EZEKIEL 7:26 - BUKUIT NE TILIIL Sireet ne Dutero Kanon

²⁶ Nyoonei pichiindo kosubu pichiindo, ak pwoonei ng'aleegap piik koosup ng'aleegap piik; ak kocheeng' ng'ang'utyetap maotyot; ago petei ng'atuutyet eng' tisiindet, ak kobet kirwooget eng' poisyek.

Bukuit Ne Tilil

²⁶ Nyoonei pichiindo kosubu pichiindo, ak pwoonei ng'aleegap piik koosup ng'aleegap piik; ak kocheeng' ng'ang'utyetap maotyot; ago petei ng'atuutyet eng' tisiindet, ak kobet kirwooget eng' poisyek.

BUKUIT NE TILIL

²⁶ Nyonei bichiindo kosubu bichiindo, ak bwanei ng’alekab bik kosub ng’alekab bik; ak kocheng’ ng’ang’utietab maotiot; ago betei ng’atutiet eng’ tisiindet, ak kobet kiruoget eng’ boisiek.

EZEKIEL 7:26 ပူးပေါင်းရင်းမြစ်များ

TIENWOGIKAL 74:9

Ma kigeere kaboorunoikyok; Ma komi maotyondo; Ama mi kwenunnyo age tugul ne ingen kole tyanitu.

ISAIAH 47:11

Nyonjinin anyun yaityet; memuuchi igirinde: ak ibutyinin pichiindo, memuuchi iiste: ak kochein ng'emisyet, ne mengen.

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 21:2

asoomin ale, teebwech eng' Kamuktaindet ne Toroor; amu ibookyinech Nebukadresar laitoryatap Babilon: tamangap koyaiywech Kamuktaindet ne Toroor ko uu poisyonikyik tugul che kikwong'ee, si kobiit kwo koistoeneigei.

JEREMIA 37:17

koyookto anyun Zedekiah laitoryat kimut ineendet konyo: ak kiteepse laitoryat ineendet eng' ung'oot eng' koonnyi, koleenji tos mi ng'olyoot age tugul ne punu Kamuktaindet ne Toroor? Ak ki le Jeremiah, Miitei. Ki mwa kogeny kole kindein eutap laitoryatap Babilon.

JEREMIA 4:20

Kagosuup `ng'emisyet ng'emisyet, kagong'emak emet komugul. Kagechea keng'em emaisyekyuk, ak angookyuk eng' sainooto.

RIREKAB JEREMIA 2:9

Isuwe kobendi ng'wony ormariichokyik; ki ng'em ak koiri temeleiywekyik. Mi laitoryandennyi ak pounikyik kwenutap pororyosyek ole ma mi ng'atuutyet; ma nyooru maotikyik ng'ang'utyet ne punu Kamuktaindet ne Toroor.

EZEKIEL 11:2

Ak ki leenjo ineendet, Ee, weeriitap chii, chuuto piik che chobei yaityet, ak korwoochi kirwooget ne ya eng' nganasani:

EZEKIEL 12:22

Ee weeriitap chii, nee kalewenoni otinye eng' emetap Israel, oleen, Kigogagei peetuusyek, ak koek puch ng'ang'utyet age tugul?

EZEKIEL 14:1

Yeityo kobwanjo alak che po poisyegap Israel, ak kotep ng'wony eng' tainnyu.

EZEKIEL 21:7

Ak ye teebenen, koleenjin, Amu nee si itigen? Ile anyun, Amu ng'aleek, amu nyoonei: ak kome muguleldo age tugul ak konyalulso eunek tugul, ak konyaluul sabeet age tugul, ak kochootyo kutung'oik tugul ko uu peek: ogeero, nyoonei, ak ko yaaksei, mwaei Kiptaiyat Kamuktaindet ne Toroor.

EZEKIEL 22:26

Ki kobut tisiikyik ng'atuutyennyu, ak komurwon tuguukyuk che tiliileen: ma ibesyo che tiliileen ak che ma tiliileen, ama ineet piik koguiyo tuguuk che ma ianyinyotin ak che ianyinyotin, ak ki kotuch konyekwak si ma keer sabatosyekyuk, ak ki king'wanita eng' kwenunnywa.

EZEKIEL 33:31

Ak kobwonjin ko uu ye pwoonei piik, ak kotep ng'wony eng' taing'ung' ko uu piikyuk, ak kogas icheek ng'aleeguk, ago ma yaei: amu iboortoi chamyet ne oo eng' ng'aleekwak, ago isubi mugulelwekwak kelunennywa.

EZEKIEL 8:1

Ki nyoonjo eutap Kiptaiyat Kamuktaindet ne Toroor eng' kenyiit ne po lo, eng' arawetap lo, eng' peetuut ne po muut ne po arawanooto, ye ki atebye eng' koonnyu, ak kotebyei poisyegap Judah eng' tainnyu.

ATEPTAP LAWIK 26:18

Ago ngo mogasa iit eng' tuguuchuuto, abirok anyun konyil tisap kosiir amu tengekwogikwok.

ATEPTAP LAWIK 26:21

“Ngo testai oeesya, amogasa iit, aibwok korotwek konyil tisap kosiir, ko uu tengekwogikwok.

ATEPTAP LAWIK 26:24

aeesyok anyun ak okweek ak abirok anyun aneendet konyil tisap amu tengekwogikwok.

ATEPTAP LAWIK 26:28

atilok let anyun eng' pandanyu eng' nereegek che pichiien, ak abirok agane konyil tisap amu tengekwogikwok.

MIKAH 3:6

Egu anyun kemout eng' okweek, si mogeer kiy; ak koimenit eng' okweek si mogeer ng'ang'uut; ak kororokto asiista eng' maotik, ak koimenit peetuut eng' icheek.

MALAKI 2:7

Amu kanyool koriip kutitap tisiindet naet, ak kocheeng' piik ng'atuutyet eng' ng'aleekyik; amu ineendet ko chiito ne iyooktoi Kamuktaindet ne Toroor ne po lugoosyek.

MALAKI 2:9

Ki ayaak anyun oegu che kisasei ak ko nyerootiin eng' taitap piik tugul, ko uu ye ki ma oriip ortinwekyuk, ago ki otiytiy piik eng' ng'atuutik.

NG'ATUTIK 32:23

Atesyini yaitwogik; Ak amwoge icheek kipchabonikyuk:

1 SAMUEL 3:1

Ki poisyechin lakwanooto `Samuel Kamuktaindet ne Toroor eng' taitap Eli. Ki ma kota kegasei ng'olyootap Kamuktaindet ne Toroor eng' peetuusyechooto, ak ki ma komi ng'ang'utyet ne taagu.