EZEKIEL 8:6 - BUKUIT NE TILIIL Sireet ne Dutero Kanon

⁶ Ak ki leenjo ineendet, Ee weeriitap chii, igeere kiit ne yaei icheek? Chooto ko tuguuk che eecheen che kiwechei che yaei kootap Israel eng' yu, si awo alooit eng' oldanyu ne tiliil? Ago ta igeere kogeny tuguuk alak che eecheen che kiwechei.

Bukuit Ne Tilil

⁶ Ak ki leenjo ineendet, Ee weeriitap chii, igeere kiit ne yaei icheek? Chooto ko tuguuk che eecheen che kiwechei che yaei kootap Israel eng' yu, si awo alooit eng' oldanyu ne tiliil? Ago ta igeere kogeny tuguuk alak che eecheen che kiwechei.

BUKUIT NE TILIL

⁶ Ak kilenja inendet, Ee weritab chi, igeere kit ne yaei ichek? Choto ko tuguk che eechen che kiwechei che yaei gotab Israel eng’ yu, si awa alooit eng’ oldanyu ne tilil? Ago ta igeere kogeny tuguk alak che eechen che kiwechei.

EZEKIEL 8:6 ပူးပေါင်းရင်းမြစ်များ

2 ATEPTAP PEETUUSYEK 29:5

ak koleenji, “Ogas, okweek Lawiik; oanyinyge, ak oanyiny kootap Kamuktaindet ne Toroor, Kamuktaindetap kwanisyekyok, ak omaande tuguugap simdo eng' ole-tiliil.

TIENWOGIKAL 78:60

Ak kimeto anyun Hekaluut ne ki mi Shiloh, Emait ne ki inde kwenutap piik;

KALEWANAIK 5:14

Nguno ko kaariikyi yaityet tugul eng' kwenutap tuiyet ak kayumetapkei.”

JEREMIA 11:18

Ki koono Kamuktaindet ne Toroor naet agobo chaamsennywa ak ki anai. Ki iboorwo ineendet poisyonikwak.

JEREMIA 23:11

Amu murwoon maotyot ak tisiindet; ee, ki anyoorchi koonnyu yaityennywa, mwaei Kamuktaindet ne Toroor.

JEREMIA 26:6

ayae anyun kooi koigei Shiloh, ak ayai nganasani koek ne sasei pororyosyek tugul che po ng'wony.

JEREMIA 3:6

Kimwaiwo anyun Kamuktaindet ne Toroor eng' peetuusyegap Josiah laitoryat koleenjo: “Tos ki igeer nooto ki yai Israel, ole kigogetyigei let, ole kitogosta tulweet age tugul ne kooi ak kwo kelutap keetit age tugul ne tuon, ak koyai kugoinatet eng' olooto?”

JEREMIA 32:34

Ago ki inde tuguukwak che kiwechei, koot ne kimwaitoe kainennyu, kong'wanit.

JEREMIA 7:17

Tos megeere tuguuk che yaei eng' nganasoogap Judah ak eng' ortinwegap Jerusalem?

JEREMIA 7:30

Amu ki koyai lagogap Judah kiit ne ya eng' tainnyu, mwaei Kamuktaindet ne Toroor. Ki konde tuguukwak che kiwechei koot ne kimwaitoe kainennyu ak komurwon.

EZEKIEL 10:18

Ak ki wo liilindap Kamuktaindet ne Toroor eng' tugatugigap koot, ak kitonone paragutap kerubik.

EZEKIEL 10:19

Ak kitirirenso kerubik, ak kotogosta eng' ng'wony ageere, ye kibendi, ak kimi tirook kobooto icheek; ak kitononso eng' kurgeet ne po ormariichetap kong'asiis ne po kootap Kamuktaindet ne Toroor; ak kimi paragunnywa liilindap Kiptaiyat Kamuktaindetap Israel.

EZEKIEL 11:22

Yeityo kotirirenso kerubik, ak kimi tirook kobooto icheek; ak kimi paragunnywa liilindap Kiptaiyat Kamuktaindetap Israel.

EZEKIEL 11:23

Ak kitogosta liilindap Kamuktaindet ne Toroor eng' kwenutap nganaseet ak kwo kotonone tulweet ne mi komostap kong'asiis eng' nganaseet.

EZEKIEL 14:6

Mwachi anyun kootap Israel ileenji, mwaei Kiptaiyat Kamuktaindet ne Toroor ko uu ni kole: Oweege, ak owalage omete kanamonikwok; ak otuktoochi patai tuguukwok tugul che kiwechei.

EZEKIEL 18:12

ne ki koyachi ne ya kibananiat ak ne ma tinyei kiy, ne ki korebis eng' koroomnateet, ne tomo koweekta kiit ne ki kiname pesendo, ak ki kotokyi konyekyik kanamonik, ne ki koyai kiit ne kiwechei,

EZEKIEL 43:8

ye kingo nde tugatukyennywa koriikyi tugatukyennyu, ak konde tolochikwak koriikyi tolochikyuk, ak kimi tooteet ineegei ne ki ibestoseech, anee ak icheek; ak ki komurwon kainennyu ne tiliil eng' tuguukwak che kiwechei che ki yai: ki ageesu anyun icheek eng' nereegekyuk.

EZEKIEL 47:6

Ak koleenjo, Ee, weeriitap chii, kaigeer niito? Yeityo komutwaa ak kong'ata aweek ngeguutap aineet.

EZEKIEL 5:11

Mwaei anyun Kiptaiyat Kamuktaindet ne Toroor kole, ko uu ye asabe aming'inin iman, amarirenen kondanyu, anan koriira moo, amu ki ing'wanit oldanyu ne tiliil eng' tuguuguk tugul che samisen, ak tuguuguk tugul che kiwechei.

EZEKIEL 8:13

Ki leenjo kogeny, Ta igeere kogeny tuguuk alak che eecheen che kiwechei che yaei icheek.

EZEKIEL 8:14

Yeityo komutwaa anyo kurgeetap ormariichet ne po kootap Kamuktaindet ne Toroor ne kitokyigei murot kaataam; ak ogeero, kimi kwonyiik eng' olooto che kitebyei koriirchin Tamus.

EZEKIEL 8:7

Ak ki imutwaa anyo kurgeetap seremut; ak kinga keer, ogeero, kimi konda tooteet.

EZEKIEL 8:9

Ak ki leenjo, Ui oriit, si igeer tuguuk che yaach che kiwechei che yaei icheek eng' olito.

HOSEA 5:6

Pendi icheek kobooto akwotisyekwak che po keechiirek ak che po tuuga kocheeng'ei Kamuktaindet ne Toroor; ago ma nyooru ineendet, kigoistoegei `ineendet icheek.