EZEKIEL 8:16 - BUKUIT NE TILIIL Sireet ne Dutero Kanon

¹⁶ Ak ki imutwaa seremut ne po oriit ne po kootap Kamuktaindet ne Toroor, ak ogeero, kimi piik che neegit tiptem ak muut eng' kurgeetap Hekaluutap Kamuktaindet ne Toroor, eng' kwenutap keterut ak kaptisisyet, che kaituktoochi patai Hekaluutap Kamuktaindet ne Toroor, ak kotokyigei kong'asiis; ak ki sa asiista kotokyingei kong'asiis.

Bukuit Ne Tilil

¹⁶ Ak ki imutwaa seremut ne po oriit ne po kootap Kamuktaindet ne Toroor, ak ogeero, kimi piik che neegit tiptem ak muut eng' kurgeetap Hekaluutap Kamuktaindet ne Toroor, eng' kwenutap keterut ak kaptisisyet, che kaituktoochi patai Hekaluutap Kamuktaindet ne Toroor, ak kotokyigei kong'asiis; ak ki sa asiista kotokyingei kong'asiis.

BUKUIT NE TILIL

¹⁶ Ak kiimutwa seremut ne bo orit ne bo gotab Jehovah, ak ogeero, kimi bik che negit tiptem ak mut eng’ kurgetab hekalutab Jehovah, eng’ kwenutab keterut ak kaptisisiet, che kaituktochi batai hekalutab Jehovah, ak kotokyigei kong’asis; ak kisa asista kotokyingei kong’asis.

EZEKIEL 8:16 ပူးပေါင်းရင်းမြစ်များ

1 LAITORINIK 8:29

Ingogeer konyeguk kooi kemoi ak peet, kogeer komosta ne ki imwa ile, ‘Tebee yooto kainennyu’; si igas saaet ne saaei otwogindeng'ung' kotokyingei komosita.

2 LAITORINIK 16:14

Ki ip kaptisisyetap sugunwet ne ki mi taitap Kamuktaindet ne Toroor konyo eng' taitap koot, komong' eng' kwenutap kaptisisyennyi ak kootap Kamuktaindet ne Toroor, ak konde komostap murot kaataam ne po kaptisisyennyi.

2 LAITORINIK 21:5

Kiteekyi kapkorosusyek tuguuk tugul che po kipsengwet eng' seremusyek tuwai che po kootap Kamuktaindet ne Toroor.

2 LAITORINIK 23:11

Ki isto paraisisyek che kiga kogoochi laitorinigap Judah asiista. Ki mi ye kimandoe kebendi kootap Kamuktaindet ne Toroor, ye neegitee kootap Natan-melek riibindet, ne mi serem. Ki peel kariisyek che po asiista eng' maat.

2 LAITORINIK 23:5

Ki isto tisiigap kanamonik, che kiga konde laitorinigap Judah, kobeelei nyamdutik eng' komoswek che torooreen eng' nganasoogap Judah ak eng' komoswek che kiyiem Jerusalem, kobooto icheek che kibeeljin Baal nyamdutik, asiista, arawet, kecheik che eecheen ak tuguuk tugul che po kipsengwet.

2 ATEPTAP PEETUUSYEK 29:6

Amu ki kochiliil kwanisyekyok ak koyai ne ya eng' taitap Kamuktaindet ne Toroor Kamuktaindennyo, ak ki kometo ineendet ak kowelelgei kometo ole menyei Kamuktaindet ne Toroor, ak kotuktoochi patai.

2 ATEPTAP PEETUUSYEK 7:7

Kogeny ki itiliil Solomon kwenutap seremut ne ki mi taitap kootap Kamuktaindet ne Toroor, amu ki igoito eng' yooto kagoochinoik che kibeelei ak mwanik che po kagoochinoigap kaalyeet, amu ki ma koyamei kaptisisyetap sugunwet ne kiga koyai Solomon kagoochinet ne kibeelei ak kagoochinet ne po peek ak mwanik.

JEREMIA 2:27

che leenjin subenet, “Ii abba.” Ak koleenji koita, “Ki isicha.” Amu ki kotuktocha patai, ama tokyagei. Ago mwaei eng' peetuutap nyalildanywa kole “Ng'eet ak isarwech!”

JEREMIA 32:33

Ak ki kotuktocha patai, ama keera: ak nganda ki aneet icheek, ang'eete karon miising' ak aneeti, koma epchi iit si kotaach kaneetisyet.

JEREMIA 44:17

Ago kiyae iman ng'olyoot age tugul ne kagemwa, keele kibeeljini nyamdutik laitoryatap kipsengwet, ne kwondo, ak keroong'jini ineendet kagoochinoik che kieei, ko uu ye ki keyai, acheek ak kwanisyekyok ak laitorinikyok, ak pounikyok, eng' nganasoogap Judah, ak eng' ortinwek che po Jerusalem: amu ki kitinye eng' peetuusyechooto amitwogik che chaang', ak ki kichamegei, ama ki keer yeityo.

JEREMIA 7:18

Iyumi lagok kweenik, ilali maat kwanisyek, kokwonykwonyi magatiinik kwonyiik, si kobeelji osotyotap laitoryat ne po kipsengwet ak koroong'ji kagoochinoik che kieei, kamuktaik, si kobiit kotacha anereech.

JEREMIA 8:2

Kimaae eng' asiista ak eng' arawet ak eng' taitap tuguuk tugul che po kipsengwet, che kiga kocham, che kiga koot, che kiga kosubot, che kiga kocheeng'at ak che kiga kolas. Ma kiyumi anan ketup, ago egu keturek eng' emet.

EZEKIEL 10:3

Ki tonondos anyun kerubik eng' komostap tai ne po koot, ye ki wendi chiichooto oriit; ak ki nyi pooldet seremut ne po oriit.

EZEKIEL 11:1

Kiganaba anyun Kabuuset ne Tiliil, ak komutwaa anyo ormariichetap kong'asiis ne po kootap Kamuktaindet ne Toroor, ne tokyingei kong'asiis: ak ogeero, kimi kurgeetap ormariichet piik tiptemu ak muut; ak ki ageer eng' kwenunnywa Jaasania weeriitap Ashur, kobooto Pelatiah weeriitap Benaiah, pounigap piik.

EZEKIEL 23:35

Mwaei anyun Kiptaiyat Kamuktaindet ne Toroor kole: Amu ki iutyeno, ak ituktocha patai, kesen anyun yaityeng'ung' agine ak kugoinatosyeguk.

EZEKIEL 23:39

Amu ye kingo parchi lagokwak kanamonikwak, kobwa peetuunooto oldanyu ne tiliil komurwon; ak ogeero, ki yai nooto eng' koonnyu.

EZEKIEL 40:28

Ki imutwaa anyun agoi seremut ne po oriit abune ormariichet ne po murot tai: ak ki ikwa ormariichet ne po murot tai ko uu mitainik chu kabo tai;

EZEKIEL 40:6

Ki it anyun ormariichet ne tokyingei kong'asiis, ak kolaany kobun lang'eiywot, ak ki ikwa seremut ne po ormariichet, ki ek tegat agenge tebeesindo: ak ki ek seremunooto tegat agenge tebeesindo.

EZEKIEL 43:5

Ak kiganaba Kabuuset ne Tiliil, ak komutwaa anyo seremut ne po oriit; ogeero, ki nyi liilindap Kamuktaindet ne Toroor koot.

EZEKIEL 43:8

ye kingo nde tugatukyennywa koriikyi tugatukyennyu, ak konde tolochikwak koriikyi tolochikyuk, ak kimi tooteet ineegei ne ki ibestoseech, anee ak icheek; ak ki komurwon kainennyu ne tiliil eng' tuguukwak che kiwechei che ki yai: ki ageesu anyun icheek eng' nereegekyuk.

EZEKIEL 45:19

Ak konam tisiindet korotiigap kagoochinetap tengekto, ak konde tugatugigap koot, ak koilee luukwek ang'wan che po tegeleiywotap kaptisisyet, ak koilee tugatugigap seremut ne po oriit.

EZEKIEL 46:1

Mwaei Kiptaiyat Kamuktaindet ne Toroor kole: Kigerei eng' peetuusyek lo che po poisyet ormariichet ne po seremut ne po oriit, ne tokyingei kong'asiis; ak kiyatei eng' peetuutap sabato, ak kiyatei eng' peetuut ne kaleel arawet.

EZEKIEL 7:23

Itaany sirimdo: amu kanyi emet kirwoogutigap korotiik, ak kanyi nganaseet koroomnateet.

EZEKIEL 8:15

Yeityo koleenjo, Kaigeer niito o, weeriitap chii? Ta igeere tuguuk alak che eecheen che kiwechei kosiir chuuto.

JOEL 2:17

Ingoriiryo tisiik, kiboitinigap Kamuktaindet ne Toroor, eng' kwenutap keterut ak kaptisisyet, ak ingomwa kole, ee Kamuktaindet ne Toroor, riiree piiguk, amegoochi poroteng'ung' kechot, kot koboi pororyosyek icheek: amu nee anyun si komwa pororyosyek kole, mi ano Kamuktaindennywa?

NG'ATUTIK 17:3

ak kwo koot kanamonik kogutung'ji anan asiista anan arawet anan age tugul ne po chaang'indap kipsengwet ne ma ang'at,

NG'ATUTIK 4:19

Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.