EZEKIEL 9:8 - BUKUIT NE TILIIL Sireet ne Dutero Kanon

⁸ Ak ye kita kobarisyoti, ak kigang'etu eng' yooto, abut kot kotiiny togeennyu ng'wony, ak ariir, ak amwa ale, ee, Kiptaiyat Kamuktaindet ne Toroor! Tos ibare piik tugul che ki ng'et che po Israel eng' nereegeguk che ng'woneen che roong'jingei Jerusalem?

Bukuit Ne Tilil

⁸ Ak ye kita kobarisyoti, ak kigang'etu eng' yooto, abut kot kotiiny togeennyu ng'wony, ak ariir, ak amwa ale, ee, Kiptaiyat Kamuktaindet ne Toroor! Tos ibare piik tugul che ki ng'et che po Israel eng' nereegeguk che ng'woneen che roong'jingei Jerusalem?

BUKUIT NE TILIL

⁸ Ak ye kita kobarisioti, ak kigang’etu eng’ yoto, abut kot kotiiny togennyu ng’ony, ak arir, ak amwa ale, Bwa Kiptaiyat Jehovah! Tos ibare bik tugul che king’et che bo Israel eng’ neregeguk che ng’wonen che rong’jingei Jerusalem?

EZEKIEL 9:8 ပူးပေါင်းရင်းမြစ်များ

TAUNET 18:23

Kiriikyi anyun `Abraham Kamuktaindet ne Toroor, ak koteebe koleenji, “Tos iwong'u piik che po iman kobooto che yaacheen?

1 ATEPTAP PEETUUSYEK 21:16

Ki ing'eet metit Daudi ak ki keer malaikaiyatap Kamuktaindet ne Toroor kotononi eng' kwenutap ng'wony ak kipsengwet, kotinyei rotwetap chok ne kaging'us eng' eunnyi, ak kong'werere Jerusalem. Kobutyi ng'wony anyun Daudi ak poisyek kotooree togoochikwak ng'wony, kolaachi kuniok.

EZRAH 9:5

Yeityo ang'eet eng' kaming'inennyu pogei ye ki kigoitoi kagoochinetap koskoleny, ko kaabet ngoryennyu ne po oriit ak ne po parak. Ki agutuny ak aitoochi eunekyuk Kamuktaindet ne Toroor Kamuktaindennyu,

JEREMIA 14:13

Ago ki amwa anyun ale, ee, Kiptaiyat Kamuktaindet ne Toroor! Keero, mwachin maotik icheek, koleenji, “ ‘Maityinok rotwetap chok, amonyooru rubeet; ago agoonok kaalyeet ne po iman eng' olito.’ ”

JEREMIA 14:19

Tos ki ieesye Judah iman? Tos kigowech saboondang'ung' Zion? Amu nee si ibirech, ama mi kasoobet eng' acheek? Ki kigen kaalyeet, ago ma nyo kiy ne myee; ki kigen peetuutap kasoobet ak keero, ki piit arageneet!

JEREMIA 4:10

Ki amwa anyun ale, ee Kiptaiyat Kamuktaindet ne Toroor! Iman ki iberber miising' pichu ak Jerusalem, ileenji, “Onyooru kaalyeet; ago ityin rotwetap chok saboondo.”

EZEKIEL 11:13

Ak kime Pelatiah weeriitap Benaiah ye ki amaoteni, ki abut anyun kot kotiiny togeennyu ng'wony, ak ariir eng' kutit ne oo, ale, ee, Kiptaiyat Kamuktaindet ne Toroor! Tos igeesu che ki ng'et che po Israel?

EZEKIEL 4:14

Ki amwa anyun ale, “Ee, Kiptaiyat Kamuktaindet ne Toroor! Keero, tomo kimurwon saboondanyu; amu kobooch ko aa ming'in agoi nguno kotom aam kiy ne kameei ineegei, anan ne kabar tyong'in; ama chut kutinnyu panyeek che ng'woneen.”

EZEKIEL 7:8

Karik anyun si aroong'jin nereegekyuk che ng'woneen, ak ayai kosulda nereegekyuk eng' inyee, ak arwoogun ko uu ortinweguk; ak aibun tuguuguk tugul che kiwechei.

KAITOSYEK 14:5

Ki ing'uruukso anyun Musa ak Aron kot kotiiny togoochikwak ng'wony eng' taitap piik tugul che po tuiyet komugul ne po piigap Israel.

KAITOSYEK 16:4

Ye kingo kas Musa ng'olyoondonooto, kong'uruuk kot koit ng'wony togeennyi eng' kaimetapkei.

KAITOSYEK 16:45

“Oistoegei tuiyoni, si kobiit awong' icheek.” Ak ki ing'uruuk kot kotiiny togeennyi ng'wony.

NG'ATUTIK 9:18

Ki abutyi ng'wony eng' taitap Kamuktaindet ne Toroor peetuusyek artam ko uu ye ki ayai eng' tai. Ma aam amit anan aee pei amu tengektong'wong' tugul ne ki oyai. Ki oyai ne ya eng' Kamuktaindet ne Toroor otach ineendet.

JOSHUA 7:6

Kigereer Joshua ngoroikyik ak kong'uruuk kot koit ng'wony togeennyi, ak konde temburyek metowekwak, ineendet ak poisyegap Israel eng' taitap moingetap Kamuktaindet ne Toroor agoi koskoleny.