HEBRANIK 10:26 - BUKUIT NE TILIIL Sireet ne Dutero Kanon

²⁶ Amu ngot kekwetyini keyae tengek ko kagetaach naetap imanit, koma kong'etu tiseiywot age kogeny, ne po tengekwogik,

Bukuit Ne Tilil

²⁶ Amu ngot kekwetyini keyae tengek ko kagetaach naetap imanit, koma kong'etu tiseiywot age kogeny, ne po tengekwogik,

BUKUIT NE TILIL

²⁶ Amu ngot kekwetyini keyae tengek ko kagetaach naetab imanit, ko ma kong’etu tiseiywot age kogeny, ne bo tengekwogik,

HEBRANIK 10:26 ပူးပေါင်းရင်းမြစ်များ

ATEPTAP LAWIK 4:13

“Ngo lel tuiyet komugul ne po Israel ak koung'ak lelutyonooto eng' taitap tuiyet, ak ngo ki yai icheek kiy age tugul ne ki ng'at Kamuktaindet ne Toroor kole amat oyai, ko kagonam icheek tengekto.

ATEPTAP LAWIK 4:2

“Mwachi piigap Israel leenjin, Chu ng'atuutik agobo ye kayai chii age tugul tengek ama eng' kwetyinet, eng' kiy age tugul ne ki ng'at Kamuktaindet ne Toroor kole amat oyai:

LUKA 12:47

Ak otwogindonooto, ne ki ingen mageetap kiptaiyandennyi, ama kochopkei, anan koyai ko uu magennyi, kebire pirutik che chaang';

JOHANA 13:17

Ngo nai tuguuchu, ko oboiboi ngo yai.

JOHANA 9:41

Koleenji Jeso, “Nda oo koryotiin okweek, ta motinye tengek; ago nguno omwae ole, ‘Kigeertoi’ nooto anyun, tebyei tengektong'wong'.”

NG'ATUTIK 17:12

Chii age tugul ne yae kiy eng' menoteet ak koeesyo kogas ng'aleegap tisiindet ne tononi koboisyei eng' taitap Kamuktaindet ne Toroor Kamuktaindeng'ung' anan kirwoogindet, komeei si iiste yaityet eng' Israel.

2 THESSALONIKEK 2:10

kobooto keniisyet tugul che ma po imanda agobo icheek che lustos; amu ma taach chamyetap imanit, si kobiit kesar.

1 TIMOTEO 1:13

nganda ki aa chii ne chubisyei eng' tai, ak ne usiisyei, ak ki aa kolgol: ago ki anyooru rireenetapkei, amu ki ayae ko mangen kotom ayan;

1 TIMOTEO 2:4

ne machei kole kesar piik tugul, ak konyoor naet ne po imanit.

JAKOBO 4:17

Eng' ineendet anyun, ne ingen koyai ne myee, ama yaei, ko tengekto eng' ineendet.

1 JOHANA 5:16

Ngot kogeer chii tupchennyi koyaei tengekto ne ma po meet, kosoom, si kogoochi Kamuktaindet saboondo agobo icheeget che kayai tengekto ne ma po meet. Mi tengekto ne po meet; ma mwaei ale kosoom agobo nooto.

1 SAMUEL 2:25

Ngot koyachi chii chiito age tengek, korwookyin Kamuktaindet. Ago ngot koyachi chii tengek Kamuktaindet ne Toroor, ko ng'oo ne saaei agobo ineendet?” Ago ki ma kas ng'aleegap kwandanywa, amu kimachei Kamuktaindet ne Toroor kobar icheek.