HABAKUK 2:19 - BUKUIT NE TILIIL Sireet ne Dutero Kanon

¹⁹ Pwo ineendet ne leenjin keetit, “Kosu!” Ak ne leenjin koita ne ma twegu, “Ng'eet!” Tos ineetisyei niito? Ogeero, ki kiliigee thahabu ak fedha, ama tinyei kabuset eng' kwenunnyi agot kitigin.

Bukuit Ne Tilil

¹⁹ Pwo ineendet ne leenjin keetit, “Kosu!” Ak ne leenjin koita ne ma twegu, “Ng'eet!” Tos ineetisyei niito? Ogeero, ki kiliigee thahabu ak fedha, ama tinyei kabuset eng' kwenunnyi agot kitigin.

BUKUIT NE TILIL

¹⁹ Bwa inendet ne lenjin ketit, Kosu; ak ne lenjin koita ne matwegu, Ng’eet! Tos inetisiei nito? Ogeero, kigiliige tahabu ak feda, ama tinyei kabuset eng’ kwenunnyi, agot kitigin.

HABAKUK 2:19 ပူးပေါင်းရင်းမြစ်များ

TIENWOGIKAL 135:15

Kanamonigap pororyosyek ko po fedha ak thahabu. poisyetap eunegap piik.

TIENWOGIKAL 135:17

Tinyei itiik, ago ma kastoi; ama mi kabuuset eng' kutusweekwak.

TIENWOGIKAL 97:7

Ingolilanso tugul che otei kanamonik che ki kiwai, Che lasegei tuguuk che ma tilei kiy: Ogutung'ji ineendet, okweek kamuktaik tugul.

ISAIAH 26:14

Ki kobek icheek, ma kosaptos; ki kobek, ma kong'eetos. Ki inyonji anyun ak ing'em icheek, ak ki igoochi kolus kabwaatet age tugul agobo icheek.

ISAIAH 40:19

Ichooti musogindet tuguuk si kobiit kowai kanamwet, ak koliige kitang'indetap thahabu kanamwonooto thahabu, ak kotang'ji sirimwegap fedha.

ISAIAH 41:26

Ng'oo ne ki komwa ng'olyoondoni kobooch taunet, si kobiit kenai? Ak ne kisip komwa, si kobiit kemwa keele, Po ineendet imanda? Ee, ma mi agot agenge ne mwaei, ee, ma mi agot agenge ne ibooru, ee, ma mi agot agenge ne kasei ng'aleekwok.

ISAIAH 44:17

ak koyae che ng'etu kamuktain, nooto kanamwennyi ne kiwaei: ibutyin ak kogutung'jin, ak kosaaei, kole, sarwo; amu ii kamuktaindennyu.

ISAIAH 46:6

Icheek che rong'u thahabu eng' lolet, ak kogere fedha ratilit, kosiirei kitang'indetap thahabu, ak koyae tuguuchooto kanamwet; ibutyin ng'wony icheek, ee, kutung'jin.

ISAIAH 57:6

Mi kebebertang'ung' koik che chaboen che po atebweet; chooto, chooto ko kebebertang'ung': ki iroong'ji icheek kagoochinet ne kieei, ki igoochi kagoochinet. Tos igoigoa tuguuchuuto?

JEREMIA 10:14

Kergeitu chiito age tugul ak tyondo ama tinyei naet. Ililani kitang'indet age tugul ne po thahabu eng' kanamwennyi ne ki kiwai. Amu lembeita kanamwennyi ne ki kitany, ama tinyei kabuset.

JEREMIA 10:3

Amu tangoita pitonwegap piik, ebei age keetit eng' timiin, ak chobei komyee musogindet aiywet koboisyee aiywet.

JEREMIA 10:4

Ki lelesonjine fedha ak thahabu; ki igiige kipchumarisyek si ma twagei.

JEREMIA 10:9

Miitei fedha che ki kitany kolebelitu che ki kiibune Tarsis, ak thahabu che punu Upas, nooto poisyetap musogindet ak po kitang'indetap thahabu; buluu ngoroikwak ak ko arusen ne piriir; poisyetap piik che ng'oomen chooto tugul.

JEREMIA 2:27

che leenjin subenet, “Ii abba.” Ak koleenji koita, “Ki isicha.” Amu ki kotuktocha patai, ama tokyagei. Ago mwaei eng' peetuutap nyalildanywa kole “Ng'eet ak isarwech!”

JEREMIA 2:28

Mi ano kanamonik, che ki iyachigei? Ingong'eetyo icheek, ngot komuuchi kosaruun eng' peetuusyegap nyalildang'ung'. Amu ko uu ole tee koitetap nganasoguk, ko uu nooto kanamoniguk, ee Judah.

JEREMIA 51:17

Kergeitu chiito age tugul ak tyondo ne ma tinyei naet; ililane kitang'indet age tugul ne po thahabu kanamwennyi ne ki kiwai: amu lembeita kanamwennyi ne ki kitany, ama tinyei kabuset.

JEREMIA 51:47

Ogeero, pwoonei anyun peetuusyek che tuun arwookyini kanamonik che ki kiwai che po Babilon, ak kolilaan emonooto komugul; ak kobutyo eng' kwenunnyi piikyik tugul che ki kibar.

JONAH 1:5

Ki iyweis anyun kiboitinigap meeliit, ak koriirchi chii age tugul kamuktaindennyi. Ki wiirchi nyanjet tuguuk che ki mi moinget, kole kowisisiit. Ago kiga kwo Jona komoswek che po oriit miising' che po meeliit; ak ki ru, konuuch.

POISYONIGAP CHE KIYOKTOI 17:29

Ngo ki lagogap Kamuktaindet anyun, ko manyoljech kibwaat keele kergei Kamuktaindet ak thahabu, anan fedha, anan koita, che ki kiyai eng' musoknateet ak eng' ng'omnatetap piik.

NG'ANG'UTYET 17:4

Ak ki ilaachi kobogoryot ngoroik che arusen ne piriir ak che piriireen, ak ki kilelesanjine thahabu ak koik che po kamanuutyet ne oo miising' ak sonoek che korooron, ak kotinyei eng' eunnyi kigombet ne po thahabu ne nyiitaat tuguuk che kiwechei, tuguugap simdo che po soksennyi,