EZEKIEL 8:18 - BUKUIT NE TILIIL Sireet ne Dutero Kanon

¹⁸ Ayae anyun agane eng' nereegek che ng'woneen: ma rireenen kondanyu, ama riira moo: agot nganda riircho eng' waagaat ne oo, koma kasyini.

Bukuit Ne Tilil

¹⁸ Ayae anyun agane eng' nereegek che ng'woneen: ma rireenen kondanyu, ama riira moo: agot nganda riircho eng' waagaat ne oo, koma kasyini.

BUKUIT NE TILIL

¹⁸ Ayae anyun agane eng’ neregek che ng’wonen: marirenen kondanyu, ama rira mo: agot nganda rirja eng’ waagat ne o, ko magasyini.

EZEKIEL 8:18 ပူးပေါင်းရင်းမြစ်များ

KALEWANAIK 1:28

Oguura anyun ago mawolu, ocheeng'a eng' kagiiletapkei ago monyorwo.

ISAIAH 1:15

Ye oiite eunekwok, aung'enok konyekyuk. Agot ye osaa eng' saautik che chaang', koma kase; nyiitaat eunekwok korotiik.

ISAIAH 59:1

Ogeero, ma nwach eutap Kamuktaindet ne Toroor, kot koma imuuch kosar; ama nyigiis itinnyi, kot koma imuuch kogas:

ISAIAH 59:2

ago ki kobesyenok tengekwogikwok Kamuktaindeng'wong', ak kigouny tengekwogikwok togeennyi, kot koma kochamei kogas.

JEREMIA 11:11

Ara amwae anyun anee Kamuktaindet ne Toroor ale, ogeero, aipchini icheek yaityet, ne ma imuuchi kochililee. Ririirchino, ago ma kasyini icheek.

JEREMIA 14:12

Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

JEREMIA 23:39

nooto anyun, ogeero, autyenok agoi, ak atimdok, kobooto nganaseet ne ki agoonok ak kwanisyekwok, obe eng' tainnyu:

JEREMIA 44:3

amu yaityennywa ne ki koyai kotacha anereech, amu ki pa kobeel nyamdutik, koot kamuktaik che ki ma kongen, icheeget, anan okweek, anan kwanisyekwok.

JEREMIA 44:6

Kirong'kei anyun nereegekyuk che ng'woneen, ak kong'waanityi nganasoogap Judah ak eng' ortinwek che po Jerusalem; ak ki koek karatwek ak kigoguber ko uu kiit ne uu peetuusyechu.

RIREKAB JEREMIA 1:5

Ki koek `usiikyik kandoik, ak koboor puunikyik. Kogonyaliil `Kamuktaindet ne Toroor ineendet amu chaang'indap pistaosyekyik. Kogimut lagokyik keluul eng' taitap puunyoot.

RIREKAB JEREMIA 2:17

Ki koyai Kamuktaindet ne Toroor nooto ki kochop; kagoyai ng'olyoondennyi kosulda ko uu ye kiga ng'at eng' peetuusyek che po keny; kagowiirta kwo ng'wony ama riiree; kagogoochi puunyoot koboiboitunenen, ak kagotoroor kimnateetap puuniguk.

EZEKIEL 16:42

Ageesu anyun nereegekyuk che ng'woneen eng' inyee, ak koistoenengei ng'etkondanyu, ak asiis, ma anereechi kogeny.

EZEKIEL 23:25

Ak atokyin ng'etkondanyu, ak kogerin kong' icheek eng' nereegek che ng'woneen; tilei serung'ung' ak itiiguk; ak kebare rotwetap chok piiguk che ki ng'et: imuti icheek weeriiguk ak tiibiiguk; ak kobeel maat piiguk che ki ng'et.

EZEKIEL 24:13

Agot ye ki atiliilin eng' yaityetap simdang'ung', ko ki ma itiliilage, ma kitiliilin kogeny eng' simdang'ung' kot ageesu nereegekyuk che ng'woneen eng' inyee.

EZEKIEL 9:10

Ago ne uu anee, ko marire kondanyu, ama riira moo, ago aipchini ooreenywa metowekwak.

EZEKIEL 9:5

Ak ki mwachi alak agase, koleenji, oba obun nganaseet, osup ineendet, ak obarisyote amat koriiree konyekwok, anan koriiraak moo:

MIKAH 3:4

Ye ibata koriirchi Kamuktaindet ne Toroor, ago mawoljin: ee, ung'e togeennyi icheek eng' peetuusyechooto, ko uu ye ki yai yaityet eng' poisyonikwak.

NAHUM 1:2

Kamuktaindet ne Toroor ko Kamuktaindet ne amei ng'etkong' ak koyaaktoi mugetuut; yaaktoi Kamuktaindet ne Toroor mugetuut ak tinyei nereek; yaakyin Kamuktaindet ne Toroor mugetuut puunikyik, ak kogonorchin puunikyik nereegek.

SEKARIA 1:2

ki konereekyi `Kamuktaindet ne Toroor miising' kwanisyekwok.

SEKARIA 7:13

Ak ko uu ye kingo riirchi ineendet icheek ama kogas, ko uu nooto tuun riirtos icheek ama kase, mwaei Kamuktaindet ne Toroor ne po lugoosyek;

LUKA 13:25

Ak ye tuun kang'eet chiitap ko po koot, ak koger kurgeet, ak otau anyun otononse eng' saang', ak ogonygony kurgeet, ole, “Kiptaiyat, yaatwech.” Ak kowolwok ineendet kole, “Mangenok, ak ole obunu.”

1 SAMUEL 8:18

Ak oriirye eng' peetuunooto amu laitoryandeng'wong' ne olewenjinigei, ago mawolwok Kamuktaindet ne Toroor eng' peetuunooto.”