HABAKUK 2:18 - BUKUIT NE TILIIL Sireet ne Dutero Kanon

¹⁸ Tilei nee kanamwet ne ki kiwai, kot koyai musogindet; ak tilei nee kanamwet ne kitanyi, ak kaneetindetap lembechek, kot koomang' kitang'indet ne yaei, kot kotany kanamonik che ma twegu?

Bukuit Ne Tilil

¹⁸ Tilei nee kanamwet ne ki kiwai, kot koyai musogindet; ak tilei nee kanamwet ne kitanyi, ak kaneetindetap lembechek, kot koomang' kitang'indet ne yaei, kot kotany kanamonik che ma twegu?

BUKUIT NE TILIL

¹⁸ Tilei nee kanamwet ne kigiwai, kot koyai musogindet; ak tilei nee kanamwet ne kitanyi, ak konetindetab lembechek, kot komang’ kitang’indet ne yaei, kot kotany kanamonik che matwegu?

HABAKUK 2:18 ပူးပေါင်းရင်းမြစ်များ

TIENWOGIKAL 97:7

Ingolilanso tugul che otei kanamonik che ki kiwai, Che lasegei tuguuk che ma tilei kiy: Ogutung'ji ineendet, okweek kamuktaik tugul.

ISAIAH 1:31

Ak koigei che kiimeen katanisyek che arurendos, ak koigei poisyennyi maat ne iteri; ak kolalyo tuwai, ama piitu ne imisi.

ISAIAH 37:38

Ak ye kita kosaaei eng' kootap Nisrok kanamwennyi, kobar ineendet weeriikyik Adramelek ak Sareser eng' rotwetap chok: ak komwei koba emetap Ararat. Ak ki laitoran Esarhaddon weeriinnyi kogeer ineendet.

ISAIAH 40:19

Ichooti musogindet tuguuk si kobiit kowai kanamwet, ak koliige kitang'indetap thahabu kanamwonooto thahabu, ak kotang'ji sirimwegap fedha.

ISAIAH 41:26

Ng'oo ne ki komwa ng'olyoondoni kobooch taunet, si kobiit kenai? Ak ne kisip komwa, si kobiit kemwa keele, Po ineendet imanda? Ee, ma mi agot agenge ne mwaei, ee, ma mi agot agenge ne ibooru, ee, ma mi agot agenge ne kasei ng'aleekwok.

ISAIAH 42:17

Kiweektoi icheek koba let, ak kolilaanso miising', che imang'u kanamonik che ki kiwai, che leenjin kanamonik che ki kitany, Oo kamuktaikyok.

ISAIAH 44:12

Itanyi kitang'indet aiywet, ak koboisyee nesek, ak kotang'e kiriswet, ak koboisyee eunnyi ne kiim: ee, amei rubeet, ak petei kimnateennyi; ma eei peek, ak kotanui.

ISAIAH 45:16

Ililandos, ee, toptobendos icheek tugul; toitos tugul che yaei kanamonik.

ISAIAH 45:20

Oyumgei obwa; oriigu tugul, okweek che ki ochilile pororyosyek: ma tinyei naet icheek che ibei keetitap kanamwennywa ne ki kiwai, ak kosaaei kamuktain ne ma imuuchi kosar.

JEREMIA 10:8

Ago uu icheek tugul tyong'ik ak ko abusotiin kaneetisyet ne kineeti kanamonik, ko uu ye kineeti ketin.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 2:8

Ma teep tisiik kole, mi ano Kamuktaindet ne Toroor?” Ma naa icheek che tinyei ng'atuutik. Ki ingelelja pounik ak icheek, ak ki maotensee maotik Baal, ak kobendatee tuguuk che ma ki nyoorunee kelunet.

JEREMIA 50:2

Omwaite eng' pororyosyek ak obarte, ak onamji parak songolyet; obarte, amouny: ole, Kageluul Babilon, kagigoochi Bel kolilaan, kagoaragen Merodak; kagigoochi kanamonikyik kolilaanso, kagoaragenso kanamonikyik.

JEREMIA 51:17

Kergeitu chiito age tugul ak tyondo ne ma tinyei naet; ililane kitang'indet age tugul ne po thahabu kanamwennyi ne ki kiwai: amu lembeita kanamwennyi ne ki kitany, ama tinyei kabuset.

AMOS 2:4

Mwaei Kamuktaindet ne Toroor ko uu ni: Amu pistaosyekyik somok, ee agot ang'wan, ko ma aweechi pireet ne abire Judah amu kogoesyo ng'atuutigap Kamuktaindet ne Toroor, ama riip kayomisutikyik. Kigogoochi icheek lembechek che ki isubi kong'etee kwanisyekwak komaasta.

JONAH 2:8

Icheek che isubi atebosyek che ma nyolu che po lembech, ko istoegei rireenennywa pogei.

SEKARIA 10:2

Amu ki komwa terapik tangoita, ak ki kogeer piik che ng'oorsei lembechek, ak ki komwa icheek karwotitaosyek che po lembech, igoigoisyei puch; pendoti ko uu keechiirek, kinyaliili amu ma tinyei mestowot.

ROMANIK 6:21

Ki otinye logoek nee eng' peetuusyechooto eng' tuguuk che olilane nguno? Amu kagesunetap tuguuchooto ko meet.

1 KORINTOEK 12:2

Ongen ole kingo ta ko oo Pororyosyek, ko ki kiretook obe ye mi kanamonichooto che ma twegu, ko uu ye ki kindoiywok.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.

KIRUOGIK 17:4

Ak ye ki weekyi kamennyi fedhaisyechooto, konam kamet pogol aeng' ak kogoochi kitang'indet ne ki yai kanamwet ne kiwaei ak ne kitaanyi eng' fedhaisyechooto, ak ki tebee tuguuchooto kootap Mikah.

1 SAMUEL 12:21

Momaste osup tuguugap puch che ma imuuchi kotoret kiy anan kosar amu puch.