EZEKIEL 9:6 - BUKUIT NE TILIIL Sireet ne Dutero Kanon

⁶ obar ogesu poiyo, muren, chepto, ak lagok che mengeechen, ak kwonyiik: ago amat ooriikyi chii age tugul ne ki king'ooch; ak otaune oldanyu ne tiliil. Kitaune anyun poisyek che ki mi taitap koot.

Bukuit Ne Tilil

⁶ obar ogesu poiyo, muren, chepto, ak lagok che mengeechen, ak kwonyiik: ago amat ooriikyi chii age tugul ne ki king'ooch; ak otaune oldanyu ne tiliil. Kitaune anyun poisyek che ki mi taitap koot.

BUKUIT NE TILIL

⁶ obar ogesu boiyo, muren, chepto, ak lagok che mengechen, ak kwonyik: ago amat orikyi chi age tugul ne kiging’och; ak otaune oldanyu ne tilil. Kitaune anyun boisiek che kimi taitab got.

EZEKIEL 9:6 ပူးပေါင်းရင်းမြစ်များ

TAUNET 4:15

Ki ng'at anyun Kamuktaindet ne Toroor kole, “Age tugul ne parei Kain keyaakyin mugetuut konyil tisap.” Ak ki imaar anyun `Kamuktaindet ne Toroor Kain si ma par chii age tugul ne kanyoor.

2 ATEPTAP PEETUUSYEK 36:17

Komutyi anyun icheeget laitoryatap Kaldeik, ne ki nyo kobar neranikwak eng' rotwetap chok, eng' kootap oldanywa ne tiliil, ama riiree muren anan tye, poiyot anan ne neegit koolil: ki inde tugul eunnyi.

KOMONG'U 12:23

Amu nyoo kosiirtoi Kamuktaindet ne Toroor kowendi kobarei taiywegap Misiriik. Ye keer korotiik eng' rateiywotap tugatuk ak eng' tugatugik tuwai eng' kooriikwok, kosiirto ineendet eng' kurganooto ak ma chamjin ng'emindet komong' nyoo kobaraak.

JEREMIA 16:6

Pekyin emoni che eecheen ak che mengeechen: ma kitubei, ama iteitos piik agobo icheek, anan kotilgei, ama icheru metowekwak;

JEREMIA 25:29

Amu, ogeero, atau ayae yaityet eng' nganaseet ne kimwaitoe kainennyu, ko tos otebi ama kibirok iman? Mochilile pireet: amu aguurchini rotwetap chok piik tugul che menyei ng'wony, mwaei Kamuktaindet ne Toroor ne po lugoosyek.

JEREMIA 44:7

Mwaei anyun Kamuktaindet ne po Toroornatet ne po lugoosyek, Kamuktaindetap Israel, kole: Amu nee si oyachi saboonwekwok yaityoni oo, si kobiit kigeesunenok muren ak kwony, lakwa ak ne reryei, komong' eng' Judah, si ma ng'etwok agot agenge;

JEREMIA 44:8

amu otagena poisyonigap eunekwok, obeeljini nyamdutik kamuktaik eng' emetap Misiri, ole ki obe otebee; si kobiit kigeswok, ak oegu che kisasei ak che kichotei eng' pororyosyek tugul che po ng'wony?

JEREMIA 6:11

Kanyiia anyun nereegek che ng'woneen che po Kamuktaindet ne Toroor; kaang'et araanye. Ak ki leenjo Kamuktaindet ne Toroor, roong'ji nereegechooto lagok che mi ooreet, kobooto tuiyetap murenik; Amu kimuti manong'otyot ak osotyot ne ki koosit kobooto ne neegit koolil.

JEREMIA 9:21

Amu kagonyo meet tirisyokyok, kagochut kooriikyok che po laitorinik, si koges lagok eng' saang', ak koges neranik eng' ortinwek.

EZEKIEL 11:1

Kiganaba anyun Kabuuset ne Tiliil, ak komutwaa anyo ormariichetap kong'asiis ne po kootap Kamuktaindet ne Toroor, ne tokyingei kong'asiis: ak ogeero, kimi kurgeetap ormariichet piik tiptemu ak muut; ak ki ageer eng' kwenunnywa Jaasania weeriitap Ashur, kobooto Pelatiah weeriitap Benaiah, pounigap piik.

EZEKIEL 9:4

Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

EZEKIEL 9:5

Ak ki mwachi alak agase, koleenji, oba obun nganaseet, osup ineendet, ak obarisyote amat koriiree konyekwok, anan koriiraak moo:

AMOS 3:2

Okweegei kityo che angen eng' ortinwek tugul che po ng'wony. Nooto anyun aiitwok pireet amu tengekwogikwok tugul.

LUKA 12:47

Ak otwogindonooto, ne ki ingen mageetap kiptaiyandennyi, ama kochopkei, anan koyai ko uu magennyi, kebire pirutik che chaang';

NG'ATUTIK 2:34

`Ki kinam nganasookyik tugul eng' peetuunooto ak `keng'em nganaseet age tugul ne ki kimenyei, kobooto kobogorisyek ak lagok. Ma kimete agot agenge ne ki ng'et.

NG'ATUTIK 3:6

Ki king'em anyun kiwong'u, ko uu ye ki king'em Sihon laitoryatap Hesbon. Ki king'em nganaseet age tugul ne ki kimenyei ak ki kibar: piik, kwonyiik kobooto ak lagok.

NG'ATUTIK 32:23

Atesyini yaitwogik; Ak amwoge icheek kipchabonikyuk:

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

NG'ANG'UTYET 14:4

Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet.

NG'ANG'UTYET 7:3

koleenji, “Among'em ng'wony, anan nyanjet, anan keetiik, kot kinde ng'ookset togoochigap otwogigap Kamuktaindet nenyo.”

NG'ANG'UTYET 9:4

Ki kimwachi icheek keleenji amat kong'em susweegap ng'wony, anan kiy age tugul ne tuon, anan ko keetit age tugul, ago pichooto icheegei che ma tinyei ng'ooksetap Kamuktaindet eng' togoochikwak.

1 SAMUEL 15:3

Ui anyun nguno ibookyi Amelek ak ing'em igeesu tuguuk tugul che tinyei. Amat ibagaakte chii, ago par muren ak kwony, lakwa ak ne reryei, teta ak keechiiryet, tambeesyet ak sigiryet!”