EZRAH 8:18 - BUKUIT NE TILIIL Sireet ne Dutero Kanon

¹⁸ Amu kimi kobootech euut ne myee ne po Kamuktaindennyo, komutwech chiito ne tinyei naet, ne po weeriigap Mali, weeriitap Lawi, weeriitap Israel ak Serebia, kobooto weeriikyik ak tupchosyekyik taman ak sisiit,

Bukuit Ne Tilil

¹⁸ Amu kimi kobootech euut ne myee ne po Kamuktaindennyo, komutwech chiito ne tinyei naet, ne po weeriigap Mali, weeriitap Lawi, weeriitap Israel ak Serebia, kobooto weeriikyik ak tupchosyekyik taman ak sisiit,

BUKUIT NE TILIL

¹⁸ Ak ko u ye kimi kobotech eut ne mie ne bo Kamuktaindennyo, komutwech chito ne tinyei naet, ne bo werikab Mali, weritab Lawi, weritab Israel; ak Serebia, koboto werikyik ak tupchosiekyik, taman ak sisiit;

EZRAH 8:18 ပူးပေါင်းရင်းမြစ်များ

1 ATEPTAP PEETUUSYEK 6:1

Weeriigap Lawi ko ki: Gerson, Kohat, ak Merari.

1 ATEPTAP PEETUUSYEK 6:19

Weeriigap Merari ko ki: Mali ak Musi. Chu ortinwegap Lawiik kobee kooriigap kwanisyekwak.

1 ATEPTAP PEETUUSYEK 6:4

Ki sich `Eleazar Phineas, ki sich `Phineas Abisua,

2 ATEPTAP PEETUUSYEK 30:22

Kicheer anyun `Hezekiah Lawiik tugul che ki ineetatin eng' otisyetap Kamuktaindet ne Toroor. Koamis anyun eng' igoorto tugul eng' peetuusyek tisap, kogoitoi tiseiywek che po kaalyeet, ak komwachin kongoi Kamuktaindet ne Toroor, Kamuktaindetap kwanisyekwak.

EZRAH 7:28

ne kigoiitwa ak anee rireenet eng' taitap laitoryat ak kirwoogikyik ak eng' taitap pounik tugul che kiimeen che po laitoryat. Ak ki anyiganitu amu ki mi kobooto eutap Kamuktaindet ne Toroor Kamuktaindennyu ak kiayum eng' Israel piik che taagunotiin ketogoste tugul.

EZRAH 7:6

Ki togosta anyun Ezrah niito eng' Babilon. Ki siriindet ne ng'oom eng' ng'atuutigap Musa che kiga kogoochi Kamuktaindet ne Toroor, Kamuktaindetap Israel. Ki chamji laitoryat soomennyi tugul, ko uu ye kimi eutap Kamuktaindet ne Toroor Kamuktaindennyi paragunnyi.

EZRAH 7:9

Ki katoi kotogos eng' Babilon eng' peetuut ne po tai ne po arawet ne po tai ak eng' peetuut ne po tai ne po arawetap muut, koit Jerusalem ko uu ye ki mi ak ineendet euut ne myee ne po Kamuktaindennyi.

EZRAH 8:16

Ki ayookte anyun keguur Elieser, Ariel, Semaiah, Elnatan, Jarib, Elnatan, Nathan, Zekariah ak Mesulam, piik che eecheen, kobooto Joiarib ak Elnatan, che ki kaneetik,

EZRAH 8:19

ak Hasabia ak ki mi kobooto ineendet Jesaia ne po weeriigap Merari tupchosyekyik ak weeriikwak, tiptem.

EZRAH 8:22

Amu ki alilan asoom laitoryat kweanet ne po kiplugotinik ak piik che ketei paraisisyek si kotoretech kegirindee puunik che mi ooreet. Amu kiga kemwachi laitoryat keleenji, “Mi eutap Kamuktaindennyo kobooto icheek tugul che cheeng'ei ineendet, koyachi ne myee, ago kirindoi kimnateennyi ak nereeknatennyi piik tugul che metoi ineendet.”

EZRAH 8:24

Ki atabaan anyun taman ak aeng' che eecheen eng' tisiik, icheeget ko ki Serebia ak Hasabia ak ki mi kobooto icheek tamanu eng' tupchosyekwak,

NEEMIA 10:12

Sakur, Serebia, Sebania,

NEEMIA 12:24

Ki che eecheen che po Lawiik ko ki Hasabia, Serebia ak Jeshua weeriitap Kadmiel kobooto tupchosyekwak che kitokyindos ak icheeget, si kolas ak komwaei kongoi, kowaljingei ko uu eng' ng'atuutyetap Daudi chiitap Kamuktaindet.

NEEMIA 2:8

Ingogoono parweet ne kisirchin Asaph riibindetap timdap laitoryat, si kogoono keetiik ayae pagoinigap kurgotik che po irimeet ne ki namgei ak koot, che po irimeetap nganaseet ak che po koot ne awendi.” Ki koono laitoryat ko uu nooto, amu kimi euut ne myee ne po Kamuktaindennyu kobooto.

NEEMIA 8:7

Kitooret piik koguiyo Ng'atuutik Lawiik: Jeshua, Bani, Serebia, Jamin, Akub, Sabetai, Hodia, Maaseia, Kelita, Azariah, Josabad, Hanan, Pelaiah, ak kitononso piik eng' komostanywa.

KALEWANAIK 24:3

Kiteege koot utaatyet, ak ki kimite kaguiyet;

KALEWANAIK 3:6

Ng'aany ineendet eng' ortinweguk tugul, si kolitiitu ortinweguk.

JEREMIA 3:15

Agoonok mestoweek che chamei muguleldanyu, che paok eng' naet ak kaguiyet.

KAITOSYEK 3:20

Weeriigap Merari ko uu ortinwekwak ko ki: Mali ak Musi. Chuuto ortinwegap Lawiik ko uu kooriigap kwanisyekwak.

1 KORINTOEK 14:20

Che kitupche, amoegu lagok eng' ng'omnateet: ago oegu lagok che nyerootiin eng' yaityo, ago oegu che kaoeegitu eng' ng'omnateet.