EZEKIEL 8:3 - BUKUIT NE TILIIL Sireet ne Dutero Kanon

³ Ak ki iyogoi kiit ne uu euut, konam suumeekyuk ak kiganaba Kabuuset ne Tiliil eng' kwenutap ng'wony ak kipsengwet, ak komutwaa eng' ng'ang'utigap Kamuktaindet anyo Jerusalem, agoi kurgeetap ormariichet ne po seremut ne po oriit ne tokyingei murot kaataam; ole ki mi ng'echereetap kanamwetap ng'etkonda, ne tagisyei kogoonu ng'etkonda.

Bukuit Ne Tilil

³ Ak ki iyogoi kiit ne uu euut, konam suumeekyuk ak kiganaba Kabuuset ne Tiliil eng' kwenutap ng'wony ak kipsengwet, ak komutwaa eng' ng'ang'utigap Kamuktaindet anyo Jerusalem, agoi kurgeetap ormariichet ne po seremut ne po oriit ne tokyingei murot kaataam; ole ki mi ng'echereetap kanamwetap ng'etkonda, ne tagisyei kogoonu ng'etkonda.

BUKUIT NE TILIL

³ Ak kiiyogoi kit ne u eut, konam sumeekyuk ak kiganaba tamirmiriet eng’ kwenutab ng’ony ak kipsengwet, ak komutwa eng’ ng’ang’utikab Kamuktaindet anyo Jerusalem, agoi kurgetab ormarichet ne bo seremut ne bo orit ne tokyingei murot ne bo katam; ole kimi ng’echeretab kanamwetab ng’etkonda, ne tagisiei kogonu ng’etkonda.

EZEKIEL 8:3 ပူးပေါင်းရင်းမြစ်များ

1 LAITORINIK 18:12

Ye awe eng' yu imi, komutin Kabuusetap Kamuktaindet ne Toroor ole mangen. Ye awe amwachi Ahab, amanyo konyoorun, kobara. Ago anee otwogindeng'ung', aiywei Kamuktaindet ne Toroor kobooch ko aa ming'in.

2 LAITORINIK 16:14

Ki ip kaptisisyetap sugunwet ne ki mi taitap Kamuktaindet ne Toroor konyo eng' taitap koot, komong' eng' kwenutap kaptisisyennyi ak kootap Kamuktaindet ne Toroor, ak konde komostap murot kaataam ne po kaptisisyennyi.

2 LAITORINIK 2:16

Ak ki leenji icheek ineendet, “Keero, mi kobooto otwogiguk piik konomu che kiimeen; kisoomin keele, ingoba kocheeng' kiptaiyandeng'ung'. Tamangap ko kagomut ineendet Kabuusetap Kamuktaindet ne Toroor kotogosta, ak kowiirchi tuloonook parak, anan ko atebwosyek.” Ak ki le, “Amat oyookte.”

2 LAITORINIK 21:7

Ki inde kanamwet ne ki kiwai ne po Asera koot ne ki kamwachi Kamuktaindet ne Toroor Daudi ak weeriinnyi Solomon, koleenji, “Andoi kainennyu koigeny koi ak Jerusalem, ne ki alewen eng' ortinwek tugul che po Israel.

TIENWOGIKAL 78:58

Kitach ineendet kot konereech eng' oldinwekwak che sutotin, Ak ki igoochi ineendet ng'etkonda eng' kanamonikwak che ki kiwai.

KOMONG'U 20:4

Ameyachigei kanamwet anan itoondap kiy age tugul ne mi parak kipsengwet anan ne mi ng'wony anan ne mi nyanjet ng'wony oriit;

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

KOMONG'U 34:14

among'urukyi kamuktain age tugul. Amu Kamuktaindet ne Toroor ne kainennyi ko ng'etkong', ineendet Kamuktaindet ne amei ng'etkong'.”

JEREMIA 32:34

Ago ki inde tuguukwak che kiwechei, koot ne kimwaitoe kainennyu, kong'wanit.

JEREMIA 7:30

Amu ki koyai lagogap Judah kiit ne ya eng' tainnyu, mwaei Kamuktaindet ne Toroor. Ki konde tuguukwak che kiwechei koot ne kimwaitoe kainennyu ak komurwon.

EZEKIEL 1:1

Ki ageer ng'ang'utigap Kamuktaindet eng' kenyiitap sosom, eng' arawet ne po ang'wan, eng' peetuutap muut ne po arawanooto ye kingo yaatak kipsengwet ami kobooto luulenik eng' ye neegitee aineetap Kebar.

EZEKIEL 10:3

Ki tonondos anyun kerubik eng' komostap tai ne po koot, ye ki wendi chiichooto oriit; ak ki nyi pooldet seremut ne po oriit.

EZEKIEL 11:1

Kiganaba anyun Kabuuset ne Tiliil, ak komutwaa anyo ormariichetap kong'asiis ne po kootap Kamuktaindet ne Toroor, ne tokyingei kong'asiis: ak ogeero, kimi kurgeetap ormariichet piik tiptemu ak muut; ak ki ageer eng' kwenunnywa Jaasania weeriitap Ashur, kobooto Pelatiah weeriitap Benaiah, pounigap piik.

EZEKIEL 11:24

Ak kiganaba Kabuuset ne Tiliil, ak komutwaa eng' ng'ang'utyet eng' Kabuusetap Kamuktaindet, anyo Kaldea, agoi ait ole mi icheek che ki kiluul. Ki togosta anyun eng' ole ki ami ng'ang'utyonooto kiga ageer.

EZEKIEL 2:9

Ki ageer anyun, ak ogeero ki kiyogoiywa euut ne kinamei bukuit ne mamanat.

EZEKIEL 3:12

Yeityo koganaba kabuusetap Kamuktaindet, ak agas cheetap kirgirenet ne oo eng' patennyu, kole, “Iberuurot toroornatetap Kamuktaindet ne Toroor kong'etee oldanyi.”

EZEKIEL 3:14

Koganaba anyun kabuusetap Kamuktaindet, ak komuta oldo age; ak ki awe eng' ng'wanindo, eng' nereegegap saboondanyu, ak kichiila eutap Kamuktaindet ne Toroor eng' kimnateet.

EZEKIEL 37:1

Ki mi paragunnyu eutap Kamuktaindet ne Toroor, ak ki imuta eng' Kabuusetap Kamuktaindet ne Toroor, ak kotua eng' kwenutap atebweet; ak ki nyiitaat kawek;

EZEKIEL 40:2

Ki imutwaa eng' ng'ang'utigap Kamuktaindet anyo emetap Israel ak kondea tulweet ne kooi miising', ole kimi itoondap teekseetap nganaseet eng' murot tai.

EZEKIEL 43:5

Ak kiganaba Kabuuset ne Tiliil, ak komutwaa anyo seremut ne po oriit; ogeero, ki nyi liilindap Kamuktaindet ne Toroor koot.

EZEKIEL 43:8

ye kingo nde tugatukyennywa koriikyi tugatukyennyu, ak konde tolochikwak koriikyi tolochikyuk, ak kimi tooteet ineegei ne ki ibestoseech, anee ak icheek; ak ki komurwon kainennyu ne tiliil eng' tuguukwak che kiwechei che ki yai: ki ageesu anyun icheek eng' nereegekyuk.

EZEKIEL 5:11

Mwaei anyun Kiptaiyat Kamuktaindet ne Toroor kole, ko uu ye asabe aming'inin iman, amarirenen kondanyu, anan koriira moo, amu ki ing'wanit oldanyu ne tiliil eng' tuguuguk tugul che samisen, ak tuguuguk tugul che kiwechei.

EZEKIEL 7:20

Kigainde etunateet karaaranindap lelestanyi: ago ki yai kanamonigap tuguukwak che kiwechei kobooto tuguukwak che samis eng' olooto: koayai anyun kioto koek kiit ne murwoon eng' icheek.

EZEKIEL 8:5

Ki leenjo anyun ineendet, Ee weeriitap chii, tooben anyun komostap murot kaataam. Atoben anyun komostap murot kaataam, ak ogeero, kimi kanamwonooto po ng'etkonda komostap murot kaataam ne po ormariichetap kaptisisyet eng' ole kimandoe.

EZEKIEL 9:2

Ak ogeero, ki pwa piik lo kobunu ooreetap ormariichet ne po meto, ne tokyingei murot kaataam, kotinyei chii age tugul karnennyi ne parisye; ak ki ilaachi chiito agenge eng' icheek ngoryeetap katanit, kotinyei age tugul laletap wino eng' suennyi. Ak ki pa oriit, ak kotononie ole neegitee kaptisisyetap sugunwet.

POISYONIGAP CHE KIYOKTOI 8:39

Ye kingo long' eng' peek, komut `Kabuusetap Kiptaiyat Philipu. Ak mata kogeer anyun kogeny `chiichooto ki kimooch Philipu, ago ki wo kotestai chiichooto eng' poiboiyet.

NG'ATUTIK 32:16

Ki igoochi koam ng'etkonda amu kamuktaik che teer, kitach eng' kanamonik che kiwechei.

NG'ATUTIK 32:21

Ki koono ng'etkonda eng' otetap che ma Kamuktaindet; Kitacha eng' tangoitanywa: Ara anyun nguno ko kagoochi icheek ng'etkonda eng' che ma poror; Atache icheek eng' pororyet ne abusat.

NG'ATUTIK 4:24

Amu Kamuktaindet ne Toroor Kamuktaindeng'ung' ko maat ne iwong'u ak kotinyei ng'et kong'.

NG'ATUTIK 5:9

Ameng'uruukyi anan ioot. Amu anee Kamuktaindet ne Toroor Kamuktaindeng'ung', ko aa Kamuktaindet ne amei ng'etkong'. Ageerchini lagok tengektap kwanisyekwak agoi ibinda ne po somok ak ne po ang'wan eng' icheek che wecho.

NG'ATUTIK 6:15

amu tinyei ng'etkong' `Kamuktaindet ne Toroor Kamuktaindeng'ung' ne mi kwenung'ung'. Amu ngo sup, kolaldos nereegegap Kamuktaindet ne Toroor Kamuktaindeng'ung' eng' inyee ak kowong'un eng' ng'wony.

JOSHUA 24:19

Koleenji `Joshua piik, “Momuuchi oboisyechi Kamuktaindet ne Toroor, amu ineendet ko Kamuktaindet ne Toroor ne tiliil. Ineendet ko Kamuktaindet ne Toroor ne amei ng'etkong'; ma nyoiywok kaat eng' pistoeng'wong' anan ko eng' tengekwogikwok.