GALATYEK 5:19 - BUKUIT NE TILIIL Sireet ne Dutero Kanon

¹⁹ Taagunotiin anyun poisyonik che po poorto, chooto ko chu: sokseet, simdo, mageet ne ya agobo tuguuk che yaach,

Bukuit Ne Tilil

¹⁹ Taagunotiin anyun poisyonik che po poorto, chooto ko chu: sokseet, simdo, mageet ne ya agobo tuguuk che yaach,

BUKUIT NE TILIL

¹⁹ Toogunotin anyun boisionik che bo borto, choto ko chu: sokset, simdo, maget ne ya agobo tuguk che yaach,

GALATYEK 5:19 ပူးပေါင်းရင်းမြစ်များ

TIENWOGIKAL 17:4

Ago eng' poisyonigap piik, ko ki ariipkei amu ng'olyoot ne punu kuting'ung', si masup ortinwegap rebiik.

JOHANA 3:6

Ne ki kisich eng' poorto ko poorto; ak ne ki kisich eng' Kabuuset ne Tiliil ko kabuuset.

ROMANIK 7:18

Amu angen ale eng' anee, nooto ko eng' poortanyu, koma menyei kiy ne myee: amu mi chameet kobooto, ago ale ayai nooto myee, koma yae.

ROMANIK 7:25

Amwachini Kamuktaindet kongoi eng' Jeso Kristo Kiptaiyandennyo. Nooto anyun, aoote eng' ng'omnatennyu ng'atuutyetap Kamuktaindet, ago eng' poorto aoote ng'atuutigap tengekto.

ROMANIK 7:5

Amu ye kingota kemi eng' poorto ko ki poisyei maguutik che po tengek eng' kebeberwegap poorwekyok, che kimi amu Ng'atuutyet, si koiiyo logoek che ityin meet.

ROMANIK 8:13

amu ngo subi poorto, obegu matiny; ago ngo par eng' Kabuuset ne Tiliil poisyonigap poorto, osaptosi.

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

ROMANIK 8:5

Amu icheek che isubi poorto kogereeri met agobo tuguugap poorto; ago icheek che isubi Kabuuset ne Tiliil kogereeri met agobo tuguugap Kabuuset ne Tiliil.

ROMANIK 8:9

Ago ma omi eng' poorto ago eng' Kabuuset ne Tiliil, ngo menyok Kabuusetap Kamuktaindet. Ago ngo ma tinyei chii Kabuusetap Kristo koma nenyi.

1 KORINTOEK 3:3

amu ta omi eng' atebeetap poorto: amu ko uu ye mi kwenung'wong' ng'etkonda ak pooryeet, tos ma mi eng' atebeetap poorto, ak obendoti ko uu piteetap piik?

1 KORINTOEK 6:18

Omwee ibeetapkei. Tengek age tugul ne yaei chii komiitei saang'utap poorto; ago ineendet ne yaei ibeetapkei koyachin poortanyi tengekto.

GALATYEK 5:13

Amu okweek che kitupche, ko ki kiguurchok katyaget; ago moboisyee katyageng'wong' koek poroindo ne po poorto, ago oboisyechigei okweegei eng' okweegei eng' chamyet.

GALATYEK 5:17

Amu machei poorto miising' kogirinda Kabuuset ne Tiliil, ak machei Kabuuset ne Tiliil kogirinda poorto; amu kirindogei chuuto tuwai; si moyai tuguuk che omache.

GALATYEK 6:8

Amu ineendet ne koljin poortanyi kotun kesei eng' poorto ng'emisyet; ago ineendet ne koljin Kabuuset ne Tiliil kotun kesei eng' Kabuuset ne Tiliil saboondo ne po koigeny.

TITO 3:3

Amu ki kiberberen agacheek keny, ki ma kegase iit, ki kiberberech, keote maguutik che teerchiin ak ureryosyek, ketebye eng' yaityet ak ng'etkong', ki kiche kiwechei ak kewechegei.

HEBRANIK 13:4

Ingogonyit tugul katunisyet, amat koek itoogut ne tinyei simdo: amu tuun irwookyin Kamuktaindet che soksei ak che ibegei.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.