HABAKUK 3:18 - BUKUIT NE TILIIL Sireet ne Dutero Kanon

¹⁸ Aboiboitu kora eng' Kamuktaindet ne Toroor, Aboiboitu eng' Kiptaiyat Kamuktaindetap yetunennyu.

Bukuit Ne Tilil

¹⁸ Aboiboitu kora eng' Kamuktaindet ne Toroor, Aboiboitu eng' Kiptaiyat Kamuktaindetap yetunennyu.

BUKUIT NE TILIL

¹⁸ Aboiboitu kora eng’ Jehovah, Aboiboitu eng’ Kamuktaindetab yetunennyu.

HABAKUK 3:18 ပူးပေါင်းရင်းမြစ်များ

2 SAMUEL 6:15

Ki ibu anyun `Daudi ak koot tugul ne po Israel moingetap Kamuktaindet ne Toroor kotyenonu ak koguutonu iryagook.

Kitabuutap JOB 13:15

Agot ngo para, kota ageni ineendet: ago agimiiti ortinwekyuk eng' tainnyi.

TIENWOGIKAL 104:34

Ingochamagis kabwaatutikyuk eng' ineendet; agasigei eng' Kamuktaindet ne Toroor.

TIENWOGIKAL 149:2

Ingobaibait Israel eng' yaindennyi; ingogaskei lagogap Zion eng' Laitoryandennywa.

TIENWOGIKAL 25:5

Indoiywa eng' imaning'ung' ak ineeta, amu ii Kamuktaindetap yetunennyu; ageniin peetuut komugul.

TIENWOGIKAL 27:1

Kamuktaindet ne Toroor ko lapkeiyennyu ak yetunennyu; tos aiywei ng'oo? Kamuktaindet ne Toroor ko kimnateetap saboondanyu; aiywei ng'oo?

TIENWOGIKAL 33:1

Oboiboitu eng' Kamuktaindet ne Toroor, okweek che oo po imanda! Nyoljin kalasunet che po iman.

TIENWOGIKAL 85:6

Tos ma isoobech kogeny, si kobiit koboiboitunenen piiguk?

TIENWOGIKAL 97:12

Ogaaskei eng' Kamuktaindet ne Toroor okweek che oo po iman; Oweekyi kongoi kainennyi ne tiliil.

KOMONG'U 15:1

Ki tyen tyeni Musa kobooto piigap Israel kotyenji Kamuktaindet ne Toroor kole, “Atyenjini Kamuktaindet ne Toroor amu ki ibelis eng' kabelisyet ne toroor miising'. Ki wiirchi araraita paraisiit kobooto chiito ne kibunei.

KOMONG'U 15:2

Kamuktaindet ne Toroor ko kimnateennyu ak tyendanyu, ak yetunennyu. Niito Kamuktaindennyu ak alasu ineendet; Ineendet ko Kamuktaindet ne po abba, atoroori ineendet.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 41:16

Iruri, si koip usoonet, ak koyesta kipchurchuryet: ak ibaibaitu eng' Kamuktaindet ne Toroor, ilasunegei Ineendet ne Tiliil ne po Israel.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

JOEL 2:23

Ogaaskei anyun, okweek lagogap Zion, ak oboiboitu eng' Kamuktaindet ne Toroor Kamuktaindeng'wong': amu koonok ropta ne po tai ko uu ye nyolu, ak koonu ropta korobonjok, ropta ne po tai ak ne po let, ko uu eng' tai.

MIKAH 7:7

Ago amang'u anee Kamuktaindet ne Toroor; ageni Kiptaiyat Kamuktaindetap yetunennyu: kasa Kamuktaindennyu,

SEKARIA 10:7

Ak koigei icheek che po Ephraim chiito ne nyigan, ak koboiboitu mugulelwekwak ko uu che kaei divaik: ee, keerei lagokwok nooto, ak koboiboitu; igasegei mugulelwekwak eng' Kamuktaindet ne Toroor.

LUKA 2:30

amu kagogeer konyekyuk yetuneng'ung',

NG'ATUTIK 12:18

Ago iame tuguuchooto eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung' ak otwogeng'ung' ne muren ak ne tye ak Lawindet ne mi kurgotiguk. Ak ibaibaitu eng' taitap Kamuktaindet ne Toroor Kamuktaindeng'ung' eng' kiy age tugul ne iyae euneguk.

PILIPIK 4:4

Oboiboitu eng' Kiptaiyat kotugul: ak amwae kogeny ale, Oboiboitu.

JAKOBO 1:2

Tupchosyekyuk, oiit ole poiboiyet kityo ye konyooru yoomsosyek che teerchiin;

1 PETERO 1:8

ne ochame nganda tomo ogeer; ineendet ne nganda mogeere nguno, oyani, ko oboiboi miising' eng' poiboiyet ne ma mwaoksei ak ko nyiitaat toroornatet:

1 SAMUEL 2:1

Ak ki sa Hannah kole: “Igasegei muguleldanyu eng' Kamuktaindet ne Toroor, kagotesak kimnateennyu eng' Kamuktaindet ne Toroor. Arorechini puunikyuk, amu abaibai eng' yetuneng'ung'.