HEBRANIK 10:30 - BUKUIT NE TILIIL Sireet ne Dutero Kanon

³⁰ Amu kingen ineendet ne ki komwa kole, “Nenyu yaaktaetap mugetuut, anee ne ayaaktoi.” Ak kogeny, “Tuun irwookyin `Kiptaiyat piikyik.”

Bukuit Ne Tilil

³⁰ Amu kingen ineendet ne ki komwa kole, “Nenyu yaaktaetap mugetuut, anee ne ayaaktoi.” Ak kogeny, “Tuun irwookyin `Kiptaiyat piikyik.”

BUKUIT NE TILIL

³⁰ Amu kingen inendet ne kigomwa kole, Nenyu yaaktaetab mugetut, ane ne ayaaktoi. Ak kogeny, Tun iruokyin Kiptaiyat bikyik.

HEBRANIK 10:30 ပူးပေါင်းရင်းမြစ်များ

TIENWOGIKAL 135:14

Amu irwooksechin `Kamuktaindet ne Toroor piikyik, ak koriiregei kiboitiinikyik.

TIENWOGIKAL 50:4

Kuurei `inee parak kipsengwet ak ng'wony, si kobiit korwookyi piikyik:

TIENWOGIKAL 94:1

Ee Kamuktaindet ne Toroor, inyee Kamuktaindet ne po yaaktaetap mugetuut, Iluu, inyee Kamuktaindet ne po yaaktaetap mugetuut.

TIENWOGIKAL 96:13

Eng' taitap Kamuktaindet ne Toroor, amu nyoonei: Amu nyoonei korwookyin ng'wony, Irwookyin ng'wony eng' imanda, Ak korwookyin piik eng' imandanyi.

TIENWOGIKAL 98:9

Eng' taitap Kamuktaindet ne Toroor, amu nyoonei korwookyin ng'wony: Tuun irwookyin ng'wony eng' imanda, Ak korwookyi piik eng' iman.

ISAIAH 59:17

Ak ki ilaach imanda ko uu karnetap tegeet, ak chepkulet ne po yetunet eng' metinnyi; ak ki ilaach ngoroigap yaaktaetap mugetuut, ak ki ilaach kagiiletapkei ko uu sambut.

ISAIAH 61:2

Si kobiit aamda kenyiit ne chamat eng' Kamuktaindet ne Toroor, ak peetuutap yaaktaetap mugetuut ne po Kamuktaindennyo; ak agaigai tugul che riirtos;

ISAIAH 63:4

Amu kimi muguleldanyu peetuutap yaaktaetap mugetuut, ak kagoit kenyiitap chechuuk che kityaachi.

EZEKIEL 18:30

Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

EZEKIEL 34:17

Ago ee okweek, akweennyu, mwaei Kiptaiyat Kamuktaindet ne Toroor kole: Ogeero, arwookyini artet eng' artet, kobooto mengichik ak kwesik.

ATEPTAP LAWIK 19:18

Ameyaakyi mugetuut anan isus ng'al agobo lagogap piiguk, ago cham chiitap kokweng'ung' ko uu ye ichamegei. Aa Kamuktaindet ne Toroor.

NAHUM 1:2

Kamuktaindet ne Toroor ko Kamuktaindet ne amei ng'etkong' ak koyaaktoi mugetuut; yaaktoi Kamuktaindet ne Toroor mugetuut ak tinyei nereek; yaakyin Kamuktaindet ne Toroor mugetuut puunikyik, ak kogonorchin puunikyik nereegek.

ROMANIK 12:19

Chamanichu, amoyaakte mugetuut, ago ogoochi poroindo nereegek: amu siraat kole, “Nenyu yaaktaetap mugetuut; ayaaktoi, mwaei Kiptaiyat.”

ROMANIK 13:4

amu ineendet ko kiboityotap Kamuktaindet eng' inyee, ne yaei ne myee. Ago ngiyai ne ya, iywei; amu ma ibooti rotwetap chok puch: amu ineendet ko kiboityotap Kamuktaindet, yaaktaindetap mugetuut agobo nereegek eng' ineendet ne yaei yaityo.

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

1 SAMUEL 25:26

Ara anyun kiptaiyandennyu, ko uu ye sabei Kamuktaindet ne Toroor ak ko uu ye sabei saboondang'ung', ak ko uu ye kietenen Kamuktaindet ne Toroor si metumde korotiik, si meyaaktochigei mugetuut eng' eung'ung', ko ingoigei puuniguk Nabal ak icheek che cheeng'jin yaityet kiptaiyandennyu.

1 SAMUEL 26:10

Yeityo kole `Daudi, “Ko uu ye sabei Kamuktaindet ne Toroor, kobarei `Kamuktaindet ne Toroor ineendet anan koityi peetuunnyi ne meei anan kwo lugeet kwo komechi olooto.