EZEKIEL 7:23 - BUKUIT NE TILIIL Sireet ne Dutero Kanon

²³ Itaany sirimdo: amu kanyi emet kirwoogutigap korotiik, ak kanyi nganaseet koroomnateet.

Bukuit Ne Tilil

²³ Itaany sirimdo: amu kanyi emet kirwoogutigap korotiik, ak kanyi nganaseet koroomnateet.

BUKUIT NE TILIL

²³ Itany sirimdo: amu kanyi emet kiruogutikab korotik, ak kanyi nganaset koromnatet.

EZEKIEL 7:23 ပူးပေါင်းရင်းမြစ်များ

2 LAITORINIK 21:16

Kitumda kogeny Manasseh korotiik che chaang' kot, che ma tinyei tengek, kot konyiit Jerusalem kong'etee komosta age agoi komosta age; kobooto tengektanyi ne ki ibeete Judah si koyai tengekto, eng' yaityet ne ki yai eng' taitap Kamuktaindet ne Toroor.

2 LAITORINIK 24:4

ak agobo korotiik che ma tinyei tengek che kitumda. Amu ki inyiit ineendet Jerusalem korotiik che ma tinyei tengek, ak ki eesyo Kamuktaindet ne Toroor konyochi kaat.

ISAIAH 1:15

Ye oiite eunekwok, aung'enok konyekyuk. Agot ye osaa eng' saautik che chaang', koma kase; nyiitaat eunekwok korotiik.

ISAIAH 59:3

Amu murwonen eunekwok eng' korotiik, ak ko murwonen morikwok eng' tengekto; kogomwa kutusweekwok lembechek, ng'alaali ng'elyebwekwok yaityet.

ISAIAH 59:7

Ruachin keelyekwak yaityet, ak kochoktoi kotumda korotiik che ma tinyei tengek: kabwaatutikwak ko kabwaatutigap tengekto; mi ortinwekwak kubernateet ak ng'emisyet.

JEREMIA 2:34

Kogeny, ko miitei ngoroiguk, korotiigap kibananook che ma tinyei tengek. Ma inyoorchi icheek ole ki kobutok. Ago eng' chuuto tugul,

JEREMIA 22:17

Ago matokyingei konyeguk ak muguleldang'ung' kiy age kobatee tuguugap ng'wen, ak tumdaetap korotiik che ma tinyei tengek, ak sastaet, ak koroomnateet, koyai chooto.

JEREMIA 27:2

koleenji, kamwaiwo Kamuktaindet ne Toroor kole, yachigei anook ak chogisyek, ak iratyi kaating'ung';

JEREMIA 40:1

Ki nyoonji Jeremiah `ng'olyoot ne ki punu Kamuktaindet ne Toroor, ye kingo kagotyach Nebusaradan kiptaiyatap riibiik kwo eng' Ramah, ye kiga komut ineendet ko rataat eng' nyororosyek kobooto luulenik tugul che po Jerusalem ak Judah, che kiga kiluul koba Babilon.

JEREMIA 6:7

Ko uu ye kutune peek keriinget, ko kuutu ko uu nooto yaityennyi. Kigasei koroomnateet ak ng'emisyet eng' ineendet; mi tainnyu kotugul myando ak mook.

JEREMIA 7:6

ngot ko mosastoe toondet, ak ne ma tinyei sigiik, ak mosoget, amotumde korotiik che ma tinyei tengek eng' olito, anan osubote kamuktaik che teer ogoochinegei nyalilda,

RIREKAB JEREMIA 3:7

Kigong'ota kot koma amuuchi achilil; kigoganapcha nyororosyek che nyigiisen.

EZEKIEL 11:6

Ki otes eng' nganasani piikwok che kibarei, ak ki onyiit ortinwekyik piik che ki kibar.

EZEKIEL 12:19

ak ileenji piigap emet, Mwaei Kiptaiyat Kamuktaindet ne Toroor agobo piik che menyei Jerusalem, ak che po emetap Israel kole: Kendoi amitwogikwak, ak koeei peekwak eng' kwong'eet, si koek karaatya emennyi eng' tuguuk tugul che mi, amu koroomnatetap piik tugul che menyei olooto.

EZEKIEL 18:12

ne ki koyachi ne ya kibananiat ak ne ma tinyei kiy, ne ki korebis eng' koroomnateet, ne tomo koweekta kiit ne ki kiname pesendo, ak ki kotokyi konyekyik kanamonik, ne ki koyai kiit ne kiwechei,

EZEKIEL 22:13

Keer anyuno, ki arabach eunekyuk agobo keluneng'ung' ne ma po iman ne ki inyooru, ak eng' korotiguk che mi kwenung'ung'.

EZEKIEL 22:27

Kaigei pounikyik eng' kwenunnyi suik che parisyei; si kotumda korotiik, ak kong'em saboonwek, si kobiit konyoor poroteet ne ma po iman.

EZEKIEL 22:9

Ki kotebee chaamik kwenung'ung' si kotumdoi korotiik: ak kigoamisye tuloonook eng' inyee: ki koyai yaityet eng' kwenung'ung'.

EZEKIEL 45:9

Mwaei Kiptaiyat Kamuktaindet ne Toroor kole: Ingoyamak nooto, ee pounigap Israel: oiste koroomnateet ak ng'emisyet, ak oyai kirwooget ak imanda; oiste yaakset ne oyaache piikyuk eng' kimnateet, mwaei Kiptaiyat Kamuktaindet ne Toroor.

EZEKIEL 8:16

Ak ki imutwaa seremut ne po oriit ne po kootap Kamuktaindet ne Toroor, ak ogeero, kimi piik che neegit tiptem ak muut eng' kurgeetap Hekaluutap Kamuktaindet ne Toroor, eng' kwenutap keterut ak kaptisisyet, che kaituktoochi patai Hekaluutap Kamuktaindet ne Toroor, ak kotokyigei kong'asiis; ak ki sa asiista kotokyingei kong'asiis.

EZEKIEL 8:17

Yeityo koleenjo, Kaigeer niito o, weeriitap chii? Tos kiy ne ming'in eng' kootap Judah ngo yai icheek eng' olito tuguuk che kiwechei? Amu kigonyiit emet koroomnateet, ak ki kowelelgei kogeny kotacha: ak keero, indoi temetap keetit seruunekwak.

EZEKIEL 9:9

Koleenjo anyun, Oo kot tengektap kootap Israel ak ne po Judah, kanyi emoni korotiik, ak kanyi nganasani kamaaset ne po kirwoogutik: amu mwaei kole ki kometo Kamuktaindet ne Toroor emoni, ama keerei Kamuktaindet ne Toroor.

HOSEA 4:2

Ma mi kiit age kobatee chubisyet, lembechek ak rumisyet, choorseet ak ibeetapkei, tesoksei ak isubegei rumisyet.

MIKAH 2:2

Kasei myat mbareenik, ak korep; kobooto kooriik, ak koip: ak kous chiito kobooto koonnyi, chiito kobooto tuguukyik.

MIKAH 7:2

Ki kobet chii ne iywei Kamuktaindet ne Toroor eng' emet, ama mi agot agenge ne po iman eng' piik. Saptoi tugul kotumdoi korotiik, riichei chii age tugul mesteet agobo ng'eetap kamet.

NAHUM 3:10

Ago ki kimut, ki kiluul, ki kitonaton kogeny lagokyik eng' tabanwegap ortinwek tugul; ak kiseer parbareek agobo piikyik che konyitotiin, ak kerate nyororosyek piikyik tugul che eecheen.