EZEKIEL 7:8 - BUKUIT NE TILIIL Sireet ne Dutero Kanon

⁸ Karik anyun si aroong'jin nereegekyuk che ng'woneen, ak ayai kosulda nereegekyuk eng' inyee, ak arwoogun ko uu ortinweguk; ak aibun tuguuguk tugul che kiwechei.

Bukuit Ne Tilil

⁸ Karik anyun si aroong'jin nereegekyuk che ng'woneen, ak ayai kosulda nereegekyuk eng' inyee, ak arwoogun ko uu ortinweguk; ak aibun tuguuguk tugul che kiwechei.

BUKUIT NE TILIL

⁸ Karik anyun si arong’jin neregekyuk che ng’wonen, ak ayai kosulda neregekyuk eng’ inye, ak aruogun ko u ortinweguk; ak aibun tuguguk tugul che kiwechei.

EZEKIEL 7:8 ပူးပေါင်းရင်းမြစ်များ

2 ATEPTAP PEETUUSYEK 34:21

Oba oteebunena Kamuktaindet ne Toroor, ak agobo piik che ki ng'et eng' Israel ak Judah, agobo ng'aleegap bukuit ne kogenyoor: amu oo nereeknatetap Kamuktaindet ne Toroor ne roong'jinech, amu ma riip kwanisyekyok ng'olyootap Kamuktaindet ne Toroor, koyai ko uu tugul che ki kisirchi bukuini.

TIENWOGIKAL 79:6

Rong'ji nereegeguk pororyosyek che ma ingenin, Ak laitornatosyek che maguurei kaineng'ung'.

ISAIAH 42:25

Kiroong'ji anyun nereegekyik che koroomen, ak kimnateetap lugeet; ak koyieme maat ineendet, ago ma nai kora ak kobeel ineendet, ago ma chut muguleldanyi.

JEREMIA 36:31

Ak abire ineendet ak iyotennyi, kobooto otwogikyik amu tengektonywa; ak aipchini icheek ak piik che menyei Jerusalem, kobooto piigap Judah, yaityet tugul ne ki amwa agobo icheek, ago ma kas.

JEREMIA 7:20

Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

RIREKAB JEREMIA 2:17

Ki koyai Kamuktaindet ne Toroor nooto ki kochop; kagoyai ng'olyoondennyi kosulda ko uu ye kiga ng'at eng' peetuusyek che po keny; kagowiirta kwo ng'wony ama riiree; kagogoochi puunyoot koboiboitunenen, ak kagotoroor kimnateetap puuniguk.

RIREKAB JEREMIA 2:4

Ki koriich kwangennyi ko uu puunyoot, ki tonon kochuul eunnyi ne po tai ko uu puunyoot, ki kobar tugul che iboiboi koonyek; eng' emaitap cheptap Zion; ko ki koroong'ji nereegekyik che koroomen ko uu maat.

RIREKAB JEREMIA 4:11

Ki koyai Kamuktaindet ne Toroor nereegekyik che ng'woneen kosulda, ki korong' nereegekyik che koroomen; ak ki konaam maat eng' Zion, ne ki kobeel lumeiywekyik.

EZEKIEL 11:21

Ago eng' icheeget che pendoti kosubi tuguukwak che samisen, ak tuguukwak che kiwechei, aipchini ortinwekwak metowekwak, mwaei Kiptaiyat Kamuktaindet ne Toroor.

EZEKIEL 14:19

Anan ngot ayookyi koroito emonooto, ak aroong'ji nereegekyuk che ng'woneen atumde korotiik, aiste chii ak tyony:

EZEKIEL 16:43

Amu ma ibwaat peetuusyegap ming'inateng'ung', ago ki itacha eng' tuguuchuuto tugul; ko uu nooto, kaaweegu poisyoniguk kotebee paragung'ung', mwaei Kiptaiyat Kamuktaindet ne Toroor. Tos ma iyai yaityoni itesyi tuguuguk tugul che kiwechei?

EZEKIEL 16:59

Amu mwaei Kiptaiyat Kamuktaindet ne Toroor kole: Ayaun ko uu ye koiyai, ne koisas kayasyoet ibut kayomiset.

EZEKIEL 18:30

Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

EZEKIEL 20:13

Ago ki ingelelja kootap Israel eng' surkwen: ma pendate ng'atuutikyuk, ak ki eesyo kirwoogutikyuk, che ngo yai chii kosabei eng' chooto; ki imurwon icheek miising' sabatosyekyuk: ki amwa anyun ale, aroong'jini icheek eng' surkwen nereegekyuk che ng'woneen si agees icheek.

EZEKIEL 20:21

Ago ki ingelelja ak icheek lagok; ma pendate ng'atuutikyuk anan koriip kirwoogutikyuk, koyai, che ngo yai chii kosabei eng' chooto; ki imurwon icheek sabatosyekyuk: amwa anyun ale aroong'jini icheek nereegekyuk che ng'woneen si kobiit ayai nereegekyuk kosulda eng' icheek eng' surkwen.

EZEKIEL 20:33

Mwaei Kiptaiyat Kamuktaindet ne Toroor kole, iman, ko uu ye asabe, aegu laitoryat aboiywok eng' euut ne kiim, ak eng' euut ne chuulaat, ak eng' nereegek che ng'woneen che rong'ugei.

EZEKIEL 20:8

Ago ki ingelelja, ma cham kogasa iit; ma meto chii age tugul eng' icheek tuguuk che kiwechei che ki chamei konyekwak, ama meto kanamonigap Misiri: amwa anyun ale, Aroong'jini icheek nereegekyuk che ng'woneen, si kobiit ayai nereegekyuk kosulda eng' icheek eng' emetap Misiri.

EZEKIEL 22:31

Kaaroong'ji anyun nereegekyuk icheek amu nooto; kaagesu eng' maatap nereegekyuk: ki ande ortinwekwak metowekwak, mwaei Kiptaiyat Kamuktaindet ne Toroor.

EZEKIEL 24:14

Kamwae anee Kamuktaindet ne Toroor ng'olyoondoniito, isuldoi ak ayae nooto; ma weechigei let, amarira moo, amawale kabwaatutikyuk. Arwoogun icheek ko uu ortinweguk ak ko uu poisyoniguk, mwaei Kiptaiyat Kamuktaindet ne Toroor.

EZEKIEL 30:15

Ak aroong'ji nereegekyuk che ng'woneen Sin, irimeetap Misiri; ak abar piik che chaang' che po No.

EZEKIEL 33:20

Ago omwae ole, Ma po iman ooreetap Kiptaiyat. Ee kootap Israel, arwookyini age tugul eng' okweek ko uu ortinwekyik.

EZEKIEL 6:12

Parei koroito ineendet ne mi ole loo; ak parei rotwetap chok ineendet ne neegit; ak parei rubeet ineendet ne ng'etu ne ki kigerchi nganaseet: ayae nereegekyuk che ng'woneen kosulda ko uu nooto eng' icheek.

EZEKIEL 7:27

Riirei laitoryat, ak kilaakyi pounindet pananda, ak kinyalil eunegap piigap emet; ayachini icheek ko uu ooreenywa, ak arwookyini ko uu ye nyoljin; si konai icheek kole aa Kamuktaindet ne Toroor.

EZEKIEL 7:9

Amarirenen kondanyu, ama riira moo: aibun ko uu ortinweguk, ak kotebee kwenung'ung' tuguuguk che po wegeet; si onai ole aa Kamuktaindet ne Toroor ne abirisyei.

EZEKIEL 9:10

Ago ne uu anee, ko marire kondanyu, ama riira moo, ago aipchini ooreenywa metowekwak.

EZEKIEL 9:8

Ak ye kita kobarisyoti, ak kigang'etu eng' yooto, abut kot kotiiny togeennyu ng'wony, ak ariir, ak amwa ale, ee, Kiptaiyat Kamuktaindet ne Toroor! Tos ibare piik tugul che ki ng'et che po Israel eng' nereegeguk che ng'woneen che roong'jingei Jerusalem?

HOSEA 12:3

Ki nam kwaryatap ng'eetap kamet komi moo; ak ki tinyei kimnateet kobooto Kamuktaindet ko kagoeet:

HOSEA 5:10

Uu pounigap Judah piik che inaktoe kiwoteet. Aroong'jini icheek nereegekyuk ko uu peek.

NAHUM 1:6

Ng'oo ne imuuchi kotonon eng' taitap nereegekyik? Ak ng'oo ne imuuchi komuita eng' koroomnatetap nereegekyik? Kirong'u nereegekyik che ng'woneen ko uu maat, ak tonatoni `ineendet rwandosyek.

NG'ANG'UTYET 14:10

koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet: