HEBRANIK 10:27 - BUKUIT NE TILIIL Sireet ne Dutero Kanon

²⁷ ago kagenet ne po kirwooget eng' kaiyweisyet, ak koroomnatetap maat ne igeesu puunik.

Bukuit Ne Tilil

²⁷ ago kagenet ne po kirwooget eng' kaiyweisyet, ak koroomnatetap maat ne igeesu puunik.

BUKUIT NE TILIL

²⁷ ago kagenet ne bo kiruoget eng’ kaiyweisiet, ak koromnatetab mat ne igesu bunik.

HEBRANIK 10:27 ပူးပေါင်းရင်းမြစ်များ

TIENWOGIKAL 21:9

Iwong'u icheek eng' maat ne ng'eteteni eng' peetuutap nereegeguk. Lugui `Kamuktaindet ne Toroor icheek eng' nyitatennyi, ak kobeel maat icheek kogees.

ISAIAH 26:11

Kasutok eung'ung' Kamuktaindet ne Toroor, ama keerei icheek. Ago keerei kagiileng'ung' pogei agobo piik ak kolilaanso. Ee, laldos puuniguk.

ISAIAH 33:14

Ki aragenso kiptengeginik che mi Zion; ki konam potanet che ma iywei Kamuktaindet. Mwaei icheek kole ng'oo eng' acheek ne imuuchi komeng'iis ak maat ne igeesu? Ng'oo eng' acheek ne imuuchi komeng'iis ak maat ne lalei koigeny?

JEREMIA 4:4

Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

EZEKIEL 36:5

mwaei anyun Kiptaiyat Kamuktaindet ne Toroor kole: Ki amwa iman eng' maatap ng'etkondanyu agobo pororyosyek che ng'etunotiin, ak agobo Edom tugul, che kiityigei emennyu kole kobunji eng' poiboiyetap mugulelwekwak tugul, eng' koroomnatetap saboondo, si kogoito keluul:

EZEKIEL 38:19

Amu kaamwa eng' ng'etkondanyu ak eng' maatap nereegekyuk, ale, Piitu iman potanet ne oo eng' peetuunooto eng' emetap Israel;

HOSEA 10:8

King'emei kogeny komoswek che torooreen che po Aben, tengektap Israel: piitos katook che toorei piich ak che rutei piich eng' kapkorosusyekwak; ak koleenji icheek tuloonook, otuchech ak koleenji tuloonook che mengeechen, oluuljech.

JOEL 2:30

Ak abarte kwang'utik eng' kipsengwet ak eng' ng'wony, korotiik ak maat ak tolochigap iyeto.

NAHUM 1:2

Kamuktaindet ne Toroor ko Kamuktaindet ne amei ng'etkong' ak koyaaktoi mugetuut; yaaktoi Kamuktaindet ne Toroor mugetuut ak tinyei nereek; yaakyin Kamuktaindet ne Toroor mugetuut puunikyik, ak kogonorchin puunikyik nereegek.

SEPANIA 1:18

Ama imuuchi fedhaisyekwak anan thahabusyekwak kosar icheek eng' peetuutap nereegegap Kamuktaindet ne Toroor; ago kibeelei emet komugul eng' maatap ng'etkondanyi: igeesu, ee, igeesu eng' kamuiset icheek tugul che menyei emet.

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

KAITOSYEK 16:35

Ki mong' maat anyun eng' Kamuktaindet ne Toroor ak ki peel pichooto pogol aeng' ak konom che ki igoitoi nyamdutik che kibeelei.

MATAYO 13:42

ak kowiirchi maat ne oo, ole tuun mi kateeiyet ak nyeetap kelek.

MATAYO 13:50

ak kowiirchi maat ne lalei, ole tuun mi kateeiyet ak nyeetap kelek.”

MATAYO 25:41

“Koleenji anyun icheek che mi murot kaataam, ‘Oba eng' ole ami, okweek che oo chubootiin, oba maat ne po koigeny ne kigechopchi chesawilyet ak malaikaisyekyik;

MATAYO 3:10

Agot nguno ko kagiting'e aiywet tigitigap keetiik; kiebei keetit age tugul ne ma iyei logoek che myach ak kewiirchi ma.

MATAYO 3:12

Tinyei eng' eunnyi keibennyi, ak kotiliili komyee rwanyut; ak koyumji nganuuk chogennyi, ak kobeele `meteteek maat ne ma imisoksei.”

MATAYO 8:29

Ak ogeero, kiwaach, kole, “Kiting'egei nee ak inyee, Weeriitap Kamuktaindet? Kenyo yu inyalilech kotom koit peetuut?”

LUKA 16:24

Ak ki ite kole, “Abba Abraham, rireena, ak iyoogu Lazaro, koting'e peek walitap mornennyi, si kotiswa ng'elyeptanyu, amu ami ng'wanindo miising' eng' mai lalei.”

LUKA 19:27

Ago omutu anyun puunichuchuk kobwa yu, che ma chamei aboi, si obar eng' tainnyu.’ ”

LUKA 21:26

ak kobek mugulelwegap piik amu kaiyweisyet, ak amu kagenisyetap tuguuk che pwaanjin ng'wony: amu kitumdumi kimnatosyegap kipsengwet.

LUKA 23:30

Yeityo kotoi icheek koleenji tuloonook, Oluuljech; ak koleenji tuloonook che mengech, Otuchech.

JOHANA 5:29

ak komong'; ng'eetyin saboondo che kiyaei ne myee; ak kong'eetyi kirwooget icheeget che kiyaei ne ya.”

NG'ATUTIK 32:43

“Oboiboitu okweek pororyosyek, kobooto piikyik: amu yaaktoi mugetuut che po korotiigap otwogikyik, yaakyin mugetuut puunikyik, Ak koyai kagaigaet agobo emennyi ak piikyik.”

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet:

HEBRANIK 12:29

amu Kamuktaindet nenyo ko maat ne igeesu.

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

HEBRANIK 9:27

Ak ko uu ye ki king'at agobo piik kobek konyil agenge, ak ye ibata niito koek kirwooget;

JAKOBO 5:3

Kagong'emogis thahabusyekwok ak fedhaisyekwok; ak tuun egu ng'emisyennywa paornateet eng' okweek, ak tuun amei poorwekwok ko uu maat. Kaogonorchigei mogornateet eng' peetuusyek che po let.

NG'ANG'UTYET 20:15

Ak ngot kenyoor chii age tugul ne ki ma kisirchi bukuitap saboondo, kewiirchin araraitap maat.

1 SAMUEL 2:25

Ngot koyachi chii chiito age tengek, korwookyin Kamuktaindet. Ago ngot koyachi chii tengek Kamuktaindet ne Toroor, ko ng'oo ne saaei agobo ineendet?” Ago ki ma kas ng'aleegap kwandanywa, amu kimachei Kamuktaindet ne Toroor kobar icheek.