HABAKUK 3:13 - BUKUIT NE TILIIL Sireet ne Dutero Kanon

¹³ Ki imong'u agobo yetunetap piiguk, agobo yetunetap ne iilaat neng'ung'; Ki iguoten kandoindetap kootap kiptengeginik, ing'aanye lumeiywot agoi kaatit.

Bukuit Ne Tilil

¹³ Ki imong'u agobo yetunetap piiguk, agobo yetunetap ne iilaat neng'ung'; Ki iguoten kandoindetap kootap kiptengeginik, ing'aanye lumeiywot agoi kaatit.

BUKUIT NE TILIL

¹³ Kiimong’u agobo yetunetab biguk, Agobo yetunetab neng’ung’ ne iilat; Kiiguoten kandoindetab gotab kiptengeginik, Ing’anye lumeiywot agoi kaatit.

HABAKUK 3:13 ပူးပေါင်းရင်းမြစ်များ

2 SAMUEL 5:20

Ki it `Daudi Baal-perasim ak ki par icheek eng' yooto. Ki le, “Kagotui Kamuktaindet ne Toroor puunikyuk eng' tainnyu, ko uu mogoochek.” Kiguure anyun yooto Baal-perasim.

TIENWOGIKAL 105:15

kole, “Amat otwaa chechuuk che iilaatin, amoyachi ne ya maotikyuk.”

TIENWOGIKAL 105:26

Ki iyookto Musa kiboityondennyi, ak Aron ne kiga kolewen.

TIENWOGIKAL 110:6

Tuun irwookyin pororyosyek, inyiiti emotinwek muuswek. Tuun kwerei metowek eng' emotinwek che chaang'.

TIENWOGIKAL 137:7

Ibwaat, ee Kamuktaindet ne Toroor, kiit ne ki yai piigap Edom peetuut ye ki kiluule Jerusalem; che kileen, “Obut! Obut! Agot oldanyi ole tonone kooriik!”

TIENWOGIKAL 20:6

Angen nguno ale saru Kamuktaindet ne Toroor nenyi ne iilaat; woljin ineendet kobun kipsengwet nenyi tiliil eng' eunnyi ne po tai kogoochin katerteerisyosyek che eecheen.

TIENWOGIKAL 28:8

Kamuktaindet ne Toroor ko kimnateetap piikyik; ineendet irimeetap yetunetap nenyinet ne ki kiil.

TIENWOGIKAL 68:7

Ee Kamuktaindet, ye kinga imande indoe piiguk, Ye kiityegoti surkwen,

TIENWOGIKAL 77:20

Ki imut piiguk ko uu akweetap keechiirek, Eng' eutap Musa ak Aron.

TIENWOGIKAL 99:6

Musa ak Aron eng' tisiikyik, Ak Samuel kobooto icheeget che kuurei kainennyi; Ki kuur icheek Kamuktaindet ne Toroor ak ki wolji.

ISAIAH 63:11

Ki ibwaat anyun peetuusyek che po keny, Musa, ak piikyik, kole, Mi ano ineendet ne ki imut icheek kolong'une nyanjet kobooto mestoweek che po akweennyi? Mi ano ineendet ne ki inde Kabuusennyi ne Tiliil kwenunnywa,

ISAIAH 64:1

Kata myee ibet kipsengwet, ak ichooruge, si kobiit kobotanso tuloonook eng' taing'ung';

EZEKIEL 13:14

Abute anyun inaatut ne ki omale taartaarik che ma myachen, ak aluul kot kotook lumeiywekyik: ak kobut, ak kigeswok eng' kwenunnyi; si onai ole aa Kamuktaindet ne Toroor.

AMOS 9:1

Ki ageer Kiptaiyat kotonone ole neegitee kaptisisyet, ak ki le, kwer walisyegap tolochik kot kotumdumgei tugatugik, yeityo itonaton walisyechooto eng' metowegap piik tugul. Ak che ng'etu abare rotwetap chok, mamweei agot agenge eng' icheek, ama chilili agot agenge.

JOSHUA 10:11

Ye ki mwee eng' taitap Israel, ye kichoortaegei Beth-horon, kowiir `Kamuktaindet ne Toroor icheek eng' koik che eecheen che punu kipsengwet kot koit Aseka, ak ki pek icheek; ki chaang' che ki pek eng' koigap ropta kosiir che ki par piigap Israel eng' rotwetap chok.

JOSHUA 10:24

Kingo kagomut laitorinichooto kagomutyi Joshua, koguur `Joshua murenik tugul che po Israel ak komwachi pounigap lugeet che kigaba kobooto ineendet koleenji, “Obwa oriigu onde keelyekwok kaatwegap laitorinichu.” Kobwa anyun koriik ak konde keelyekwak kaatwegap pichooto.

JOSHUA 10:42

Ki nam `Joshua laitorinichooto tugul ak emotinwekwak eng' peetuusyechooto, amu ki yai Kamuktaindet ne Toroor, Kamuktaindetap Israel lugeet agobo Israel.

JOSHUA 11:12

Ki nam Joshua nganasook tugul che po laitorinichooto ak laitorinikwak tugul; ak kobar kooges icheek eng' rotwetap chok ko uu ye ki kang'at `Musa otwogindetap Kamuktaindet ne Toroor.

JOSHUA 11:8

Ak ki inde `Kamuktaindet ne Toroor icheek eunegap Israel, si kobar ak koon kot koit Sidon ne oo ak Misrepot-maim agoi atebweetap Mispe ole tokyingei kong'asiis. Ki par icheek kowong' kot koma ng'et agot agenge.