EZEKIEL 9:2 - BUKUIT NE TILIIL Sireet ne Dutero Kanon

² Ak ogeero, ki pwa piik lo kobunu ooreetap ormariichet ne po meto, ne tokyingei murot kaataam, kotinyei chii age tugul karnennyi ne parisye; ak ki ilaachi chiito agenge eng' icheek ngoryeetap katanit, kotinyei age tugul laletap wino eng' suennyi. Ak ki pa oriit, ak kotononie ole neegitee kaptisisyetap sugunwet.

Bukuit Ne Tilil

² Ak ogeero, ki pwa piik lo kobunu ooreetap ormariichet ne po meto, ne tokyingei murot kaataam, kotinyei chii age tugul karnennyi ne parisye; ak ki ilaachi chiito agenge eng' icheek ngoryeetap katanit, kotinyei age tugul laletap wino eng' suennyi. Ak ki pa oriit, ak kotononie ole neegitee kaptisisyetap sugunwet.

BUKUIT NE TILIL

² Ak ogeero, kibwa bik lo kobunu oretab ormarichet ne bo meto, ne tokyingei murot ne bo katam, kotinyei chi age tugul karnennyi ne barisie; ak kiilaachi chito agenge eng’ ichek ngorietab katanit, kotinyei age tugul laletab wino eng’ suennyi. Ak kiba orit, ak kotononie ole negite kaptisisietab sugunwet.

EZEKIEL 9:2 ပူးပေါင်းရင်းမြစ်များ

2 LAITORINIK 15:35

Agos ma ki isto komoswek che torooreen; kita koenyei piik tiseiywek ak kobeelei nyamdutik eng' komoswek che torooreen. Ki teech ineendet ormariichetap meto ne po kootap Kamuktaindet ne Toroor.

2 ATEPTAP PEETUUSYEK 27:3

Ki teech kurgeet ne po meto eng' kootap Kamuktaindet ne Toroor, ak ki yai poisyetap teekseet ne oo eng' inaatutap Ophel.

2 ATEPTAP PEETUUSYEK 4:1

Ki yai kogeny kaptisisyetap sugunonik, ki mitainik sogool koindonyi, ko mitainik sogool tebeesindanyi, ak ki mitainik ang'wan ak kebeberyat kooindap tononennyi.

KOMONG'U 40:29

Ki inde kaptisisyet ne kibeelee tiseiywot eng' kurgeetap emaitap Kamuktaindet ne po emait ne kituiyechin. Ki igoito kagoochinet ne kibeelei ak ne po peek, eng' kaptisisyonooto, ko uu ye ki ng'at `Kamuktaindet ne Toroor Musa.

JEREMIA 1:15

Keero, aguure ortinwek tugul che po pounatosyegap murot kaataam, mwaei Kamuktaindet ne Toroor, ak kobwa ak konde age tugul ng'echerennyi ne po laitornatet ye kimandoe eng' ormariichogap Jerusalem, ak kotokyigei irimoikyik tugul ak kotokyigei nganasook tugul che po Judah.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 26:10

Ak kingo kas pounigap Judah tuguuchuuto, kotogos eng' kootap laitoryat kobwa kootap Kamuktaindet ne Toroor; ak ki tep ng'wony eng' ole kibunei eng' ormariichet ne leel ne po kootap Kamuktaindet ne Toroor.

JEREMIA 4:6

Onamji parak songolyet kotokyigei Zion, omwei osarugei, amogagei amu aibu yaityet eng' murot kaataam ak ng'emisyet ne oo.

EZEKIEL 10:2

Ak ki mwachi chiito ne ki ilaachi ngoryeetap katanit, koleenji chut kwenutap tirook che wirwirendos eng' kurereetap kerubik, ak inyiit euneguk tuwai ng'etetyot ne mi kwenutap kerubik, ak iseerchi nganaseet. Ak ki wo ineendet oriit ageere.

EZEKIEL 8:3

Ak ki iyogoi kiit ne uu euut, konam suumeekyuk ak kiganaba Kabuuset ne Tiliil eng' kwenutap ng'wony ak kipsengwet, ak komutwaa eng' ng'ang'utigap Kamuktaindet anyo Jerusalem, agoi kurgeetap ormariichet ne po seremut ne po oriit ne tokyingei murot kaataam; ole ki mi ng'echereetap kanamwetap ng'etkonda, ne tagisyei kogoonu ng'etkonda.

EZEKIEL 9:11

Ak ogeero, kimwaita ng'olyoondonooto chiichooto ki ilaachi ngoryeetap katanit, ne ki tinyei laletap wino eng' suennyi, kole, kaayai ko uu ye kageng'ata.

EZEKIEL 9:3

Ak kitogosta liilindap Kiptaiyat Kamuktaindetap Israel eng' ole mi kerubindet, ole kitebee, kwo ole po tugatugigap koot: ak kitwekyi chiito ne ki ilaachi ngoryeetap katanit, ne ki tinyei laletap wino eng' suennyi.

ATEPTAP LAWIK 16:4

Ingolaach ngoryeet ne kooi ne itabaanat ne po katanit, ak ingolaach sulwalisyek che po katanit, ak korategei pireneet ne po katanit ak kilaakyi chepkulet ne po katanit: chooto ngoroik che itabaanatiin. Iuni poortanyi eng' peek, si kolaachi ngoroichooto.

AMOS 9:1

Ki ageer Kiptaiyat kotonone ole neegitee kaptisisyet, ak ki le, kwer walisyegap tolochik kot kotumdumgei tugatugik, yeityo itonaton walisyechooto eng' metowegap piik tugul. Ak che ng'etu abare rotwetap chok, mamweei agot agenge eng' icheek, ama chilili agot agenge.

NG'ANG'UTYET 15:6

ak ki mang'une hekalunooto malaikaisyek tisabu che tinyei korotwechooto tisap, kolaachi ngoroik che tiliileen, ak kolile piich, ak koratatagei pirenoigap thahabu eng' tegetikwak.