EZRAH 4:20 - BUKUIT NE TILIIL Sireet ne Dutero Kanon

²⁰ Ki miitei kogeny laitorinik che ki kiimeen che ki pou Jerusalem che ki pou emet tugul ne mi aineet pitoniin ak ki kigoochin konunoik, kodi, ak aisuruutap tuguuk.

Bukuit Ne Tilil

²⁰ Ki miitei kogeny laitorinik che ki kiimeen che ki pou Jerusalem che ki pou emet tugul ne mi aineet pitoniin ak ki kigoochin konunoik, kodi, ak aisuruutap tuguuk.

BUKUIT NE TILIL

²⁰ Kimitei kogeny laitorinik che ki kimen che kibou Jerusalem, che kibou emet tugul ne mi ainet bitonin; ak kigigochin kodi, ak aisurut, ak aisurutab tuguk.

EZRAH 4:20 ပူးပေါင်းရင်းမြစ်များ

TAUNET 15:18

Eng' peetuunooto, ko ki iyomiskei Kamuktaindet ne Toroor ak Abram, kole, “Kaagoochi iyoteng'ung' emoni, kong'etee aineetap Misiri agoi aineet ne oo, aineetap Yufrets,

1 LAITORINIK 4:21

Ki laitorane Solomon laitornatosyek tugul kobooch aineet agoi emetap Philistik, agoi kiwotetap Misiri. Ki ibu kagoochinoik, ak kootei Solomon eng' peetuusyek tugul che po sabeennyi.

1 LAITORINIK 4:24

Amu ki pou kooret tugul ne po aineet Yufrets, Tiphsah agoi Gaza, kiboi laitorinik tugul che mi aineet komosi. Ki chamdos ak piik che ki mi komoswekyik tugul.

1 LAITORINIK 5:1

Ki iyookto Hiram laitoryatap Tyro otwogikyik koba kap Solomon, ye kingo kagogas keele ki kiil ineendet koek laitoryat kogeer kwandanyi ak amu ki chamei Hiram Daudi eng' peetuusyek tugul.

1 LAITORINIK 5:4

Ago nguno ko kogogoono Kamuktaindet ne Toroor Kamuktaindennyu kamuung'et eng' komosta age tugul; ma mi puunyoot anan ko kiy ne ya ne piitu.

1 ATEPTAP PEETUUSYEK 18:13

Ki inde riibiik Edom, ak ki ek Edomik tugul otwogigap Daudi. Ki igoch Kamuktaindet ne Toroor Daudi katerteeret eng' komosta age tugul ne ki wo.

1 ATEPTAP PEETUUSYEK 18:3

Ne siire nooto kogibar Daudi Hadareser laitoryatap Soba eng' Hamath, ye kingo wendi kogimiti pounatennyi eng' ole neegitee aineetap Yufrets.

1 ATEPTAP PEETUUSYEK 18:6

Ki inde anyun Daudi riibiik Syria ne po Damasko, ki ek piigap Syria otwogigap Daudi, ak ki ip kagoochinoik. Ki igoochi Kamuktaindet ne Toroor Daudi katerteeret eng' komosta age tugul ne ki wo.

1 ATEPTAP PEETUUSYEK 19:19

Kingo keer otwogigap Hadareser kole kagiterter icheek eng' taitap Israel, koyai kaalyeet ak Daudi ak koot ineendet. Ara mata kocham piigap Syria kotoret lagogap Ammon kogeny agoi.

2 ATEPTAP PEETUUSYEK 17:11

Ki ipchi Philistiik alak Jehoshaphat kagoochinoik ak fedha koek aisuruut, kigetyi Arabuuk ak icheek akwotisyegap keechiirek, mengichik eliphuusyek tisap ak pogol tisap, ak kwesik eliphuusyek tisap ak pogol tisap.

2 ATEPTAP PEETUUSYEK 9:14

ama pooto che ki ibu piik che aldooti ak che ki ibu chemung'arainik, ak ki ip laitorinik tugul che po Arabia ak pounigap emet, thahabu ak fedha, koipchi Solomon.

EZRAH 4:13

Ingonaak nguno eng' laitoryat kole ngot koteech nganasani ak kogees irimoikyik, koma kogoitoi konunoik, kodi, anan aisuruutap tuguuk alak tugul ak eng' let, kong'em mogornateetap pounatet.

EZRAH 4:16

Kiboorchini anyun laitoryat keleenjini, ngot keteech nganasani ak kigees irimoik, kobooru nooto kole, ma itinye kebeberta eng' aineet pitoni.”

EZRAH 4:19

Koang'at ak kogecheeng', ak koginyoor keele kobooch keny ko ki kongelelji `nganasaniito laitorinik ak ki kobiitune ngelelnateet ak chaamset.

EZRAH 4:21

Ong'at anyun kiit ne igoochin pichooto kosiisyo, si mata koteech nganasani agoi tuun ang'at.

EZRAH 7:24

Kiboorwok kogeny keele, ma chamdaat eng' ng'atuutik kogoito kodi anan aisuruut anan ko aisuruut ne po tuguuk, age tugul eng' tisiik, Lawiik, tyeniik, riibiigap kurgotik ak otwogigap Hekaluut anan ko otwogigap kootap Kamuktaindet.

TIENWOGIKAL 72:8

Laitorani ineendet kobooch nyanjet agoi nyanjet age, Ak kobooch aineet agoi ole poochin ng'wony.

RIREKAB JEREMIA 1:1

Kalya si koguber nganaseet ne ki nyiitaat piik! Amu nee si kotebi ko uu kwony ne ki kosiirtoe manong'otyot, nganaseet ne ki oo eng' pororyosyek! Ineendet ne ki cheptap laitoryat eng' emotinwek, ko kagoek anyun otwogindet.

EZEKIEL 19:11

Ak ki tinyei keetiik che kiimeen che po kirokweegap icheek che pounisyei, ak ki kieet kogoit eng' kwenutap mooriik che nyigiisen, ak ki took eng' koindonywa kobooto chaang'indap mooriikwak.

MATAYO 9:9

Ak kingo siirto Jeso eng' olooto, kogeer chiito, ne kiguure Matayo, kotebee ole kitaage aisuruut ak ki leenji, “Isubwo.” Kong'eet anyun ak koosup.