigei lagoguk che kisiche, chaang'indap ng'aniek: ki ma kota ki istoi kainennyi anan keng'em eng' tainnyu.

JEREMIA 33:22

Ko uu ye ma kimuuchi kiit tuguuk che po kipsengwet, ama kimuuchi keger ng'aniegap nyanjet; atese anyun iyoteetap Daudi otwogindennyu, ak Lawiik, che poisyeiwo.

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

HABAKUK 1:9

Pwoonei tugul agobo koroomnateet; tokyin togoochikwak eng' kimnateet ko uu usoonetap kong'asiis; ak koyumi luulenik ko uu ng'aniek.

ROMANIK 9:27

Ak ki mwa Isaiah eng' kutit ne oo agobo Israel, kole, “Agot ngo koitetap piigap Israel ko tee ng'aniegap nyanjet, kesaru che ki ng'et;

NG'ATUTIK 1:10

Ki kotesaak `Kamuktaindet ne Toroor Kamuktaindeng'wong', ak oo sere rani ko uu kecheigap kipsengwet.

NG'ATUTIK 28:62

Si ong'etu che ng'ering' eng' che ki aechin chaang'indang'wong' ak kecheigap kipsengwet. Amu ki ma iepchi iit kutitap Kamuktaindet ne Toroor Kamuktaindeng'ung'.

JOSHUA 11:4

Ki pwa komong' anyun icheeget ak lugosyekwak tugul. King'iisyat icheek kobooto paraisisyekwak ak kariisyek ko uu ng'aniek che mi ngeguutap nyanjet eng' chaang'indo.

NG'ANG'UTYET 20:8

ak komong' koberber pororyosyek che miitei luukwek ang'wan che po ng'wony, Gog ak Magog, koyumji icheek lugeet; che tee koiitennywa ng'aniegap nyanjet.

KIRUOGIK 7:12

Kiga ruiyo Midianik, Amelegik ak piigap kong'asiis tugul eng' atebweet koigei chereng'enyinik eng' chaang'indo ak ki ma koitoksei, ki tee tambeesikwak ng'aniegap ngeguutap nyanjet eng' chaang'indo.

1 SAMUEL 12:5

Kowolji Samuel kole, “Paoryat Kamuktaindet ne Toroor agobo okweek, ak paoryat nenyi ne ki kiil eng' peetuuni, keele ma onyooru kiy eng' eunnyu.” Kowol piik kole, “Paoryat ineendet.”