EZEKIEL 9:4 - BUKUIT NE TILIIL Sireet ne Dutero Kanon

⁴ Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

Bukuit Ne Tilil

⁴ Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

BUKUIT NE TILIL

⁴ Ak kilenji Jehovah inendet, Ui bun kwenutab nganaset, kwenutab Jerusalem, ak ing’och turiosiekab togochikab bik che tigendos ak korirtos agobo tuguk tugul che kiwechei che kiyai eng’ kwenunnyi.

EZEKIEL 9:4 ပူးပေါင်းရင်းမြစ်များ

TAUNET 4:15

Ki ng'at anyun Kamuktaindet ne Toroor kole, “Age tugul ne parei Kain keyaakyin mugetuut konyil tisap.” Ak ki imaar anyun `Kamuktaindet ne Toroor Kain si ma par chii age tugul ne kanyoor.

2 LAITORINIK 22:13

“Oba, oteebwa eng' Kamuktaindet ne Toroor, ak agobo piik, kobooto Judah komugul, agobo ng'aleegap kitabuuni kaginyoor. Eechen nereegegap Kamuktaindet ne Toroor che laldos agobo acheek amu ma kas iit kwanisyekyok ng'aleegap bukuini, koyai ko uu tugul che ki kisir agobo acheek.”

TIENWOGIKAL 119:136

Isururunee peek che chaang' konyekyuk, amu ma isubi icheek ng'atuutyeng'ung'.

TIENWOGIKAL 119:53

Ki anereech miising' kot, amu kiptengeginik che pagaktoi ng'atuutyeng'ung'.

KOMONG'U 12:13

Egu anyun korotichooto ko oile tugatugik kaboorunet eng' okweek eng' kooriikwok ole omi. Ye ageer korotiik asiirtoenok ak ma ityinok koroato konyo kong'emak ye abare emetap Misiri,

KOMONG'U 12:23

Amu nyoo kosiirtoi Kamuktaindet ne Toroor kowendi kobarei taiywegap Misiriik. Ye keer korotiik eng' rateiywotap tugatuk ak eng' tugatugik tuwai eng' kooriikwok, kosiirto ineendet eng' kurganooto ak ma chamjin ng'emindet komong' nyoo kobaraak.

KOMONG'U 12:7

Ingonam icheek anyun korotiik ak koilee tugatugik tuwai ak rateiywotap tugatuk eng' koot age tugul ne ki ame arwanooto.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

JEREMIA 13:17

Ago ngot ko mogas ng'olyoondoniito, koriirei saboondanyu eng' ung'oot agobo menateng'wong', ak ariir miising', kot koba peegap kong', amu kageluul keechiiregap Kamuktaindet ne Toroor.

EZEKIEL 21:6

Tigen anyun, inyee weeriitap chii; tigen eng' iletap sueng'ung' ak eng' ng'wanindo kogeerei icheek.

EZEKIEL 6:11

Mwaei Kiptaiyat Kamuktaindet ne Toroor kole: “Irabaach eng' eung'ung' ak ityech eng' keeldong'ung',” ak ile, pwo amu tuguuk tugul che kiwechei che po kootap Israel: amu parei icheek rotwetap chok, ak rubeet, ak koroito.

EZEKIEL 9:5

Ak ki mwachi alak agase, koleenji, oba obun nganaseet, osup ineendet, ak obarisyote amat koriiree konyekwok, anan koriiraak moo:

EZEKIEL 9:6

obar ogesu poiyo, muren, chepto, ak lagok che mengeechen, ak kwonyiik: ago amat ooriikyi chii age tugul ne ki king'ooch; ak otaune oldanyu ne tiliil. Kitaune anyun poisyek che ki mi taitap koot.

AMOS 6:6

che eei divaik eng' pagulisyek, ak koiilegei mwanik che korooron; ago ma aragendos agobo nyalildap Joseph.

SEPANIA 1:12

Ak asyaach Jerusalem eng' peetuusyechooto akweng'ate; ak abir piik che ki kotepto kimnateennywa ko uu divaik che mi ak misigiikyik, che mwaei eng' mugulelwekwak kole ma yaei Kamuktaindet ne Toroor ne myee, ama yaei yaityet.

SEPANIA 3:18

ko uu eng' peetuutap igoorto.” Ayumi icheek che aragendos agobo tuiyet ne po kaming'inetapkei, che ki chechuuk, che ki kas nyigiisindo eng' chotisyonooto.

MALAKI 3:16

Ki ng'alaaljigei anyun che iywei Kamuktaindet ne Toroor. Ki ep iit Kamuktaindet ne Toroor kogas ak ki kisir eng' tainnyi bukuitap kabwaatet agobo icheek che iywei Kamuktaindet ne Toroor ak kobwaati kainennyi.

2 KORINTOEK 1:22

ak king'oochech, ak kogoonech Kabuuset ne Tiliil eng' mugulelwekyok koek tongoaniatap tuguuk che pwoonei.

2 KORINTOEK 12:21

si ye tuun anyoo kogeny, koma iming'ina Kamuktaindet nenyu eng' taing'wong', ak ariir agobo che chaang' eng' icheek che ki yai tengekwogik kobooch yooto, ama sik eng' simdo ak sokseet ak mageet ne ya agobo tuguuk che yaach che ki yai icheek.

GALATYEK 6:17

Kobooch nguno ko matata konyalila chii: amu aiboti eng' poortanyu perutigap Jeso.

EPESOEK 4:30

Ak amogoochi arageneet Kabuuset ne Tiliil ne po Kamuktaindet ne ki kindaenak ng'ookset agoi peetuutap katyaget.

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

NG'ANG'UTYET 14:1

Ki ageer, ak ogeero, tononi Aarwet eng' tulweetap Zion, ak komi kobooto `ineendet piik eliphuusyek pogol ak artam ak ang'wan, che tinyei kainennyi, ak kainetap Kwandanyi, che ki kisirchi togoochikwak.

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

NG'ANG'UTYET 9:4

Ki kimwachi icheek keleenji amat kong'em susweegap ng'wony, anan kiy age tugul ne tuon, anan ko keetit age tugul, ago pichooto icheegei che ma tinyei ng'ooksetap Kamuktaindet eng' togoochikwak.